AKADEMİK AXUNDOV AĞAMUSA AĞASI OĞLU
21
akademik katibi seçilmişdir. O, 1999-cu ildən
Lütfizadə adına Müasir Elmlər Akademiyası-
nın, 2007-ci ildən Azərbaycan Milli Elmlər
Akademiyasının həqiqi üzvü olmuşdur.
A.Axundovun qəzet, jurnal və elmi məc-
muələrdə 400-dən artıq elmi, publisistik mə-
qalə, resenziyası dərc olunmuşdur. Dostlarına,
həmkarlarına həmişə diqqət göstərmiş, dünyası-
nı dəyişənləri xoş xatirələrlə yad etmişdir. Mə-
sələn, akad. Məmmədağa Şirəliyev haqqında
«Dilçilik məsələləri» toplusunda «Unudulmaz
professor», prof. Müseyib Məmmədovun 70 il-
liyi ilə əlaqədar «Azərbaycan müəllimi» qəze-
tində «Mənalı həyat», prof. Abdulla Vəliyev
haqqında «Tədqiqlər» jurnalında «Unudulmaz
Abdulla müəllim», prof. Muxtar Hüseynzadə-
nin anadan olmasının 100 illiyi münasibətilə
«Xalq qəzeti»ndə «Böyük alim, əvəzsiz müəl-
lim», prof. Əlövsət Abdullayevin anadan ol-
masının 80 illiyi münasibətilə «Xalq qəze-
ti»ndə «Dilimizin görkəmli tədqiqatçısı» adlı
məqalələr yazıb çap etdirmişdir. Prof. Aydın
Ələkbərov haqqında «Tədqiqlər» jurnalında
«Əziz alim dostumuz» adlı məqaləsini də qeyd
etmək olar.
A.Axundov xeyli sayda monoqrafiya,
dərslik, dərs vəsaiti və proqramların müəllifi-
dir. Orta məktəbin 5–6-cı sinifləri üçün tələbə
yoldaşı və alim dostu mərhum prof. Bəşir
Əhmədovla birlikdə yazdığı «Azərbaycan dili»
dərsliyi 1972-ci ildən 1987-ci ilədək 15 dəfə
təkrar nəşr olunmuş və 1973-cü ildə Azərbay-
can SSR Maarif Nazirliyinin mükafatını almış-
dır. «Azərbaycan dilinin fonetikası» monoqra-
fiyasına görə 1986-cı ildə Azərbaycan Dövlət
Mükafatına layiq görülmüşdür. Kitabda ilk də-
fə olaraq fundamental şəkildə Azərbaycan dili-
nin fonetik quruluşu, saitlər, samitlər sistemi-
nin fonoloji təhlili verilir, fonetik hadisə və
əvəzlənmələr, heca, vurğu, sintaqmatik foneti-
ka, sadə cümlə və mürəkkəb cümlə fonetika-
sına aid bölmələr verilmişdir. Monoqrafiyaya
qədər onun bu mövzu ilə əlaqədar «Müasir
Azərbaycan dilinin fonetikasından mühazirə-
lər» (1969), «Müasir Azərbaycan ədəbi dilinin
fonetikası» (1963), «Azərbaycan dilinin fo-
nemlər sistemi» (1973), «Azərbaycan dilinin
tarixi fonetikası» (1973) dərslik və dərs vəsait-
ləri də çap olunmuşdur. A.Axundovun «Ümu-
mi dilçilik» (1979) kitabı ali məktəbin Filolo-
giya fakültələrində uzun illərdir ki, gərəkli
dərslik kimi öyrədilir. Burada dilin fəlsəfi və
ictimai problemləri, quruluşu və daxili siste-
mindən bəhs olunur. «Ümumi dilçilik» proqra-
mı da məhz ona məxsusdur.
1980-ci ildə N.N.Məmmədovla birlikdə
nəşr olunan «Dilçiliyə giriş» əsərində dilin ic-
timai hadisə olmasından, başqa elmlərlə əlaqə-
sindən, qrammatik quruluşundan, genealoji və
tipoloji təsnifindən danışılır. Həmmüəlliflərlə
yazılmış əsərləri sırasında «İngilis və Azərbay-
can dillərində vurğunun ritmik-melodik xüsu-
siyyətləri» (S.Babayev və F.Zeynalov ilə birlik-
də), «Heydər Əliyev dil haqqında və Heydər
Əliyevin dili» (M.Məmmədov və M.Mahmu-
dovla birlikdə) və s. göstərmək olar.
