121
Əslində birgə, ictimai, ümumxalq torpağı olmur, Dövlət torpağı olur.
Əslində birgə, ictimai, ümumxalq fabriki olmur, Dövlət fabriki olur.
3.
Dövlət mülkiyyətində: kəndli torpağından məhrum olur, fəhlələr
fabriklərindən məhrum olurlar.
4.
Vahid mülkiyyət əməkçi mülkiyyətsizliyi yaradır.
İctimai ədalətsizlik bərqərar olur.
5.
Mülkiyyət birliyi əsasında ictimai birlik yaranmaz!
İctimai birlik əməkçi mülkiyyəti əsasında yarana bilər.
6.
Ictimailəşən torpaq yadlaşan torpağa çevrilir.
İctimailəşən fabrik yadlaşan fabrikə çevrilir.
Yadlıq Yağılıq yaradır!
TƏZAD
“Vahid Mülkiyyət – Vahid cəmiyyət” deyirdilər.
Vahid Mülkiyyət – Yad cəmiyyət yarandı.
7 Ümid günü, Xəzan Ayı, 8-ci il. Bakı.
VƏHDƏTLƏR
Azad cəmiyyət üçün
Güclü Dövlət gərəkdir – ancaq azadlığa xidmət
edən, əsarətə xidmət etməyən güclü Dövlət!
Demokratiya üçün
İntizam gərəkdir – ancaq demokratiyaya xidmət
edən, istibdada xidmət etməyən İntizam!
Millilik üçün
Ümumbəşərilik gərəkdir – ancaq milləti yaşadan, məhv
etməyən Ümumbəşərilik!
24 Qismət, Xəzan Ayı, 8-ci il. Bakı.
İQTİSADİ TƏMAS
Özümləşmə, Müstəqilləşmə əsasında bərabər mübadilə.
İqtisadi İttifaqlar boyunduruğundan uzaq!
26 İnam günü, Xəzan Ayı, 8-ci il. Bakı.
BEYNƏLXALQ AMİL
Sədamızın əks-sədası.
27 Arzu günü, Xəzan Ayı, 8-ci il. Bakı.
122
RUHANİ YOLÇULUQ
Ehtiyatı özümüzə bayraq eləmirik, yaraq eləmirik, həm də yasaq
eləmirik, ehtiyatda saxlayırıq.
Özümüzlə Yola müdrikliyi aparırıq, yetkinliyi aparırıq.
ANTİRƏSMİLİK
Rəsmi Həqiqət olmur, rəsmi cəhalət olur.
Rəsmi Ədalət olmur, rəsmi əsarət olur.
Rəsmi Ləyaqət olmur, rəsmi qəbahət olur.
Həqiqətimiz rəsmiyyətə qarşıdır.
Ədalətimiz rəsmiyyətə qarşıdır.
Ləyaqətimiz rəsmiyyətə qarşıdır.
Rəsmiyyət həyatı öldürür,
Ruhaniyyat həyatı Ali Həyata yüksəldir!
Həyatı Rəsmiyyət Fəlakətindən xilas etməliyik!
2 Arzu günü, Köçəri Ayı, 8-ci il. Bakı.
ÖZÜNLƏ DOĞMALAŞMAQ
1.
Özünlə Doğmalaşmaq üçün Özündəki Yadlıqla – Naqisliklə
Yağılaşmalısan, döyüşməlisən, onun üzərində tam qələbə çalmalısan!
Kamillik səviyyəsində yaranan doğmalıq!
Qeyri-kamillər özlərinə yaddırlar!
2.
Özünü tanımaq üçün Özündəki Yaddan ayrılmalısan!
Özünlə Doğmalaşmadan özünü tanıya bilməzsən!
Doğma Naqislik olmur!
Yad Kamillik olmur!
12 Mərhəm, Köçəri Ayı, 8-ci il.
ÇAĞIRIŞ
Yatanlar, Ayılın!
Yıxılanlar, Qalxın!
Əyilənlər, Düzəlin!
Ölənlər, Dirilin – Amal Məqamıdır!
Yatanları Ayıldın!
Yıxılanları Qaldırın!
Əyilənləri Düzəldin!
Ölənləri Dirildin! – Amal Məqamıdır!
123
Ayılsın Dünya!
Qalxsın Dünya!
Düzəlsin Dünya!
Dirilsin Dünya! – Amal Məqamıdır!
SÖZ – ƏMƏL
Söz – İşıq.
Söz – Su.
Söz – Od.
