60
və digər beynəlxalq təşkilatların müvafiq qərar və qətnamələri
vardır. Bu münaqişə yalnız beynəlxalq hüquq normalarına
uyğun Azərbaycanın ərazi bütövlüyü çərçivəsində həll
olunmalıdır.
Hörmətli cənab Prezident!
Bir daha Sizi ürəkdən salamlayır, Sizə cansağlığı, ölkənizə
və xalqınıza daim inkişaf və tərəqqi arzulayıram.
Bu badəni Sizin və xanımınızın sağlığına, Çexiya Res-
publikası ilə Azərbaycan arasında səmimi dostluq və faydalı
əməkdaşlıq əlaqələrinin inkişafının şərəfinə qaldırıram.
Çexiya prezidenti Vatslav Klausun nitqi
Hörmətli cənab Prezident!
Hörmətli xanımlar və cənablar!
İcazə verin, gözəl ölkənizə dəvət aldığım üçün Sizə dərin
təşəkkürlərimi bu mötəbər məclisdə bir daha təkrarlayım.
Mən çox istərdim ki, Sizin ölkənizə Çexiya prezidentinin bu
tarixi ilk səfərini bizim tərəfimizdən göstərilən maraq və
qarşılıqlı münasibətlərin genişlənməsi üçün atılan addım kimi
qiymətləndirəsiniz.
Keçmişdən qalan bütün müsbət halları davam etdirmək
lazımdır. Ancaq bu münasibətlərə indi yeni impuls və müasirlik
gətirmək istəyirik. Azərbaycanı böyük inkişaf potensialına
malik olan ölkə kimi qəbul edirik və bu potensialdan istifadə
olunmasına Çexiya şirkətləri də öz töhfələrini vermək
marağındadırlar.
Çox gözəl başa düşürük ki, Sizin ölkəniz bu çətin və iğtişaşlı
regionda sabitləşdirici amilə malikdir, həmçinin Avropa
ölkələrinin enerji balansında əhəmiyyətli rol oynayır.
Bizim ölkəmiz də idxal etdiyi neftin ümumi həcminin 25
faizini Sizin ölkədən alır. Məhz bu sahədə əməkdaşlıqda geniş
potensiallar mövcuddur.
Hörmətli cənab Prezident!
61
3 il bundan qabaq Praqada Avropa İttifaqına sədrlik zamanı
Sizinlə başlayan dialoqumuza görə çox şadam. Bu görüşümüz
«Şərq Tərəfdaşlığı» layihəsi çərçivəsində baş tutmuşdur və
fikrimizcə Avropa siyasətinin vacib məqsədlərindən biri
olmalıdır. Ümid edirəm ki, bu il nəzərdə tutulan «Şərq
Tərəfdaşlığı» Varşava zirvə toplantısı bunu sübut edəcəkdir.
Çexlər çox səyahət edən xalqdır. Yad ölkələri yaxından
tanımağı xoşlayırlar. Ancaq bildiyimə görə, Xəzər dənizinin
gözəlliklərini və sizin füsunkar dağlarınızı hələlik kəşf etmə-
yiblər. İnanıram ki, bu, tezliklə baş verəcək və həmçinin bizim
ölkəmizə də sizlərdən qonaqlar gələcəklər.
Mən Sizin ölkənizə Çexiya şirkətlərini təmsil edən çoxsaylı
nümayəndə heyəti ilə gəlmişəm və onlar iqtisadi əməkdaşlığın
genişlənməsinə böyük maraq göstərirlər. Buna görə də inanıram
ki, bizim səfərimiz aramızdakı siyasi dialoqun gücləndirilməsi
və ikitərəfli müqavilə əməkdaşlığının genişlənməsi, həm də
ticarət əlaqələrinin və investisiyaların artması üçün yeni impuls
olacaqdır.
