Microsoft Word Tebriz folkloru doc

 

  

٢٤

Laylayım birdi mәnim, 

Gözümә nurdu mәnim, 

Laylay demәsәm, olmaz, 

Qәmin yemәsәm, olmaz. 

 

Laylayım sözü qurban, 

Qoç qurban, quzu qurban. 

Hәr sәhәr üzün görsәm, 

Kәsәrәm quzu qurban. 

 

Laylayım oyun görüm,  

Dur, yeri, boyun görüm, 

Tarıdan arzum budu, 

Ölmәyim, toyun görüm. 

 

Laylayın sәsi gәlir, 

Yatar, yuxusu gәlir. 

Uzax-uzax yerlәrdәn 

Balamın dayısı gәlir. 

 

Laylayın bir quşuydi, 

Divara qonmuşuydi. 

Әl uzatdım tutmağa 

Mәlәklәr tutmu

şuydi. 

 

Laylayın әtәh-әtәh, 

Quş gәlib töhdü lәlәh. 

Sәninçün arzıladım, 

Dimdiyindә xoş dilәh. 

 

Laylayın bir quş idi, 

Çinara qonmuş idi. 

Әl atdım onu tutam, 

Mәlәklәr tutmuş idi. 

 

Laylayıvın mәn qurbani, 

Demәrәm mәn qurbani. 

Gәl aşaği, mәnә yaxın, 

Kәssinlәr mәn qurbani. 

 

Mәn sәnә qalam dedim, 

Gül dedim, lalam dedim. 

Yat, incitmә ananı 

Sağ olsun anam dedim. 

 

Nәrgizli üzüm laylay, 

Yat, ana qızım, laylay. 

Sәn böyü, mәn qocalım, 

Toyunda süzüm laylay. 

 

Ünüm çıxdı bacadan, 

Laylay dedim ucadan. 

Sәni mövlam saxlasın 

Çiçәkdәn, qızılcadan. 

 

---

 

  

٢٥

YANALTMACALAR 

 

Aşpәz Abbas aş asmış,  

Yaxşı asmış, xoş asmış. 

 

Aşpәz Abbas bozbaş asar, 

O başda, bu başda. 

 

Atı min, iti qov,  

İti min, atı qov. 

 

Bazarda nә ucuz?  

Mis ucuz, duz ucuz, küncüd ucuz. 

 

Bir pinәçi,  

Bir neçә dәfә bir neçә başmaği bir-birinә inci kimi pinәdi. 

 

Bizdә üç ad bәllidir, şәkәrlidi, ballıdi, 

Әli,Vәli, Pirәli, Mәmmәd ondan irәli, 

Fındıqıstan, qazıstan, rәhmәtlik sәnin atan, 

Fatmә Tükәzziban, Zübeydә bir can. 

 

Bizә bizdә biz deyәllәr, sizdә bizә nә deyәllәr? 

 

Boz atın boz torbasın boş as başından, 

Apar islat, gәtir, yaş as başından. 

 

Bu eşşәh, әski eşşәh(eşşәk). 

 

Bu kasa bizim özümüzünümüş. 

 

---

 

  

٢٦

Bu qarpız qarın sancılandırannardanımış. 

 

Bu mis çox pis misimiş,  

Bu misin cinsi pisimiş,  

Bu mis Kaşan misimiş. 

 

Bu yoğutdi, 

Mayalamalımi, mayalamamalımi? 

 

Bu yoğutdi, 

Sarımsaxlasax da saxlasax yesax, 

Sarımsaxlamasax da saxlasax yesax. 

 

Cümә güni cümә mәçitdә cüvәlәr cülü Cabbarın cübәlәrin 

corapların ciblәrinnәn cübüddәdilәr. 

 

Çil bildirçinli qardaş,  

Sәn mәnnәn çil bildirçinlәşsәn dә, 

Mәn sәnnәn çil bildirçinlәşәcәyәm, 

Sәn mәnnәn çil bildirçinlәşmәsәn dә, 

Mәn sәnnәn çil bildirçinlәşәcәyәm, 

 

Didi du da, nә durmusan. 

 

El-alәm al dana aldı aldanmadılar, 

Biz bir al dana alıb aldandıx. 

