588
Qoca o çətin, təhlükəli, yorucu səfərin təfərrüatlarını hələ
də xatırlayırdı. Ərəb torpaqlarından çıxandan sonra bədəvi
görkəmini dəyişməli, iranlıya çevrilməli oldu. İranın sərhədini
ilahiyyatçı kimi keçdi, maşınla, qatarla, arabayla, piyada gəlib
Kəraçiyə çatmağı aylar çəkdi.
Düzdü, mühitə alışanacan, özünü tanıdanacan bir müddət
içinə çəkilib gözləməli oldu: artıq uzaq Almaniyada nasional-
sosialistlər hakimiyyətə gəlmişdilər, dünya nəfəsini udub Fü-
rerin bundan sonra hansı addımlar atacağını gözləyirdi.
Şübhəsiz, tarixin dönüş məqamlarından biriydi, Muhamməd
Əsəd belə bir vaxtda Kəraçidə olmasından incik deyildi. Düz-
dü, ölkənin əsl sahibləri olan ingilislərlə çətin dil tapdı: hey
məqsədi, məramıyla maraqlanırdılar; üç il əvvəl şair, ilahiy-
yatçı, filosof Muhamməd İqbal Müsəlman Liqası qurmuşdu,
Liqanın üzvləri əvvəlcə Hindistan daxilində federasiya
istəyirdilər, sonra Pəncab, Sind, Bəlucistan və quzey-günba-
tan əyalətlərindən ibarət müstəqil dövlət tələb eləməyə başla-
dılar. Hələ Kembric universitetinin tələbəsi Çaudhuri Rəhmət
Əlinin ölkənin adıyla bağlı təklifi də qəbul olunmuşdu: PA-
KİSTAN, yəni P – Pəncab, A – əfqanlar, puştunlar, K – Kəşmir,
S – Sind, TAN – Bəlucistan.
Kəraçinin bazara və məscidə yaxın hissəsində, ikimərtəbəli
evin üst qatında üçotaqlı mənzil kirayələdi. Kral İbni Səudun
səxavətindən hələ bir neçə il qayğı çəkmədən yaşamağa im-
kanı vardı, bu müddətdə də yəqin, doktor Veysman onu
diqqətdən kənarda qoymayacaqdı.
Elə ilk günlərdən urdu dilini öyrənməyə səy göstərdi...
Muhamməd İqballa Kəraçiyə gələndən bir il sonra rastlaş-
dı, ona urdu dilində çıxardığı qəzeti redaktə eləməkdə yar-
dım göstərdi, üstəlik, dostunun xahişilə Heydərabada gedib
iki il ərzində “İslam mədəniyyəti” jurnalının redaktoru da
oldu. O vaxtdan da adı Pakistan qurucularının sırasında
çəkilməyə başladı...
589
***
1938-ci il Muhamməd Əsədin yaddaşında bir neçə mühüm
hadisəylə qalmışdı...
Əvvəla, martın ortalarında Fürerin istəyilə Avstriyanın Al-
maniyaya birləşdirilməsindən xəbər tutdu. Bu ondan ötrü əsl
sarsıntıydı: Vyanada atası, bacısı vardı, yəqin, kommunistlərə
və yəhudilərə divan tutmağa hazırlaşan nasistlər onlara rəhm
eləməyəcəkdilər. Müsəlman olmuş Leodan üz döndərsələr
də, onların taleyi həmişə qəlbini göynədirdi: Leopold Veysin
Muhamməd Əsədə çevrilməsinin əsl səbəbini bir daha onlara
başa sala bilməyəcəkdi. İkincisi, o il aprelin iyirmi birində
Muhamməd İqbal Haqqın rəhmətinə qovuşdu, arzuladığı
müstəqil Pakistanı görmədən bu dünyayla vidalaşdı. Üçün-
cüsü, elə o günlərdə Muhamməd Əli Cinnəylə tanış oldu. İq-
balın ölümündən sonra Cinnə Müsəlman Liqasının rəhbərinə
çevrilmişdi, belə bir nüfuzlu adamın yanında olmağa dəyərdi.
