Azərbaycan Tarixi
125
Xəlifə Harun ər-Rəşidin dövründə əl-Vəcnə Marağanı da
Rəvvadilərin mülkünə qatmışdı.
Sonra Rəvvadilər Xilafətdən
ayrılmağa cəhd etsələr də, canişin bunun qarşısını ala bilmişdi.
Əl-Vəcnədən sonra Təbriz şəhərinin hakimi onun qardaşı
Məhəmməd olmuşdur. Əl-Yaqubi 813-cü ilə aid bir məlumatda
xürrəmilər hərəkatının təsiri altında separatçılıq hərəkatından
bəhs edərkən, Xilafətdən, demək olar ki, ayrılmış və nisbi
müstəqillik əldə etmiş hakimlər sırasında Məhəmməd ibn
Rəvvadın da adını çəkir. Xürrəmilər hərəkatı genişləndikcə
yerli feodalların, hakimlərin və sərkərdələrin müstəqilliyə can
atmaq meylləri də güclənirdi. Lakin xürrəmilər hərəkatının
güclənməsi və nəticədə qələbə çalmaq imkanları onları təşvişə
salır. Onlar bu hərəkatın qarşısını alacaq qüvvəni xəlifənin si-
masında görürlər. Beləki, 820-ci ildə xəlifənin yeni canişini İsa
ibn Məhəmməd Azərbaycana gəldikdə bütün yerli hakimlər, o
cümlədən Məhəmməd ibn Rəvvad onun iqamətgahına gəlirlər.
Məhəmməddən sonra Təbrizin hakimi onun qardaşı
Yəhya olur. 850-ci ildə yerli hakimlərin separatçılıq meyli ilə
bağlı olaraq Bağdada aparılanlar arasında
Yəhya ibn Rəvvad da
olmuşdu. Lakin xəlifə onu zindana saldırmamış, sərbəst
buraxmışdı. O vaxtdan sonra uzun müddət Rəvvadilər bölgənin
siyasi həyatından kənar edilmişdilər. Buna baxmayaraq, onlar
öz mülklərini əldə saxlaya bilmişdilər və başqa vilayətlərin
hakimləri kimi Sacilərə, sonralar isə Salarilərə vergi verirdilər.
Qaynaqlarda Əhər və Varzanın sahibi Əbdülheycə ibn
Rəvvadın Salari hökmdarı İbrahimə 50 min dinar vergi ödəməsi
haqqında məlumat vardır. Salari hökmdarı Mərzbanın əsir
alındığı vaxtlar, Salarilərin hakimiyyətinin zəifləməsindən
istifadə edən Hüseyn ibn Məhəmməd 957-ci
ildə Təbrizi və
onun ətrafını geri qaytara bildi. X əsrin 70-ci illərinin sonlarına
yaxın Hüseynin oğlu Əbdülheycə Salari hökmdarı İbrahim ilə
müharibədə qalib gəldi və İbrahimi zindana saldırdı. O, Aranın
cənub torpaqlarını da öz mülklərinə qatdı.
Qəzənfər Rəcəbli
126
981-ci ildə Əbdülheycə ibn Məhəmməd Ərdəbili tutur və
Rəvvadilər dövlətinin əsasını qoyur. Onun hakimiyyət illəri
Rəvvadilər dövlətinin yüksəlişi və ərazilərinin genişləşdirilməsi
dövrü kimi səciyyələnir. 988-ci ildə Əbdülheycə ibn
Məhəmməd vəfat edir. Onu əvəz edən oğlu Məmlan atasının
xarici siyasətini müvəffəqiyyətlə davam etdirir. Məmlan 30 ilə
yaxın Rəvvadilər dövlətinin başında durmuşdur.
Məmlandan sonra Rəvvadilər dövlətinin hökmdarı onun
oğlu Bəhsudan olur. Bəhsudanın hökmdarlığı haqqında təkcə
tarixi qaynaqlarda deyil, dövrün tanınmış şairi Qətran
Təbrizinin qəsidələrində də maraqlı məlumat vardır.