Əminəm ki, bunun fonunda mədəni əlaqələr və vətəndaşlar
arasında ünsiyyət də inkişafdan qalmayacaqdır.
Hörmətli cənab Prezident!
İcazə verin, bu badəni ölkənizin uğurlarının, Çexiya–Azər-
baycan dostluğunun şərəfinə və şəxsən Sizin və yaxınlarınızın
sağlığına qaldırım.
62
AVSTRİYANIN OMV ŞİRKƏTİ İDARƏ
HEYƏTİNİN SƏDRİ GERHARD ROİSS İLƏ
GÖRÜŞ
Prezident sarayı
18 may 2011-ci il
Azərbaycan Respublikasının Prezidenti İlham Əliyev
mayın 18-də Avstriyanın OMV şirkəti İdarə Heyətinin sədri
Gerhard Roissi qəbul etmişdir.
OMV şirkəti İdarə Heyətinin sədri Gerhard Roiss Avstriya
prezidenti Haynts Fişerin salamlarını dövlətimizin başçısına
çatdırdı.
Görüşdə neft və qazın hasilatı, nəqli, Avropada marketinqi
və satışı sahəsində mümkün əməkdaşlıq, Nabukko layihəsinin
həyata keçirilməsi ilə bağlı məsələlər ətrafında fikir mübadiləsi
aparıldı.
Dövlətimizin başçısı Avstriya prezidenti Hayntz Fişerin
salamlarına görə minnətdarlığını bildirdi, onun da salamlarını
Avstriya dövlətinin başçısına çatdırmağı xahiş etdi.
63
DÖVLƏT BAYRAĞI MEYDANININ ƏTRAFINDA
HƏYATA KEÇİRİLMİŞ ABADLIQ VƏ
QURUCULUQ İŞLƏRİ İLƏ TANIŞLIQ
18 may 2011-ci il
Azərbaycan Respublikasının Prezidenti İlham Əliyev
mayın 18-də Dövlət Bayrağı Meydanının ətrafında həyata
keçirilmiş abadlıq və quruculuq işləri ilə tanış olmuşdur.
Prezident İlham Əliyev 2010-cu il noyabrın 9-da Azərbaycanda ilk
dəfə qeyd edilən Dövlət Bayrağı günü münasibətilə təşkil edilmiş
mərasimdə Dövlət Bayrağı Meydanının ətrafında tikinti-quraşdırma
işlərinin davam etdirilməsi ilə bağlı tapşırıqlarını vermişdi. Meydanın
ətrafındakı 60 hektar ərazidə parkların, bulvarın, istirahət və gəzinti
yerlərinin salınması istiqamətində xeyli iş görülübdür. Nazirlər
Kabinetinin 2010-cu ilin sosial-iqtisadi inkişafının yekunlarına həsr
olunmuş iclasında dövlətimizin başçısı Bakıda icra edilən böyük
layihələrdən olan Dövlət Bayrağı Meydanı ətrafında görülmüş işlərin
tamamlanması və bu ilin sonunadək paytaxt sakinlərinin istifadəsinə
verilməsi ilə bağlı göstərişlər verdi.
Bu böyük layihənin icrasını daim diqqət mərkəzində saxla-
yan Azərbaycan prezidenti İlham Əliyev burada aparılmış ta-
mamlama işləri ilə yerində tanış oldu. Bakı şəhərinin sxemi əsa-
sında Dövlət Bayrağı Meydanında və ətraf ərazilərdə həyata
keçirilmiş quruculuq işləri barədə prezident İlham Əliyevə
ətraflı məlumat verildi.
Dövlətimizin başçısı Bayraq meydanından şəhərin pono-
ramını da seyr etdi.
Ərazidə aparılmış abadlıq və quruculuq tədbirləri ilə ya-
xından tanış olan prezident İlham Əliyev işlərin sürətlə və
keyfiyyətlə həyata keçirilməsi ilə bağlı müvafiq tapşırıqlarını
verdi.