73
İSVEÇ KRALI ƏLAHƏZRƏT XVI KARL
QUSTAVA
Əlahəzrət!
Milli bayramınız – İsveç bayrağı günü münasibətilə Sizi
və Sizin simanızda bütün xalqınızı öz adımdan və Azərbaycan
xalqı adından ürəkdən təbrik edirəm.
Əminəm ki, Azərbaycan–İsveç münasibətləri xalqlarımızın
mənafelərinə uyğun olaraq bundan sonra da dostluq və
əməkdaşlıq məcrasında öz inkişafını davam etdirəcəkdir.
Belə bir əlamətdar gündə Sizə ən xoş arzularımı yetirir, dost
İsveç xalqına əmin-amanlıq və rifah diləyirəm.
Hörmətlə,
İLHAM ƏLİYEV
Azərbaycan Respublikasının Prezidenti
Bakı, 23 may 2011-ci il
74
İRANIN XARİCİ İŞLƏR NAZİRİNİN MÜAVİNİ
MOHAMMAD REZA RAUF ŞEYBANİ İLƏ GÖRÜŞ
Prezident sarayı
23 may 2011-ci il
Azərbaycan Respublikasının Prezidenti İlham Əliyev
mayın 23-də İran İslam Respublikası Xarici İşlər nazirinin
müavini Mohammad Reza Rauf Şeybanini qəbul etmişdir.
Mohammad Şeybani İran İslam Respublikasının Ali Dini
Rəhbəri Ayətullah Xameneinin və İran prezidenti Mahmud Əh-
mədinejadın salamlarını dövlətimizin başçısına çatdırdı. O, pre-
zident Mahmud Əhmədinejadın və İranın digər yüksək rütbəli
rəsmilərinin Azərbaycan prezidenti İlham Əliyevin şəxsiyyətinə
xüsusi hörmət və ehtiram bəslədiklərini, Azərbaycana və xalqına
daim inkişaf arzuladıqlarını dedi.
Dövlətimizin başçısı ölkələrimiz arasında əlaqələrin sürətlə
inkişaf etdiyini və bu əlaqələrin hazırda yüksək səviyyədə
olduğunu məmnunluqla qeyd etdi. Azərbaycan ilə İranın siyasi
əlaqələrinin güclü olduğunu, iqtisadi sahədə yeni təşəbbüslərin
irəli sürüldüyünü vurğulayan prezident İlham Əliyev ölkələrimiz
arasında çoxlu sayda ikitərəfli sənədlərin imzalanmasının
əhəmiyyətini qeyd etdi. İran prezidenti Mahmud Əhmədinejadla
mütəmadi olaraq görüşlərini xatırladan prezident İlham Əliyev
onunla dostluq əlaqələrinin iki ölkə arasındakı münasibətlərə və
xalqlarımız arasındakı dostluq və qardaşlıq əlaqələrinə müsbət
təsir göstərdiyini dedi.
Dövlətimizin başçısı İranın Ali Dini Rəhbəri Ayətullah Xa-
meneinin və prezident Mahmud Əhmədinejadın salamlarına görə
minnətdarlığını bildirdi, onun da salamlarını İran İslam Respub-
likasının Ali Dini Rəhbərinə və prezidentinə çatdırmağı xahiş etdi.
75
QAZAXISTANIN YUNESKO-dakı DAİMİ
NÜMAYƏNDƏSİ, ŞAİR, YAZIÇI OLJAS
SÜLEYMENOV İLƏ GÖRÜŞ
Prezident sarayı
23 may 2011-ci il
Azərbaycan Respublikasının Prezidenti İlham Əliyev
mayın 23-də Qazaxıstanın YUNESKO-dakı daimi nümayəndəsi,
şair, yazıçı Oljas Süleymenovu qəbul etmişdir.
Dövlətimizin başçısı İlham Əliyev Oljas Süleymenovu anadan
olmasının 75 illik yubileyi münasibətilə təbrik etdi, ona yaradıcılıq
fəaliyyətində yeni-yeni uğurlar və möhkəm cansağlığı arzuladı.