Həmin ilin yayında da tale onu Ömər-Rolf fon Ehrenfelslə
görüşdürdü. Ömər-Rolf Leopold Veysi – Muhamməd Əsədi
hələ “Frankfurter Algemaine Zeitunq” qəzetindəki yazıların-
dan tanıyırdı, “Qeyri-romantik Şərq” kitabını da oxumuşdu,
Yaxın Şərqdə qələmə aldıqlarından da xəbəri vardı, Kəraçidə
olduğundan təsadüfən öyrənib burda ləngimək, onu axtarıb
tapmaq qərarına gəlmişdi, Güney Hindistana yollanmazdan
əvvəl ondan bəzi məsləhətlər almaq ümidindəydi. Ömər-Rolf
Əsəd bəy barədə eşitdiklərini də sözarası çatdırdı: eşitdiyinə
görə, Vyanadan çıxmağa bacarıb, indi hardasa İsveçrədə, ya
İtaliyadadı.
“Ümüdvaram ki, sağ-salamatdı, – Muhəmməd Əsəd eşit-
diklərindən kədərlənsə də, ümidlə dilləndi. – Onun kitabla-
rının bir çoxunu oxudum, öz vəzifəsini çox gözəl yerinə ye-
tirir”.
“Qeyri-adi ağıl sahibidi, – Ömər-Rolf “vəzifə” sözünü
“peşəkarlıq” kimi başa düşüb razılaşdı, – amma son vaxtlar
ruhi vəziyyəti məndə narahatlıq doğururdu”.
590
“Hər şey Allahın hökmündədi”, – Muhəmməd Əsəd çox
mənalı tərzdə dilləndi.
O Ömər-Rolfa məsləhətlər də verdi: güney əyalətlər daha
təhlükəsizdi, bu bölgədə ciddi siyasi dəyişikliklər gözlənir,
ehtiyac olsa, onun köməyinə bel bağlaya bilər.
Elə o vaxt da başına gözləmədiyi fəlakət gəldi: Almaniya
vətəndaşlığından imtina eləyib Avstriya vətəndaşlığına qəbul
olunmaq üçün ərizə yazmışdı. Anşlüsdən sonra ingilislər
bunu “düşmən cəbhəsinə keçmək cəhdi” kimi qiymətləndirdilər,
Muhamməd Əsəd ailəsilə Hindistanın ucqar əyalətlərindən
birində sürgün həyatı yaşamalı oldu...
Sonra Avropanı müharibə kabusu bürüdü, o kabus Uzaq
Şərqə də sıçradı, narahat, səksəkəli günlər başladı. Yeddi il
tab gətirməyə, özünü də, Münirəni də, Talalı da qorumağa
dəyanəti çatdığına görə taleyindən razıydı...
Ömər-Rolf fon Ehrenfelslə müntəzəm məktublaşırdılar.
Ondan xahiş eləmişdi ki, Vyanadakı dostları vasitəsilə atası,
qardaşı, bacısı və analığının taleyinə aydınlıq gətirməyə çalış-
sın. Ömər-Rolf bu xahişə yalnız iki il sonra əməl eləyə bildi.
Nəticə çox kədərliydi: bir vaxt ailəsi olmuş adamlar həbs
düşərgəsində ölmüşdülər.
Bu sarsıntıdan uzun müddət özünə gələ bilmədi: qırx iki
illik ömründə atasına xeyir verməmiş, övlad kimi borcundan
çıxmamışdı, həyatının yarıdan çoxunu özünə borc saydığı bir
duyğunun arxasınca düşüb gedirdi, bundan sonra taleyin
ona harda “dur” deyəcəyini bilmirdi.
O ilin payız günlərinin birində Ömər-Rolf fon Ehrenfelsdən
gələn məktub daha bir bəd xəbər gətirdi: Muhəmməd Əsəd
bəy İtaliyanın Pozitano adlı kurort şəhərində vəfat eləyib;
bunu jurnalların hansındasa nekroloq oxuyan Avropadakı
dostları xəbər veriblər; ömrünün axır illərində anlaşılmaz
xəstəliyə düçar olub, hər iki qıçı çürüyübmüş, ürəyi də buna
tab gətirməyib.
Bu daha kədərli xəbər idi, az qala, iyirmi ildən bəri tanıdı-
ğı, on beş ildi görüşmədiyi, amma fəaliyyətini uzaqdan-uza-
Dostları ilə paylaş: |