_____________Milli Kitabxana_____________
90
3. Riyaziyyatın tədrisində ümumiləşdirmə şagirdlərin idrak fəaliyyətinin
inkişafında sistematik məntiqi əməliyyat kimi mənimsəmənin metodik sisteminin
müasir tələblərə cavab verə bilməsi üçün empirikliyə nisbətən nəzəri səviyyənin
yüksəldilməsinə üstünlük verilməlidir.
4. Şəxsiyyətin tərbiyəsində, “əqli qaydaya salmaqda” mühüm vasitə olmaqla
riyaziyyatın məktəbdə müasir tələblər səviyyəsində tədrisinin əsas məqsədinin
şagirdlərə fikirləşməyi öyrətmək olduğunu daima diqqət mərkəzində saxlamaq
lazımdır.
5. Riyaziyyat təliminin məqsədinin və cəmiyyətin sosial sifarişinin xüsusi
əhəmiyyəti vardır. Hazırda müstəqil Azərbaycan respublikasında ümumi təhsildə
riyazi hazırlığın səviyyəsi qabaqcıl ölkələrin elitar məktəblərində olduğu kimi
daima yüksəldilməlidir.
6. Tədris fənni kimi riyaziyyatın spesifik xüsusiyyətləri olan sistematiklik,
ardıcıllıq, məntiqi ciddilik, ümumilik, mücərrədlik, tətbiq sahəsinin genişliyi
kursun mənimsənilməsinin metodik sisteminin qurulmasında əsas yer tutması
unudulmamalıdır.
7. Riyaziyyatın səciyyəvi xüsusiyyətlərini bilərək, onların digər məktəb
fənlərinin öyrənilməsində, həyati məsələlərin həllindəki rolunu nəzərə almalı.
8. Riyaziyyat üçün spesifik olan nəzəriyyə ilə təcrübənin əlaqəsinə, uyğun
biliklər sisteminin, riyazi mədəniyyətin (hesablama, isbat, qurma, çevirmələr,
ölçmə, qrafiklər qurmaq və s.) formalaşdırılmasına xüsusi diqqət vermək lazımdır.
9. Ümumiləşdirilmiş anlayışlar sistemi əsasında təlimin bütün
mərhələlərində şagirdlərin dünyagörüşü, idraki və məntiqi qabiliyyətləri inkişaf
etdirilməlidir.
10. Şagirdlərdə məntiqi təfəkkürün və fəza təsəvvürü vərdişləri təkcə
həndəsənin öyrənilməsi prosesində deyil, ibtidai və aşağı siniflərin riyaziyyatında,
cəbr, cəbr və analizin başlanğıcında inkişaf etdirilməsi məktəb riyaziyyatı
tədrisinin metodik sistemində əsas yer tutmalıdır.
_____________Milli Kitabxana_____________
91
11. Təlimin müxtəlif mərhələlərində induktiv və deduktiv mühakimələrin,
ümumiləşdirmə, xüsusiləşdirmə, mücərrədləşdirmələrin səviyyələri düzgün müəy-
yənləşdirilməlidir.
12. Riyazi təlimin metodik sisteminin təkmilləşdirilməsinin yuxarıda
göstərdiyimiz meyarlarından elmi-tədqiqat işlərində, metodik ədəbiyyatda, məktəb
proqramları və dərsliklərin hazırlanmasında müasir tələblər səviyyəsində istifadə
edilməmişdir.
13. Riyazi təlimin metodik sisteminin təkmilləşdirilməsinin məlum didaktik
prinsiplərdən irəli gələn meyarları, baxdığımız ümumiləşdirilmiş məntiqi
əməliyyatlarla əlaqədar meyarların ifadəsinə gətirilir. Belə meyarlar sırasına
didaktik əhəmiyyət, tamlıq, genişlik, təlimdə motivləşdirmə və intensivləşdirmə və
s. daxildir. Ümumiləşdirilmiş meyarları riyaziyyat proqramları və dərsliklərinin
hazırlanması və təkmilləşdirilməsi mərhələlərində tətbiq etmək məqsədəuyğundur.
