55
§
2.3. Müasir korporativ idarəetmə modelləri nəzəriyyəsi
Müasir iqtisadiyyatda korporasiyaların və korporativ münasibətlərin inkişafı
korporativ idarəetmənin də inkişafını və təkmilləşdirilməsini tələb edir. Korporativ
idarəetmənin inkişafı müasir korporativ idarəetmə modellərinin meydana gəlməsinə
səbəb olmuşdur. Müasir korporativ idarəetmə modellərini izah etməzdən əvvəl
korporativ idarəetmə anlayışının qısa izahını verməyi məqsədəuyğun hesab edirik.
Müasir şəraitdə şirkətin muzdlu menecerlərlə səhmdarlar və digər maraqlı
tərəflər arasında qarşılıqlı münasibətlər sistemi məhz korporativ idarəetmə sistemi
kimi çıxış edir. Korporativ idarəetmə biznesin təşkilati-hüquqi formasının idarə
olunması, təşkilati srukturların optimallaşdırılması, qəbul olunmuş məqsədlərə
müvafiq olaraq kompaniyanın firmalararası və firmadaxili münasibətlərinin
qurulmasıdır (yaradılmasıdır). Dar mənada korporativ idarəetmə dedikdə şirkətin
menecmentini səhmdarın maraqlarına əsasən fəaliyyət göstərməyə istiqamətləndirən
qayda və stimullar sistemi nəzərdə tutulur. Geniş mənada korporativ idarəetmə
dedikdə şirkətin fəaliyyəti ilə bağlı olan iqtisadi subyektlər arasında sosial-iqtisadi,
təşkilati-hüquqi və idarəedici münasibətlər sistemi nəzərdə tutulur. Korporativ
idarəetmənin başlıca funksiyası - mülkiyyətçilərin, başqa sözlə, korporasiya təşkil
edən maliyyə resurslarının maraqları çərçivəsində korporasiyanın işinin təmin
olunmasıdır.
Beynəlxalq səviyyədə müasir korporativ idarəetmənin ingilis-amerikan, alman
və yapon modelləri fərqləndirilir. Bu modellərin hər biri özünəməxsus formada
müəssisələrin idarə edilməsini və səhmdarlarla (mülkiyyətçilərlə) idarəedicilər
arasındakı münasibətlərin tənzimlənməsini həyata keçirir.
Anqlo - Amerikan modeli. Bu model ABŞ, Kanada, Böyük Britaniya, Avstraliya
və Yeni Zenlandiya korporasiyalarında geniş yayılmışdır.
56
Anqlo-Amerikan modelinin hakim iştirakçıları kimi direktorlar, səhmdarlar
(başlıca olaraq institutsional investorlar), hakimiyyət strukturları, birjalar,
özünütənzimləmə təşkilatları, korporativ idarəetmə və vəkalət üzrə səsvermə
məsələləri üzrə korporasiya və səhmdarlara məsləhət xidmətləri (konsultasiya)
təqdim edən konsaltinq firmaları çıxış edirlər. Bu modelin üç əsas iştirakçıları
mövcuddur: menecerlər (idarəedənlər), direktorlar (direktorlar soveti və ya şurası) və
səhmdarlar.
Müharibədən sonrakı mərhələdə Böyük Britaniya və ABŞ-da indivudual (şəxsi)
investorlarla müqayisədə institutsional investorların sayının artımı müşahidə
olunmağa başlanmışdır. Bu artım onların nüfuzunun güclənməsinə gətirib çıxardı.
Öz növbəsində hüquqi dəyişikliklərə səbəb oldu, bu isə onları korporativ
münasibətlərin iştirakçılarına çevirdi.
Böyük Britaniya və ABŞ korporasiyalarının Direktorlar Şurasının tərkibinə
“daxili” (“insayderlər”) və “xarici” (“autsayderlər”) üzvlər daxildir. nsayder ya
korporasiyada işləyən (fəaliyyət göstərən) şəxsdir (menecer, icraçı və ya işçi), ya da
ki, korporasiyanın idarəolunması ilə sıx əlaqədar olan şəxsdir. Autsayder isə birbaşa
olaraq korporasiya və onun idarəolunması ilə əlaqəli olmayan şəxsdir. “ nsayder”
sözünün sinonimi isə “icraçı olmayan direktor” və ya “müstəqil direktor” ola bilər.
Adətən, Direktorlar Şurasının sədri və Baş icraçı direktor kimi eyni şəxs çıxış
edir. Bu isə tez - tez müxtəlif sui - istifadə hallarına, hakimiyyətin bir şəxsin əlində
(məsələn, Direktorlar Şurası eyni zamanda sədr və baş icraçı direktor vəzifəsini
yerinə yetirən bir şəxs tərəfindən nəzarət olunur) və ya bir qrup şəxslərin əlində
cəmləşməsinə (məsələn, Direktorlar Şurası yalnız “insayder”-lərdən ibarətdir) gətirib
çıxarır.
Direktorlar Şurası və idarəedici digər səhmdarların maraqlarını nəzərə almadan
uzun müddət ərzində hakimiyyəti əldə saxlamağa çalışırlar. Hal - hazırda həm
57
amerikan, həm də inglis korporasiyaları Direktorlar Şurasına daha çox sayda müstəqil
direktorlarını daxil etməyə çalışırlar.
Seçirlər
Sahibdirlər
Girov saxlayır
Struktur çərçivə
Şə
k. 2.3.1 Korporativ idarəetmənin ingilis-amerikan modeli
5
Anqlo - amerikan modelini reallaşdıran bütün ölkələrdən daha çox ABŞ - da
informasiyanın açıqlanmasının ən sərt normaları tətbiq edilir. Ən müxtəlif
informasiyaları nəşr etməli olan ABŞ korporasiyaları ilə müqayisədə anqlo -
amerikan idarəetmə modelindən istifadə edən digər ölkələrdə informasiyanın nəşr
olunmasına tələblər bir qədər mülayimdir. Səhmdarların illik ümumi iclasının
gündəliyinə və ya illik hesabatına aşağıdakı məlumatlar daxil edilməlidir:
-
hər rüb üzrə maliyyə məlumatları;
-
kapitalın strukturu haqqında göstəricilər;
5
İstinad olunan mənbə: Həsənov H.S. “İri sahibkarlıq strukturları”. Bakı, 2007, səh. 63.
Təyin və nəzarət edir
darə edir
Direktorlar şurası
(müşahidəçilər)
Vəzifəli şəxslər
(menecerlər)
Ş
irkət
Səhmdarlar
Kreditorlar
Hüquqi sistem
Dostları ilə paylaş: |