Dövlətimizin başçısı Azərbaycanın çox çətin vaxtlarında,
xalqımızın 20 Yanvar faciəsi ilə üzləşdiyi bir zamanda Oljas
Süleymenovun qətiyyətli mövqedə durmasının və Azərbaycanın ya-
nında olmasının xalqımız tərəfindən heç vaxt unudulmayacağını
dedi. Prezident İlham Əliyev Qazaxıstanın YUNESKO-dakı daimi
nümayəndəsi və ictimai xadim kimi, Oljas Süleymenovun bu gün
Azərbaycanın uğurlarına və ölkəmizin inkişafına ürəkdən
sevinməsini yüksək qiymətləndirdi. Prezident İlham Əliyev
Azərbaycan mədəniyyətinin beynəlxalq miqyasda təbliğindəki
xidmətlərinə görə dövlətimizin yüksək mükafatını – «Dostluq»
ordenini Oljas Süleymenova təqdim etdi.
Qazaxıstanın YUNESKO-dakı daimi nümayəndəsi, şair,
yazıçı Oljas Süleymenov Azərbaycan dövlətinin yüksək ordeninə
layiq görüldüyünə görə dövlətimizin başçısına minnətdarlığını
bildirdi və bu hadisəni onun Azərbaycana olan münasibətinin
yüksək ifadəsi kimi dəyərləndirdi.
76
BAKIƏTRAFI KƏND VƏ QƏSƏBƏLƏRİN SOSİAL-
İQTİSADİ İNKİŞAFI İLƏ BAĞLI PAYTAXTIN
ŞÜVƏLAN VƏ SABUNÇU QƏSƏBƏLƏRİNDƏ
GÖRÜLMÜŞ İŞLƏRLƏ TANIŞLIQ
24 may 2011-ci il
Azərbaycan Respublikasının Prezidenti İlham Əliyev Bakı
Şəhər İcra Hakimiyyətində şəhərətrafı qəsəbələrin sosial-
iqtisadi inkişafı ilə əlaqədar müşavirədə kənd və qəsəbələrdə
abadlıq və quruculuq işləri ilə bağlı verdiyi tapşırıqların icrası
ilə tanışlıq üçün ayrı-ayrı yaşayış sahələrində olmuşdur.
Mayın 24-də dövlətimizin başçısı paytaxtın Şüvəlan və Sa-
bunçu qəsəbələrində görülmüş işlərlə yaxından tanış olmuşdur.
Azərbaycan prezidenti İlham Əliyev əvvəlcə Xəzər rayo-
nunun Şüvəlan qəsəbəsinə gəldi.
Bakı Şəhər İcra Hakimiyyətinin başçısı Hacıbala Abutalıbov
Şüvəlan qəsəbəsinin sxemi əsasında həyata keçirilmiş abadlıq və
quruculuq tədbirləri barədə dövlətimizin başçısına məlumat
verdi. Bildirildi ki, Bakı Şəhər İcra Hakimiyyətində şəhərətrafı
qəsəbələrin sosial-iqtisadi inkişafına həsr olunmuş müşavirədə
Azərbaycan prezidentinin verdiyi tapşırıqlara uyğun olaraq
paytaxtın digər kənd və qəsəbələrində olduğu kimi, Şüvəlanda da
abadlıq və quruculuq tədbirlərinə başlanılmışdır.
Görülmüş işlərlə yaxından tanış olan dövlətimizin başçısı
sakinləri salamladı.
İ l h a m Ə l i y e v: Necəsiniz, işlər necədir?
Şüvəlan qəsəbəsində də işlər yaxşı gedir, yollar çəkilir,
bütün infrastruktur yeniləşəcəkdir. Bildiyiniz kimi, Bakıətrafı
qəsəbələrin inkişafı proqrami qəbul edilibdir. Çox böyük
proqramdır və orada hər bir qəsəbə üçün xüsusi məsələlər
nəzərdə tutulub, onlar öz həllini gözləyir. İki il yarım ərzində