Microsoft Word Vuqar ders vesaiti 2017

iş planları (yarımil-
lik). Həmin strukturların tərkibinə daxil olan bölmə və hissə-
lərdə iş planları (rüblük). 

---

20
Xüsusi planlar aşağıdakı sahələr, istiqamətlər və məsələlər 
üzrə hazırlanır: 
– ictimai-siyasi, idman və digər kütləvi tədbirlər zamanı icti-
mai təhlükəsizliyin və ictimai qaydanın təmin edilməsi; 
– Azərbaycan Respublikası Prezidentinin fərman, sərəncam və 
bəyanatlarından, Nazirlər Kabinetinin qərar və sərəncamlarından, 
habelə DİN-in normativ-hüquqi aktlarının tədbirlərindən irəli gə-
lən təxirəsalınmaz vəzifələrin yerinə yetirilməsi; 
–hüquqpozmaların profilaktikası, asayişin mühafizəsi və cina-
yətkarlıqla mübarizənin gücləndirilməsi üzrə kompleks tədbirlə-
rin (əməliyyatların) keçirilməsi; 
– qrup halında törədilən hüquqpozmaların qarşısının alınması; 
– terrorizmə qarşı mübarizənin gücləndirilməsi; 
– silahlı müqavimət göstərən cinayətkarların zərərsizləşdiril-
məsi və odlu silahın tətbiqi ilə cinayət törətmiş, habelə digər icti-
mai təhlükəli əmələ təqsirli olaraq yol vermiş şəxslərin axtarışı və 
tutulması; 
– qaçırılmış, oğurlanmış avtomotonəqliyyat vasitələrinin axta-
rışı və hərəkətdə olan belə vasitələrin saxlanılması; 
– müxtəlif regionlar üzrə xüsusilə ağır və geniş ictimai rezo-
nansa səbəb olmuş cinayətlərlə mübarizədə daxili işlər orqanları-
nın digər hüquq-mühafizə orqanları ilə birgə fəaliyyətinin əlaqə-
ləndirilməsi; 
– fövqəladə hadisələr və təbii fəlakətlərin baş verməsi zamanı 
onların ağır nəticələrinin aradan qaldırılması; 
– konkret işlər üzrə əməliyyat-axtarış və istintaq tədbirlərinin 
keçirilməsi; 
– qonşu dövlətlərin daxili işlər orqanları ilə birgə ölkə qanun-
vericiliyinə uyğun olaraq əməliyyat-axtarış və profilaktik tədbir-
lərin həyata keçirilməsi. 
Üçüncü qrupa isə ictimai qaydanın qorunması üzrə əməliyyat 
şəraitinin təhlili və qiymətləndirilməsi əsasında hazırlanmış dislo-
kasiya planları, post cədvəlləri və s. aiddirlər.