14. Proqram və dərsliklərin tərtibində şagird kontingentindən asılı olaraq
(orta ümumtəhsil, peşə-texniki, xüsusi orta, fg məktəbləri və s.) bu və ya digər
meyarlar qrupu başqası ilə əvəz edilə bilər.
15. Ümumiləşdirmə ilə əlaqədar tədris materialının seçilməsi meyarları
sistemi əsas (stabil) və dinamik (ümumiləşdirilmiş) hissələrdən ibarət ola bilər.
Sonuncu riyaziyyatdan proqram və dərsliklərin hazırlanması və təkmilləşdirilməsi
mərhələsində yaranan məsələlərdən asılıdır.
16. Deməli, şagirdlərdə riyazi mədəniyyətin, o cümlədən ümumiləşdirmə
qabiliyyətinin inkişaf etdirilməsində proqram və dərsliklərin hansı meyarlar sistemi
əsasında yaradılması və qiymətləndirilməsi mühüm yer tutur. Təhlil etdiyimiz
ədəbiyyatın əksəriyyətində riyaziyyatın tədrisində ümumiləşdirmənin əhəmiyyətli
olduğu deyilir, lakin proqram və dərsliklərin tərtibində, ayrı-ayrı mövzular üzrə
aparılan dərslərdə bu əməliyyatın tətbiqi, onun şagirdlərə öyrədilməsinə aid
konkret nümunələr olduqca azdır.
_____________Milli Kitabxana_____________
92
“Riyazi isbatdan keçməyən heç bir tədqiqat həqiqi elm sayıla bilməz”
Leonardo Da Vinçi
II FƏSİL
Məktəb riyaziyyat kursunda ümumiləşdirmənin nəzəri əsasları
2.1.Riyaziyyatın tədrisində ümumiləşmənin nəzəri əsasları məsələsinin
mahiyyəti
Riyaziyyatın tədrisində tətbiq olunan hər hansı təlim üsulu və priyomunun
nə dərəcədə səmərəli olduğunu nəzəri cəhətdən söyləmək üçün bunların obyektiv
varlığın və məntiqi təfəkkürün qanunauyğunluqlarına, ali sinir sistemi fəaliyyətinə
uyğun olub-olmadığını fəlsəfə, fiziologiya, psixologiya və riyazi-məntiqi
baxımından araşdırmaq lazımdır. Belə bir təhlil nəticəsində alınmış biliklər,
riyaziyyatın məktəbdə öyrənilməsinin üsulları və priyomlarının o cümlədən
ümumiləşdirmənin nəzəri əsasıdır. Xarici aləmin qanunauyğunluqlarına, bu və ya
digər elm sahəsinə, xüsusən riyaziyyata, ümumiləşdirmənin tətbiqi zamanı özünü
göstərən didaktik qanunauyğunluqlara, ümumiləşdirməni mümkün edən fizioloji,
psixoloji və məntiqə aid biliklər riyaziyyatın tədrisində ümumiləşdirmə metodunun
nəzəri əsaslarını təşkil edir.
Məktəbdə bu və ya digər mövzunun tədrisi zamanı ümumiləşdirmədən
qismən istifadə edilsə də onun elmi əsaslarına əhəmiyyət verilmir. Həmin məsələ
ilə əlaqədar olaraq qarşıya bir sıra suallar çıxır. Bu məqsədlə aparılan dərslərdə
ümumiləşdirmə düzgün yerinə yetirilirmi? Müəllimin iş metodu xarici aləmin
qanunauyğunluqlarına nə dərəcədə uyğun gəlir? Real gerçəkliyin hansı qanunauy-
ğunluqları təlimdə ümumiləşdirmə metodunu tətbiq etmək üçün müəllimə imkan
verir? Bu kimi suallar və onlara verilə bilən cavablar idrak nəzəriyyəsi ilə
ümumiləşdirmənin əlaqəsinə aiddir. Ümumiləşdirmə metodundan səmərəli istifadə
etmək üçün ali sinir fəaliyyətinin müvafiq qanunauyğunluqlarına istinad etmək
Dostları ilə paylaş: |