İşıqlanmaq,
İşıqlandırmaq,
Təmizlənmək,
Təmizləmək,
İsinmək,
İsitmək.
ŞƏR FƏSADI
Çoxmillətli müttəfiq respublikalar quraşdırılır ki, “İşıqlı” gələcəkdə
birmillətli, vahid ölkə yaransın. Çoxmillətlilik quyusu qazırlar xalqlar üçün.
Atayurd – Bir Dilli, Bir mədəniyyətli, Bir millətli ölkə olmalıdır –
çoxmillətlilik fəsadına uymayan, bütöv, müstəqil.
27 Qismət günü, Köçəri Ayı. 8-ci il. Bakı.
TALEYİMİZ
Taleyimizi Hamının Ümumi Taleyini yazan Şərin əlindən alıb, Özümüz
yazdıq.
2 Arzu günü, Günəş Ayı, 9-cu il.
ÖZÜYLƏDÖYÜŞ HAQQI
Qorxuya qarşı: Zindanla cəmiyyət arasında fərq yoxdur.
Amala Ölüm yoxdur!
Əsarətə qarşı: Beynim var ki, düşünəm!
Qəlbim var ki, duyam!
Gözüm var ki, görəm!
Qulağım var ki, eşidəm!
Şöhrətə qarşı: Cəmiyyət Təsdiqi İnkardır.
Şəhvətə qarşı: Nəşəyə əyilən – heyvana baş əyir.
Həsədə qarşı: Dünyada yaxşı nə varsa – mənimdir,
pis nə varsa – Yağının.
Ətalətə qarşı: Var olmaq üçün sağ olmaq azdır...
Yalana qarşı: Murdarlanan dodaq, qulaq.
124
ÖZÜMLƏŞMƏ YADDAŞI
Nə qədər özünü bilsən də, Daxilində bilməzlik var. Onu bil.
Nə qədər özünə yaxın olsan da, daxilində yadlıq var. Ona yad ol.
Nə qədər özünə dost olsan da, daxilində yağılıq var. Ona yağı ol...
17 Ümid günü, Günəş Ayı, 9-cu il. Bakı.
MÜTLƏQLƏ İŞIQLANMAQ
(Ruhani Qanun)
I. İnsan
Qorxaqlıqdan Azad olanda Daxilindəki Mütləqə çatırsan, Qorxmazlıq
İşığına qərq olursan. Mərasimləşir Məqam.
Yalandan Azad olanda Daxilindəki Mütləqə çatırsan,
Doğruluq İşığına qərq olursan. Mərasimləşir Məqam.
Xudbinlikdən Azad olanda Daxilindəki Mütləqə çatırsan,
Özümlük İşığına qərq olursan. Mərasimləşir Məqam.
Həsəddən Azad olanda Daxilindəki Mütləqə çatırsan,
Qüdrət İşığına qərq olursan. Mərasimləşir Məqam.
Şəhvətdən Azad olanda Daxilindəki Mütləqə çatırsan,
Ləyaqət İşığına qərq olursan. Mərasimləşir Məqam.
Şöhrətdən Azad olanda Daxilindəki Mütləqə çatırsan,
Əsillik İşığına qərq olursan. Mərasimləşir Məqam.
Hərislikdən Azad olanda Daxilindəki Mütləqə çatırsan,
Vüqar İşığına qərq olursan. Mərasimləşir Məqam.
Naşılıqdan Azad olanda Daxilindəki Mütləqə çatırsan,
Müdriklik İşığına qərq olursan. Mərasimləşir Məqam.
Vəhşilikdən Azad olanda Daxilindəki Mütləqə çatırsan,
Məhəbbət İşığına qərq olursan. Mərasimləşir Məqam.
Mərasim: Zülmətdə İşıq yandırırsan. İşıq Zülməti yandırıb kül eləyir.
Zülmət – təbii işıqlarla: şamla, məşəllə, Ocaqla işıqlanır.
İşıq Əməli, İşıq Fərəhi Rəmzləşir.
Ömrün İşıq Günləri yaranır – əbədi bayramlaşan.
II. Xalq
Əsarətdən Azad olanda Daxilindəki Mütləqə çatırsan,
Azadlıq İşığına qərq olursan. Mərasimləşir Məqam.
Təqliddən Azad olanda Daxilindəki Mütləqə çatırsan,
Özümlük İşığına qərq olursan. Mərasimləşir Məqam.
Bölünməkdən Azad olanda Daxilindəki Mütləqə çatırsan, Bütövlük
İşığına qərq olursan. Mərasimləşir Məqam.