XI əsrin 20-ci illərində Azərbaycana oğuz türklərinin yeni
axını olmuşdur. Tarixçi Rəşidəddinin “Oğuznamə” kitabında
deyilir ki, oğuz türklərinin bu dövrdə Azərbaycana axını təkcə
cənub və şərqdən İran
vasitəsilə deyil, şimaldan Dərbənd keçidi
vasitəsilə də güclənmişdi. 1028-ci ildə Sultan Mahmud Qəznə-
viyə qarşı çıxmış oğuz türklərindən 2 min ailə məğlubiyyətdən
sonra qərbə doğru hərəkət etmişdilər. Rəvvadi hökmdarı Vəh-
sudan onları dostcasına qarşılamış, onlara sığınacaq vermişdi.
Vəhsudan onlara torpaq da paylamışdı. Vəhsudan oğuz suvari-
lərindən Bizansa qarşı müharibələrdə və feodalların özbaşınalı-
ğının qarşısını almaqda istifadə etmək niyyətində idi. Vəhsudan
ilk dəfə XI əsrin 30-cu illərində Azərbaycanda görünən Səlcuq
oğuz türklərindən də bu məqsədlə istifadə edirdi.
XI əsrin 40-cı illərində Rəvvadilər dövlətinin ərazisi təq-
ribən bütün Cənubi Azərbaycanı əhatə edirdi. Xarici siyasi və-
ziyyətin bu dövrdə gərginləşməsi hökmdar Vəhsudanı qonşu
dövlətlərlə dostluq münasibətləri yaratmağa sövq edirdi. Vəh-
sudanın Gəncəyə səfəri də bu niyyətlə bağlı idi. Rəvvadilər və
Şəddadilər dövlətlərinin hökmdarları arasında
bağlanan müqa-
vilə Şəddadilər dövləti tərəfindən şimaldan olan təhlükəni ara-
dan qaldırmışdı. Qətran Təbrizinin qəsidələrində bu görüş şərh
edilir və hər iki hökmdarın sülhməramlı sazişi mədh edilir.
Azərbaycan Tarixi
127
Əlbəttə, Vəhsudan yalnız güclü dövlətlərlə münasibətdə
sülhpərvər siyasət yeridirdi. Zəif hakimlər və hökmdarlara mü-
banasibətdə, lazım gəldikdə güc də tətbiq edirdi. Beləki, Rəv-
vadilərin ali hakimiyyətini tanımaqdan boyun qaçıran Muğan
əmirinin üstünə oğlu Məmlan Rəvvadinin başçılığı ilə qoşun
göndərdi və Muğan əmiri Rəvvadilər sülaləsinin hakimiyyətini
tanımalı oldu. Bu döyüşdə iştirak etmiş şair, Qətran Təbrizi ona
xüsusi qəsidə həsr etmişdir.
1054-cü ildə Sultan Toğrulun başçılığı altında səlcuq
oğuz türkləri qərbə doğru yürüşləri zamanı Təbrizə yaxınlaş-
dıqda, onların qarşısında gücsüzlüyünü
dərk edən hökmdar
Vəhsudan Səlcuq Türk sultanlığının hakimmiyyətini tanıdı.
Sultan Toğrul Rəvvadi hökmdarı Vəhsudanın taxt- tacına
toxunmadı. Rəvvadilər dövləti vassal dövlətə çevrildi və sulta-
na qiymətli hədiyyələr verdi, vergi ödəməli oldu.
1058-ci ildə hökmdar Vəhsudan vəfat etdikdən sonra da
Sultan Toğrul Rəvvadilər sülaləsinin hakimiyyətinə toxunmadı,
onun oğlu II Məmlanı onun yerinə təyin etdi. 1060-cı ildə II
Məmlan görünür müstəqil olmaq fikrinə düşüb vergi verməyi
dayandırdı. Sultan Toğrul ikinci dəfə Təbrizi mühasirəyə aldı
və onu 4 ay mühasirədə saxladı. II Məmlan Sultan Toğrulun
adına yenidən xütbə oxunmasına sərəncam verdi və vergi
ödəməkdə davam etdi.
