Moliyaviy hisob va hisobat

3.3-jadval
Mehnatga haq to‘lash bo‘yicha xodimlar bilan hisob-kitoblarning aks ettirilishi

№	Muomalalar mazmuni	Debet	Kredit
1	Ish haqi hisoblandi	2010;2310; 2510;9410 va boshq.	6710
2	Ish haqidan ushlammalar (daromad solig‘i, pensiya badallari, aliment) aks ettirildi	6710	6410; 6520; 6990
3	Hisoblangan daromad solig‘i summasidan xodim ShJBPHga 1 % hisoblandi va o‘tkazildi	6410; 6530	6530; 5110
4	Ish haqi to‘landi	6710	5010
5	Xodimning bank plastic kartasiga o‘tkazish yo‘li bilan	6710	5110

2018 yil 1 yanvardan boshlab JShDSning quyidagi stavkalari amal qilmoqda: nol stavkali; eng kam stavka – 7,5%; o‘rtacha stavka – 16,5%; eng yuqori stavka – 22,5%.¹⁶

Butun yil davomida JShDSni va EKIH baravarida nazarda tutilgan imtiyozlarni hisoblab chiqarishda 2018 yilning 1 yanvar holatiga ko‘ra belgilangan EKIH – 172 240 so‘m qo‘llanadi.
2018 yilda fuqarolarning ShJBPHga majburiy oylik badallari stavkasi xodimga hisoblangan ish haqi (daromad) soliq solinadigan summasining 2%ini, nol stavkasida (EKIH 1 baravari) soliq solinadigan daromad chegirilgan holda, tashkil etadi.
ShJBPHga majburiy badallar hisoblab yozilgan JShDSdan chegiriladi.¹⁷
2018 yil uchun byudjetdan tashqari Pensiya jamg‘armasiga fuqarolarning majburiy sug‘urta badallari stavkasi xodimga hisoblab yozilgan, badallar undiriladigan ish haqi (daromad) summasining 8%i miqdorida belgilangan.