 

Әl-üzümüzü yuyax, üzümümüzü yiyax, 

Üzümümüzü yiyax, әl-üzümüzü yuyax. 

 

 

---

 

  

٢٧

Әli ilә Mәmiş mәhkәmәyә getmiş, 

Mәhkәmәdә mәhkәmәlәşmişlәrmi, 

Mәhkәmәlәşmәmişlәrmi? 

 

Getdim, gördüm, körpü altında iki kürkü yırtıx kirpi var, 

Әrkәk kürkü yırtıx kirpi dişi kürkü yırtıx kirpinin kürkün 

yamıır. 

 

Girdim tәndirә, sildim, süpürdüm, silkәlәndim çıxdım. 

 

Göydәn iki damcı düşdi,  

Biri mәnim annıma, biri anamın annına. 

Gül dibi bülbül dibi,  

Gül dibi bülbül dibi. 

Hay Fәtәli, huy Fәtәli,  

Çay gәtir, çay içindә tay çatax. 

Heç bilmirәm kәpәh yedi, köpdü köpәh, 

Heç bilmirәm kötәh yedi, köpdü köpәh.  

 

Xala- xala, 

Tәndir  qala, 

Küsüvü götür 

Mәni qavala. 

 

İt iti itәr, it iti bitәr, it biti itәr, 

İt getdi, bit getdi, it bit getdi. 

 

Qәlәmә, qәlәmәlәnmә, 

Mәn özüm qәlәmәlәnәnnәrdәnәm. 

 

Qırx küp, qırx qıplı qırıx küp. 

---

 

  

٢٨

O taydan gedәn on beş boz eşşәkli, 

Beşi bez yüklü, 

Beşi duz yüklü, 

Beşi boş gedәr.  

 

Sarımsaxlasax da saxlasax samanı, 

Sarımsaxlamasax da gәlir zәmani, 

Sarımsaxlasax da gәlir zәmani, 

Niyә sarımsaxlamayax samani? 

 

Savalanın sıyrığında, sәrt başında, 

Süyürüşdüm düşdüm, dik durdum.  

 

Sәriyә sürünü sürüyә-sürüyә saldı sәrdabiyә. 

 

Su duvardan damcılanmalımı, 

Damcılanmamalımı? 

---

 

  

٢٩

TAPMACALAR 

 

Açaram, qaçar, 

Bağlaram, yatar.   

                       (Dәyirman) 

 

Adam utar, canı yox.   

                        (Qәbir) 

 

Ağ atım, abyar atım, 

Sarıqayadan qopar atım.   

                         (Saqqız) 

 

Ağ çadırlını görcәk başını 

qalxızar.   

                         (Qәlәm) 

 

Ağ dәyil, yarpağı var, 

Köynәh dәyil, tikilib, 

Adam dәyil, danışar.  

                         (Kitab)   

 

Ağ yerdә qara toxum, 

Qәmiş ilә әkәllәr, 

Ağız ilә biçәllәr.  

                          (Yazı) 

 

Ağacdan alti, 

Dәmirdәn qati, 

İnsan әlindә 

Tarı qudrәti.   

                       (Yay) 

Ağdır, pәnir dәyil, 

Quyruğu var, siçan dәyil.   

                          (Ağ turp) 

 

Ağdır tarlasi, 

Qara toxumi 

Әl ilә әkәllәr, 

Dil ilә biçәllәr.   

                           (Mәktub) 

 

Ağır-ağır hallanır, 

Göydәn yerә sallanır.  

                            (Yağış) 

 

Ağrısız-qәmsiz ağladar.   

                             (Soğan) 

 

Ağzi var, dili olmaz, 

Yüz ağac vur, çığırmaz.   

                              (Balıq) 

 

Ağzına bax, ağzına, 

Yazıllar kağazına, 

Hәr kәs buni tapmasa, 

Dәliyi onun ağzına.   

                               (Tuluq) 

 

A hanı, hay, a hanı, 

Gәzir hәmi cahanı. 

Gәtirәllәr öldürmәgә, 

Nә әti var, nә qanı.  

                                (Yuxu) 

---