1065-ci ildə Azərbaycanın Xoy və Salmas şəhərlərində
səlcuq oğuz türklərinin hakimiyyətinə qarşı üsyan qaldırılır.
Səlcuq Türk Sultanı Alp Arslan üsyanı yatırır. II Məmlan
hakimiyyətdən
kənar edilir, Rəvvadilər dövləti ləğv edilib
sultanlığın bir vilayətinə çevrilir. Təbriz şəhərinə səlcuq
əmirlərindən biri hakim təyin edilir. Beləliklə, təqribən bir əsr
davam edən Rəvvadilər sülaləsinin hakimiyyətinə son qoyulur.
9.5. Şəddadilər dövləti. X əsrin ortalarından XII əsrin
sonlarınadək Cənubi Qafqazın Gəncə, Aran, Naxçıvan, Dvin və
Ani əmirliklərində hakimiyyət başında Şəddadilər sülaləsi
durmuşdur. Sülalənin banisi kürd mənşəli Məhəmməd ibn
Qəzənfər Rəcəbli
128
Şaddad, Salari hökmdarı Mərzban ibn Məhəmmədin 951-ci ildə
həbs olunmasından sonra yaranmış siyasi
durumdan istifadə
edərək, Mərzbanın tabeliyində olan Dvini ələ keçirir. 954-cü
ildə Mərzban həbsxanadan qaçır və dəyləmli süvarilərdən ibarət
qoşunla Dvin üzərinə yeriyir. Məhəmməd ibn Şəddadın
qoşununda olan dəyləmlilər Mərzbanın tərəfinə keçirlər.
Nəticədə Məhəmməd məğlub olur və Mərzban Salari öz
şəhərini geri ala bilir. 955-ci ildə Məhəmməd Şəddadi vəfat
edir.
Məhəmmədin kiçik oğlu Fəzl böyüdükdən sonra
Salarilərə xidmət etməyə başlayır və Salari hakimi Əli əl-
Fazinin idarə etdiyi Gəncəyə gəlir. Bu zaman Gəncə tez-tez
müxtəlif soyların basqınlarına məruz qalırdı. Fəzl Əli əl-
Fazinin tapşırığı ilə basqınçıları Gəncədən qovub çıxarır. Bu
Fəzlə olan inamı artırır. Fəzl 969-cu ildən Gəncədə yaşamağa
başlayır. Fəzl şəhər rəisinin məsləhəti ilə böyük qardaşı
Ləşkəriyə xəbər göndərib onu da Gəncəyə dəvət edir. Ləşkəri
qardaşının, gəlib Gəncənin hakimi olmaq haqqında,
təklifinə
razılıq verir. Öncədən Fəzl ilə razılaşmış şəhər rəisi Yusif Gən-
cənin Salari hakimini həbs edərək, şəhərin darvazalarını Ləş-
kərinin üzünə açdırır.
Beləliklə, 971-ci ildə Ləşkəri ibn Məhəmməd Şəddadi
Gəncənin hakimi olaraq, sülalənin hakimiyyətinin əsasını qo-
yur, Şəddadilər dövləti yaranır. Dövlətin paytaxtı Gəncə şəhəri
olur. Nəslin böyüyü kimi Ləşkəri Gəncənin ilk Şəddadi hakimi
olsa da, hakimiyyətdə həlledici rolu Fəzl oynamışdır.
Salari hökmdarı İbrahim Gəncədə Şəddadilərin mərkəzi
hakimiyyətdən ayrılaraq müstəqil olmaları haqqında xəbəri alan
kimi, Gəncə üzərinə qoşun çəkir və şəhəri mühasirəyə alır. La-
kin Ləşkəriyə qalib gələ bilmir və onunla müqavilə bağlayaraq
Şəddadilər sülaləsinin Gəncədə hakimiyyətini tanımalı olur.
Bundan sonra Naxçıvan, Dvin, Bərdə, Şəki və b. şəhərlər də
tutulub Şəddadilər sülaləsinin hakimiyyətinə tabe edilir.