Rüstəm Kamal
86
anlamaq üçündür. Yuxu - ruh yaddaşıdır. Zülfüqar yuxuda
vaxtilə
öldürdüyü
Peykanlının
uryadniki
Sarıca
oğlu
Məhəmmədi görür.
"Son beş ildə bircə kərə də yadına salmadığı, haçan
öldüyünü belə unutduğu dayısı Mustafa kişini yuxusunda
görmüşdü."
Yuxu mifoloji düşüncədə kiçik ölümdür. Yusif Səmədoğlu
qəhrəmanlarını gündəlik məişətdən, hadisələrdən, profan
həyatdan ayırır, onları mistik - simvolik gerçəklik içinə atır.
Qəhrəmanları daim spiritual atmosfer içindədirlər, bir-
birilərinin varlığını yuxu (ölüm) ilə dərk edirlər.
Bu nəsrin "mifoloji sütunu" iki dünyanın - ölülər və dirilər
dünyasının ünsiyyətindən ibarətdir. "O" dünyanın sakinləri
("ölü də yuxuya girərmi, a kişilər?") daim "bu" dünyanın
içindədir. Dirilərin (xəstələrin, şikəstlərin) bir ayağı "ordadır",
həmişə "Ölümün mübarək!", "Ölümə qənşər!" deməyə
hazırdırlar. Ona görə də onun qəhrəmanları (əgər belə demək
mümkünsə), iki dünyanın arasındadırlar. Tatar Temir,
Səməndər, canavar iki dünya arasında vasitəçilik statusuna
malik marginal, sosial varlıqlardır.
Yusif Səmədoğlu üçün iki cür baxış tipi səciyyəvidir: uzağı
və yaxını, yer üstündə və göy üzündə olanları eyni vaxtda görə
bilir.
Yusif Səmədoğlu demonik baxışa malikdir, ancaq uzağa
baxır, uzağı görür. Bu baxış uzaqdan gələn səsləri eşitməyə,
üfüqləri, ulduzları görməyə imkan verir: "...canavar tez-tez
uzaqdakı vələsin kəlləsinə qorxa-qorxa baxırdı..."
Personajları bir-birinin üzünü ancaq qaranlıqda görə bilirlər,
zülmətdə eşidə və görə biliriər, çünki ruhlardır. Barakın axşam
qaranlığında Səbzəli dayı sulanan gözlərini onun ağzında
papiros kimi közərən qızıl dişindən çəkmir.
"Tatar Temirin ayaqları altında yanan fənərin işığında
Mahmud, Moşunun düyünlənmiş qaşlarını və yarıyuxulu
Rüstəm Kamal
87
gözlərini gördü." ("Qətl günü"). Ancaq Y.Səmədoğlu kimi
demonikbaxışlı yazıçı "iki qaraltının əl-ələ verib, daşların
üstü ilə, Kürün quruyub cadar olmuş vadisi boyu şimala
tərəf. uzaqlardakı dağlara doğru addımladığını görə bilər".
("Qətl günü"). Xalq inanclarında, mifoloji təsəvvürlərdə
suda, çay üstündə qaraltı, kölgə ruhların obrazıdır.
Y.Səmədoğlu kosmosunda iki stixiya var: külək və işıq -
zülmət.
"Qətl günü" külək dağıdıcı stixiyadır, Sədi əfəndinin "uşkol
dəftərində" də yavur. "Külək kəsmirdi ki, kəsmirdi, qapı-
pəncərəni yerindən oynadırdı, deyirdin axır - əl - zamandı
gəlib çıxıb"; Hökmdar da Xacə Ənvərə küləkdən
şikayətlənir: "Uzaqda ey, bilmirəm hansı cəhənnəmdə.
Əsir, Ənvər, əsir. Bir uğultu küləkdi, bu səmtə gəlir."
Xaosa, uzağa, dağlardakı mağaraya, Baba Kahaya
mənsubdur. Küiəyin dağıdıcı qüvvəsi Xaosun daşıyıcısı
olan insanlara yönəlib.
