115
daha da inkişafına kömək etmiş olardı. Rusiya Tibb Elmlər Akademiyasının Qida
İnstitutunda V.A.Konışevin (1986) təhlili də nəzərə alınarsa, onları vacib
istiqamətlər üzrə aşağıdakı kimi qruplaşdırmaq olar:
Qidalılıq dəyəri indeksi - qida məhsulunun yaxud rasionun rəqəm qiymətləri
formasında miqdarı qiymətlərin cəmi kimi, qidanın (yaxud rasionun) kimyəvi
tərkib hissələri nəzərə alınmaqla qiymətləndirilməsidir. Alimlərdən Foyt və
başqaları XIX əsrin sonunda M. Rubner tərəfındən izodinamiyanın (ayrı-ayrı qida
maddələrinin miqdarca orqanizmə verdiyi enerji bərabərliyinin) kəşfındən irəli
gələn fıkirləri tam qəbul etməmiş, rasionun dəyərliliyinin onun kaloriliyi ilə
qiymətləndirilməsinə şübhə ilə yanaşmışlar. Çünki onların fikirlərinə görə belə
qiymətlədirmə fizioloji nöqteyi-nəzərdən rasionda qeyri-bərabər nutriyentlər (qida
maddələri) yığımına səbəb ola bilər. Başqa sözlə, insan üçün ərzaq norması qəbul
edilməli, norma kimi kalori sayı qəbul edilməməlidir. 70-ci illərdə pəhrizlərin bal
qiyməti ilə (hər məhsula ayrıca bal qiyməti verilməklə) qiymətləndirilməsi mənfı
nəticələrə gətirib çıxardı. Çünki belə rasionlarda zülallar, yağlar, karbohidratlar və
spirt qidalanmanın biri digərini əvəz edə bilən amilləri kimi qəbul edilirdi. Əlbəttə,
bu isə düzgün ola bilməzdi.
Belə təkliflər də irəli sürülmüşdür ki, zülalların dəyərliliyi onlarda olan essensial
(əvəzolunmaz) aminturşuların (qeyri-essensial aminturşularla müqayisədə) spektral
enerji sıxlığı cəmi şəklində qiymətləndirilsin. Başqa sözlə, essensial aminturşu tərkibli
zülallara üstünlük verilirdi. Bu indeksdə isə müxtəlif aminturşular biri digərini əvəz
edən rolunda nəzərə alınırdı ki, müasir elmi fıkirlərə görə düzgün sayıla bilməz.
Həmin göstəricinin rasionların kalorik qiymətləndirilməsi üçün yararlı olmadığı
təsdiqlənmişdir.
1943-cü ildə qərb alimlərindən Şryodingerin "Həyat nə deməkdir?" kitabında
orqanizm mənfı entropiya ilə qidalanır deyə, qəbul etdiyi nəticəni başqa bir alim
İ.Brexman məhsulun qiymət göstəricisi kimi qəbul etmişdi. Sonuncuya görə
məhsuldakı molekullarda olan informasiyaların cəmi, onun qiymət göstəricisi kimi
nəzərə alınmalıdır. Brexmanın fikrinə görə informasiyalar əsasında məhsullarda olan
qida maddələrinin keyfiyyətcə müxtəlifliyini qeydə almaq olar. Təbii olaraq, burada
da həmin qida maddələrinin bir-birini əvəzetmə ehtimalı meydana çıxır. Bu isə təbii
116
olaraq, yenə düzgün sayılmamışdır. Çünki, cəm informasiyalarının toplusunu
keyfiyyətcə müxtəlif qida maddələri tərkibinə malik məhsullardan da əldə etmək olar.
Digər konsepsiyalardan biri də "canlı enerji" anlayışı ilə əlaqədardır. Əlbəttə,
termodinamika qanunlarının qəbul edilməsi, onlar əsasında qida zəncirləri konsep-
siyalarının yaradılması, qida zəncirlərində enerji çevrilməsi qanunauyğunluqlarının
araşdırılması, "canlı enerji" kimi elmi mahiyyətin qəbul edilməsini heçə endir-
mişdir. Belə ki, XIX əsrin əvvəllərinə kimi orqanizmdə onun özünəməxsus xüsusi
enerji olduğu iddia edilirdi. Hələ indiyə qədər də bu fikrin müdafiəçiləri qalmaq-
dadır. Bununla belə, hesablamalarla müəyyən edilmişdir ki, ATF-nin (adenozintri-
fosfat) orqanizmdə ADF-yə (adenozindifosfat) qədər hidrolizi zamanı rasionun
0,00003%-nə qədər miqdarda enerji alına bilər. Bu isə miqdarca heç bir şeydir.
Beləliklə, "canlı enerjini" indiyə qədər həqiqətə çevirmək mümkün olmamışdır.