Toponimika və nitq mədəniyyəti ilə bağ-
lı yazdığı əsərlər də A.Axundova böyük şöhrət
gətirmişdir. «Torpağın köksündə tarixin izləri»
(1983) əsərində toponimik arsenallardan, omo-
nim, sinonim, antonim yer adlarından, onların
orta əsrlərdə əks-sədasından bəhs edir. «Dil və
mədəniyyət» (1992) əsərində isə nitq mədəniy-
yətinin nəzəri və təcrübi məsələləri təhlil edi-
lir, dilimizin leksik, qrammatik normaları el-
mi-kütləvi üslubda şərh olunur.
A.Axundov bir çox aspiranta, dissertanta
və doktoranta rəhbərlik etmiş, onlara elmi
məsləhətçi olmuş, dilçilər ordusunun yetişmə-
sində əməyini əsirgəməmişdir. Onların sırasın-
da respublika elmi ictimaiyyətinin yaxşı tanı-
dığı professorlar İ.Məmmədov, A.Babayev,
M.Mahmudov, F.Cahangirov, M.Musayev və
başqalarının adlarını çəkmək olar.
Ağamusa Axundov tərcümədə də qələmini
sınamışdır. Onun tərcümələri xarici ədəbiyyat
müntəxəbatlarına daxil edilmişdir. Bunlardan Bok-
kaççonun «Dekameron», qədim kelt dastanı «Kuk-
NADİR MƏMMƏDLİ
22
linin Ferdiadla döyüşü», fransız kurtuaz povesti
«Okassen və Nikolet», Plavtın 5 pərdəli «Psevdol»
komediyası və b.-nı nümunə gətirmək olar.
Bəllidir ki, latın qrafikalı yeni Azərbay-
can əlifbasına keçidlə əlaqədar 2000-ci ildə or-
foqrafiya qaydalarında dəyişiklik edildi. Azər-
baycan Respublikası Nazirlər Kabinetinin 5 av-
qust 2004-cü il qərarı ilə təsdiqlənmiş «Azər-
baycan dilinin orfoqrafiya qaydaları»na uyğun
olaraq latın qrafikalı əlifba ilə hazırlanmış
«Azərbaycan dilinin orfoqrafiya lüğəti» əlavə-
lər və düzəlişlər edilərək çap olundu (2004,
2013), lüğətdəki sözlərin sayı 110.563-ə çatdı-
rıldı. Layihənin rəhbəri, yeni orfoqrafiya qay-
dalarının müəllifi A.Axundov, redaktoru isə
onun yetirməsi İ.Məmmədlidir.
Əsrin əvvəllərində Ümummilli Lider
H.Əliyev dövlət dili probleminin tarixi-fəlsəfi,
hüquqi və milli-mənəvi konsepsiyaya əməl
olunmaqla həllini tapmaq işinə böyük önəm
verdi. Ulu öndərin qarşıya qoyduğu bu vacib
tapşırığı sosiolinqvistik planda uğurla yerinə
yetirdi. Dövlət dilimizin adının Azərbaycan
dili kimi tanınmasını (de-yurye, de-fakto) tari-
xilik və dövlətçilik baxımından demokratik
tərzdə hərtərəfli əsaslandırdı. Bununla da dili-
mizin adı və məzmunu həm siyasi, həm də el-
mi cəhətdən birmənalı şəkildə təsbit olundu.
Akad. A.Axundov ömrünün sonunadək
(2015-ci il sentyabrın 5-dək) AMEA-nın Rəya-
sət Heyətində müşavir vəzifəsində çalışmışdır.
NADIR MAMMADLI
ACADEMICIAN AKHUNDOV AGHAMUSA AGHASI OGHLU
S u m m a r y
Agamusa Akhundov was born in the village of Karrar of the region of Kurdamir on
2 February in 1932. He graduated from the international and evening railway station russian
incomplete secondary school, and also finished graduated from the Azerbaijan State University
(now Baku State University).
«The tense category of the verb» (On the basis of Azerbaijani materials) was his
candidature research work, he defended his doctoral thesis «The phoneme system of the
Azerbaijani languages (physiological, acoustic, statistic, phonological research experiment)» at
the age of 32.
He also took part in social work, he was the active member of some official organizations,
and He was the participant of some international consultations and seminars, and he was rewarded
with some diplomas and medals. He was rewarded with the «Reputation order» (Shohret) by the
order of the President of Azerbaijan. He was also revarded with honorary title of Honoured
Scientist.
He was the director of the Nasimi Institute of linguistics of the Azerbaijan National
Academy of Sciences, he was the director of the theory of Azerbaijan linguistics and language of
Baku State University, and he was elected to the post of the dean of the faculty of Philology in
different times. He has been the real member of ANAS since 2007.
A.Akhundov is the author of some manuals, text books, monography and programs.
«Azerbaijan language», «The phonetics of the Azerbaijani language», «The lectures from the
Dostları ilə paylaş: |