Microsoft Word Tebriz folkloru doc

 

  

٢٠

Laylay, balam, gülümsәn, 

Gül balam, bülbülümsәn. 

Baxçanın gözәl gülü, 

Süsәnim, sünbülümsәn. 

 

Laylay, balam yatıbdı, 

Gül yasdığa batıbdı. 

Allah onu saxlasın, 

Bir qız bizә veribdi. 

 

Laylay, bülbülüm, laylay, 

Sarı sünbülüm, laylay. 

Baxçada gül çoxalar, 

Bir gözәl gülüm, laylay. 

 

Laylay, canım qurbanı, 

Olum laylayın qurbanı. 

Sәn get şirin yuxuya, 

Olum canın qurbanı. 

 

Laylay çalam hәmişә, 

Kәrvan keçәr enişә. 

Yasdığında gül bitsin, 

Döşәyindә bәnövşә. 

 

Laylay çallam adıva, 

Әli yetsin dadıva. 

Әli dadıva çatsın, 

Mәni dә sal yadıva. 

 

Laylay dedim, can dedim, 

Yuxudan oyan dedim. 

Sәn yuxudan doyunca 

Canımı qurban dedim. 

 

Laylay dedim ellәrә, 

Әtir dolu güllәrә. 

Allah özü saxlasın 

Gәlәn aylar, illәrә. 

 

Laylay dedim adına, 

Hәq yetişsin dadına. 

Harda laylay eşidsәm, 

Balam düşsun yadıma. 

 

Laylay dedim adıva, 

Allah yetsin dadıva. 

Böyük olasan bir gün sәn, 

Mәni salasan yadıva. 

 

Laylay dedim ağlama, 

Ürәyimi dağlama, 

Böyü, boy at, kişi ol, 

Mәnә umud bağlama. 

 

Laylay dedim ağlama, 

Ürәyimi dağlama, 

Böyü, bir qoç iyit ol, 

Mәnә umud bağlama. 

 

Laylay dedim boyunca, 

Baş yasdığa qoyunca, 

Sәn yat gül yastığda, 

Mәn dә baxım doyunca. 

---

 

  

٢١

Laylay dedim silәsәn, 

Düşmәyәsәn dilә sәn. 

Boya buxuna çatıb 

Oynayasan, gülәsәn. 

 

Laylay dedim gündә mәn, 

Kölgәdә sәn, gündә mәn. 

İldә bir qurban olur, 

Sәnә qurban gündә mәn. 

 

Laylay dedim, yat, bala, 

Yuxuna şәkәr qat, bala. 

Umudum bircә sәnsәn, 

Boya-başa çat, bala. 

 

Laylay dedim, yat dedim, 

Yasdığa baş at dedim. 

Dayim (bala,) çәkim nazıvı, 

Boya-başa çat dedim. 

 

Laylay dedim yatasan, 

Qızılgülә batasan. 

Qızılgül bağın olsun, 

Kölgәsindә yatasan. 

 

Laylay dedim yatasan, 

Qızılgülә batasan. 

Qızılgül kölgәsindә 

Şirin yuxu tapasan. 

 

Laylay dedim yatasan, 

Şirin yuxu tapasan. 

Şirin yuxu içindә 

Mәni yada salasan. 

 

Laylay dedim yatınca, 

Gözlәrәm ay batınca. 

Canım zinhara gәldi 

Sәn hasıla çatınca. 

 

Laylay dedim yatınca, 

Gözümә ay batınca. 

Sayaram ulduzları 

Sәn hasıla çatınca. 

 

Laylay demәsәm, olmaz, 

Yerin sәrmәsәm, olmaz, 

Sәnin qәmli günündә  

Qәmin yemәsәm, olmaz. 

 

Laylay dedim boyunca, 

Baş yasdığa qoyunca, 

Adaxlan, qızılgülüm, 

İylәyәlim doyunca. 

 

Laylay dağdan gәlәn var, 

Dağdan çölә enәn var, 

Әmin, atan, qardaşın, 

Bir dә gәlin anam var. 

 

Laylay, quzum, ağlama, 

Ürәyimi dağlama, 

Yat, yuxun şirin olsun, 

Yuxuma daş bağlama. 