Bu günlər də geniş yayılmış və səhvən təcrübədə tətbiq olunan konsepsiya-
lardan "orqanizmin aclıqla təmizlənməsi”ni xüsusilə qeyd etmək lazımdır. Elm
aləmində çoxlu fıkirlər vardır ki, orqanizmin sistematik olaraq aclığı nəticəsində o
zərərli qalıqlardan təmizlənir. Burada əsas mahiyyət orqanizmin zülallardan təmiz-
lənməsidir. Əslində isə, ksenobiotiklərin (zərərli yabançı maddələr) çoxu orqaniz-
mə qida ilə ətraf mühitdən daxil olur və onun yağ (piy) toxumasında toplanır. O da
məlumdur ki, sinir sistemi və eritrositlərin enerji mənbəyi kimi qidalanmaya zəruri
ehtiyacı vardır. Başqa sözlə, orqanizmin aclıqla təmizlənməsi ideyası hələ ki, elmi
cəhətdən tam təsdiqlənməmişdir, insan orqanizmi çoxdərəcəli təkrarla aminturşu
molekullarından istifadə edilməsinə ehtiyac hiss edir.
6. Adekvat qidalanma nəzəriyyəsi haqqında müasir fizioloji baxışlar
Yuxarıda qeyd etdik ki, müasir elmi tədqiqatlar klassik qida nəzəriyyəsinin bir
sıra çatışmazlıqlarını meydana çıxarmışdır. Bunlann haqqında izahat verməzdən
əvvəl, onu deyək ki, adını çəkdiyimiz adekvat qidalanma nəzəriyyəsinin meydana
çıxması elə həmin çatışmazlıqların nəzərə alınması ilə əlaqədar olmuşdur.
Klassik nəzəriyyənin çatışmazlıqlarından biri, qidalanmaya qida maddələrinin
daxil olması və sərf olunması proseslərinin tarazlaşdırılması prosesi kimi
baxılmasıdır. Burada canlı orqanizm maşın kimi təsəvvür edilir və onun fəaliyyəti
117
enerji mənbəyinə əsaslanır və daima təzələnir. Müasir biologiyanın nailiyyətləri isə
onu göstərir ki, canlı orqanizmdə eyniadlı elementlər həm tikinti materialı kimi,
həm də yanacaq (enerji mənbəyi) kimi istifadə edilirlər. Nümunə üçün geniş
yayılmış alanin aminturşusu göstərilir. Yaxud leysin və bir sıra digər aminturşular
zülali qidanın komponentləri olmaqla yanaşı, onlar mediator vo modulyator kimi
orqanizmin sinir fəaliyyətinin tənzimlənməsində iştirak edirlər. Onların nisbətinin
dəyişdirilməsi zülal mübadiləsi proseslərinə təsir göstərməklə, həm də canlı
orqanizmlərin xasiyyət fəaliyyəti və onun istiqamətinə təsir göstərir. Yaxud
qidanın komponentlərinin çoxu hormonlar və s. bu kimi birləşmələrin ilkin
yaradıcısı kimi də çıxış edə bilirlər.
Qeyd olunmuşdur ki, klassik nəzəriyyənin antik nəzəriyyədən fərqi ondan
ibarətdir idi ki, qidalanmanı hazır qida maddələrinin ərzaq məhsullarından
çıxarılması (ayrılması) ilə əlaqələndirirdi. Bu halda, həzmin mahiyyəti onunla izah
edilir ki, proses zamanı nutriyentlər və ballast maddələri mexaniki, fıziki və
kimyəvi, xüsusi olaraq isə fermentativ parçalanmaya məruz qalırlar. Beləliklə,
qidalanmaya qida maddələrinin ayrılması və ballast maddələrin orqanizmə daxil
olmazdan əvvəl tullanması kimi baxılırdı.
Yeni adekvat qidalanma nəzəriyyəsinə görə qida maddələrinin (nutriyent-
lərin) müəyyən hissəsinin orqanizmdə ballast maddələrdən əmələ gəlməsi fıkirlə-
rini əsaslandıran ideyalar artıq çoxdan elmi cəhətdən təsdiq edilmişdir. Bu nəzəriy-
yədə həmin fıkirlər daha da inkişaf etdirilir. Dərin analizlər göstərmişdir ki, ballast
maddələr fızioloji cəhətdən qidanın çox vacib komponentlərindəndir. Belə ki, ra-
siona ballast maddələri əlavə edilməsi orqanizmin çoxlu, həyat üçün vacib xüsusiy-
yətlərini yaxşılaşdırır, bir sıra hallarda isə əksər xəstəliklərin qarşısının alınma-
sında profilaktiki vasitə rolunu oynayır.
Təbii olaraq, qidalanma zamanı mədə-bağırsaq traktında bakteriyaların varlı-
ğına məhəl qoyulmamışdır. Yeni nəzəriyyəyə görə orqanizmin bakterial florası iki-
tərəfli rol oynayır - bir tərəfdən mikroorqanizmlər nutriyentlərin konkurenti və po-
tensial patogeni kimi çıxış edir, digər tərəfdən isə - ikinci (təkrar yaranan) nutri-
yentlər üçün vacib simbiont və daşıyıcı rolunu oynayır. Bunun nəticəsində də
orqanizm metabolik baxımdan başqa bir sistemə çevrilir.
Dostları ilə paylaş: |