"Qətl günü" "dünyanın qəzəbini canına hopdurmuş" küləyin
təsviri ilə başlayır. Xaosun vahiməli gəlişi külək uğultusu ilə
təqdim olunur: "burada kim vardısa bilirdi ki, çox-çox
uzaqlarda, hardasa dünyanın o başında bir külək ya-
tağından baş qaldırır, Baba Kahanın zülmətində gərnəşir,
ordan çıxıb, ağır-ağır, sürünə-sürünə, batman ləngəri ilə
torpaqda dərin şırımlar açırdı, daş-qayanın gövdəsində
uğultu sala-sala bu başıbəlalı dünyaya meydan oxumağa
hazırlaşırdı".
Boğanaqlı qara külək qiyamət işarəsidir, qətl gününün,
zülmətin əlamətidir:
"Arxadakı qapıda, qabaqdakı qapı kip bağlı idi və
yalnız telefon dəstəyindən gələn boğanaqlı küləyin səsindən
nə qulağı eşidirdi, nə də göz gözü görürdü. Sonra Baba
Kahanın oyumundan qopmuş qəfil külək, topa-topa qara
buludları boğanaqlı axarına qatıb, adı küləklər şəhəri olan
bir şəhərin göy üzünə yığdı."
Rüstəm Kamal
88
Bu kosmosda bəzən ulduz işığının emanasiyası (nəsnə
arxetipləri, yaxud yaddaş obrazları) görünməz ola bilir. Bu,
deməli, mahiyyətdən ayrılmış varlığın obrazıdır.
Hal arvadı kimisə çağıranda "yerdə tanrının işıqları,
göydə isə ulduzları yoxa çıxırdı..." ("Deyilənlər gəldi başa")
Mahmud qarabasmalarda qaraltıya çölə çıxır, göydə bir dənə
də ulduz görmür. Ulduz insan öləndən sonra ruhunun obrazıdır.
Temir yuxuda canavar gözlərində ulduz görür. "Gördüm ki,
bir qotur canavar, o kinolarda göstərən qalxanlar var ey,
hə, onlardan birinin üstündə oturub, mənciyəzə baxır,
gözlərində də, başın haqqı, yekə-yekə ulduzlar yanır..."
Mahmud Zülfüqarın gözlərini qapayarkən ölümün işığını
görür - "o gözlərin hər birində hərəsi alma boyda bir ulduz
görmüşdü, buz qəlpəsi kimi işıldayırdılar."
Sədi əfəndinin ruh salnaməsində ulduzlu göyün təsviri var:
"Mən yenə göyə baxdım, dəxi ayı görmədim, gördüm ki,
göyün üzündə hərəsi alma boyda iri-iri ulduzlar yanır və
bu ulduzlardan mənim başım üstünə əməlli soyuq axır, az
qala donmuşdum..." ("Qətl günü")
Göydə ulduzun yoxluğu fəlakətdən, xaosdan xəbər verir.
Yusif Səmədoğlu kosmosunda ulduz və insan (insan ruhu) bir
dünyaya bağlıdır. Onun inancına görə, insanın yuxuda gördüyü
ulduz işığı mistik məna daşıyır.
Yusif
Səmədoğlunun
metafizik
xronotopunda
otaq
personajların sığındığı sonuncu qaranlıq yerdir.
Kərimin bülbül qəfəsi də mifoloji semantika baxımdan
qapalı məkanın (otağın, türmə kamerasının) ekvivalentidir.
220 №-li otaq mənəvi "ölümlərin" məskənidir. Yad ölkədə,
kefdə-damaqda olub milli dəyərlərdən uzaqlaşmış, keçmişinə
arxa çevirən qara adamların yığışdığı yerdir.
Yusif Səmədoğlu kosmosunun bir-iki detalı var ki, alt
dünyanın işarələridir: pul və gümüş. Pul və gümüş alt dün-
yanın, axirət dünyasının atributlarıdır. Pul dünyalar arasında
Dostları ilə paylaş: |