---

 

  

٢٢

Laylay, qızım, laylay, 

Ayım, ulduzum, laylay, 

Sәn hasıla çatınca 

Hәr dәrdә dözüm laylay. 

 

Laylay qızım yuxlayıb, 

O qәdәr ki ağlayıb. 

Beş çağdan sora gör ki, 

Allah oni saxlayıb. 

 

Laylay, maralım, laylay, 

Gәlmir qәrarım, laylay. 

Böyü, bir qoç iyit ol, 

Sәnә yar alım, laylay. 

 

Laylay, mәnim, bәbәyim, 

Bir arzum, bir dilәyim. 

Dar gündә, pis ayaxda 

Sәnsәn mәnim kömәyim. 

 

Laylay, mәnim dilәyim, 

İki gözdә bәbәyim. 

Yeddi baci-qardaşi al, 

Gәl ol mәnim kömәyim. 

 

Laylay, hәr kәsim, laylay, 

Sәnә nәr kәsim laylay, 

Yat, yuxun şirin olsun, 

Ucalsın sәsim, laylay. 

 

Laylay, yoldaşım, laylay, 

Dadlı doymaşım, laylay. 

Dәdәm, qardaşım yoxdi, 

Balam, qardaşım, laylay. 

 

Laylay, maralgöz balam, 

Laylay, şirinsöz balam. 

Gözәllihdә dünyada 

Tәhdi mәnim öz balam. 

 

Laylay dedim boyunca, 

Baş yastığa qoyunca. 

Yat sәn gül yatağında 

Baxım sәnә doyunca. 

 

Laylay, beşigim, laylay, 

Evim, eşigim laylay. 

Sәn yat şirin yuxuda 

Çәkim keşigin laylay. 

 

Laylay, bülbülüm, laylay, 

Sarı sünbülüm, laylay. 

Bağçalarda gül çoxdu 

Bir qızılgülüm, laylay. 

 

Laylay balam ayılıb, 

Süt süzlәyib acıxıb. 

Ya kal durub yuxudan, 

Ya qucağa darıxıb. 

 

Laylay dağı qar alıb, 

Ağaclardan bar alıb. 

Balamın gözlәritәk 

Hava rәngi qaralıb. 

---

 

  

٢٣

Laylay yandı çıraxlar, 

Beşikdәdi uşaxlar. 

Yeddi yuxu içindә 

Balam behişt soraxlar. 

 

Laylay layәsi gәlәr, 

Yatar, yuxusu gәlәr. 

Uzax-uzax yollardәn  

İndi dayısı gәlәr. 

 

Laylay, balam imәklәr, 

Yavaş-yavaş tәpiglәr. 

İncә bulud beşikdә 

Laylay çalar mәlәklәr. 

 

Laylay dedim sәnә mәn, 

Qurban olum sәnә mәn.  

İldә qurban bir olsa, 

Sәnә qurban gündә mәn. 

 

Laylay dedim yatasan, 

Qızılgülә batasan. 

Qızılgülün içindә 

Şirin yuxu tapasan. 

 

Laylay dedim, can dedim, 

Yuxudan oyan dedim. 

Sәn yuxudan durunca 

Canımı qurban dedim. 

 

Laylay dedim yatınca, 

Gözlәrәm ay batınca. 

Canım gәldi burnuma 

Sәn hasilә çatınca. 

 

Laylay dedim hәmişә,  

Karvan enir enişә. 

Yastığında gül bitsin 

Döşәyindә bәnövşә. 

 

Laylay, gözüm, bәbәyim, 

Hәr arzum, hәr dilәyim. 

Dar gündә, dar ayaxda 

Sәnsәn mәnim gümanım. 

 

Laylası dәrin balam, 

Yuxusu şirin balam. 

Tanrıdan әhdim budu, 

Görüm toyunı, balam. 

 

Laylasınam yat, balam 

Gün ilә çıx, bat, balam. 

Mәn arzuma çatmadım, 

Sәn arzuva çat, balam. 

 

Laylasınam gül balam, 

Tellәri sünbül balam. 

Kәpәnәhdәn, sәrçәdәn 

Yuxusu yüngül balam. 

 

Laylayım birdin mәnim, 

Gözümә nurdun mәnim. 

Sәnә laylay demәrәm, 

Taleyim kordu mәnim. 

---