LUKA 1:1
992
LUKA 1:20
LUKANIN
NƏQL ETDİYİ MÜJDƏ
GİRİŞ
«Lukanın nəql etdiyi Müjdə» İsa Məsihi həm İsrailin, həm də bütün bəşəriyyətin vəd olunmuş Xilaskarı
olaraq təqdim edir. Luka yazır ki, İsa «fəqirlərə müjdəni bildirmək üçün» göndərilmişdi. Bu Müjdə
insan ehtiyaclarını aradan qaldırma yollarını göstərən və insanların qayğısına qalan fikirlərlə doludur.
Lukanın nəql etdiyi Müjdənin xüsusi keyfiyyətlərindən biri də burada olan sevinc əhval-ruhiyyəsidir.
Bu, xüsusilə, Müjdənin başlanğıcında İsanın gəlişini və sonda İsanın göyə qaldırılmasını bəyan edən
fəsillərdə təsvir olunur. İsanın göyə qaldırılmasından sonra məsihçi imanının artıb-yayılması həmin
müəllif tərəfindən «Həvarilərin İşləri» kitabında yazılmışdır.
Buraya daxil olan iki hissə (1-2 və 9-19-cu fəsillər) yalnız bu kitabda təsvir olunur. Onlardan biri
mələklərin nəğməsi və İsa anadan olanda çobanların Onun yanına gəlməsidir. Bu hissələrə həmçinin
yeniyetmə İsanın məbəddə olması, xeyirxah Samariyalı və itmiş oğul məsəlləri də daxildir.
Bu Müjdədə dua, Müqəddəs Ruhun fəaliyyəti, İsanın xidmətində qadınların rolu və Allahın
günahları bağışlaması xüsusilə vurğulanır.
Kitabın məzmunu:
1:1-4 Kitabın Teofilə həsr olunması
1:5–2:52 Vəftizçi Yəhyanın və İsa Məsihin doğulması
3:1-20 Vəftizçi Yəhyanın xidməti
3:21–4:13 İsanın vəftizi və sınağa çəkilməsi
4:14–9:50 İsanın Qalileyada ictimai xidməti
9:51–19:27 Qalileyadan Yerusəlimə
19:28–23:56 Yerusəlimdəki son günlər
24:1-53 Rəbbin dirilməsi, görünməsi və göyə qaldırılması
Kitabın Teofilə həsr olunması
1
Hörmətli Teofil, çoxları aramızda baş vermiş hadisələrin tarixçəsini yazmağa cəhd göstərib.
2
Əvvəldən bəri Kəlamı öz gözləri ilə görənlər və Ona xidmət edənlər bu hadisələri bizə nəql etdiyi
kimi
3
mən də əvvəlcədən hər şeyi diqqətlə araşdırıb bunları sənə ardıcıllıqla yazmağı münasib bildim.
4
Belə ki sən öyrəndiyin şeylərin doğru olduğunu biləsən.
Vəftizçi Yəhyanın doğulması əvvəlcədən bildirilir
5
Yəhudeya padşahı Hirodun dövründə Aviya bölüyündən* olan Zəkəriyyə adlı bir kahin var idi.
Arvadı da Harun nəslindən idi, adı Elizavet idi.
6
Onların hər ikisi Allahın gözündə saleh idi və Rəbbin
qoyduğu əmr və qaydaların hamısına nöqsansız əməl edirdilər.
7
Amma Elizavet sonsuz olduğuna görə
onların övladı yox idi. Hər ikisinin yaşı çox idi.
8
Bir gün Zəkəriyyə öz bölüyünün növbəsində Allahın önündə kahinlik xidmətini icra edirdi.
9
Rəbbin məbədinə daxil olub buxur yandırmaq üçün kahinlik adətinə görə atılan püşk ona düşdü.
10
Buxur yandırma zamanı bütün camaat məbəddən kənarda dua edirdi.
11
Bu vaxt Rəbbin bir mələyi
buxur qurbangahının sağında durub Zəkəriyyəyə göründü.
12
Zəkəriyyə bunu görüb təlaşa düşdü və
çox qorxdu.
13
Mələk isə ona dedi: «Qorxma, Zəkəriyyə! Sənin duan eşidildi. Arvadın Elizavet sənə bir
oğul doğacaq. Sən də onun adını Yəhya† qoy.
14
Sən sevinib şadlanacaqsan. Çox adam onun dünyaya
gəlməsinə görə sevinəcək.
15
*Çünki o, Rəbbin gözündə böyük olacaq. O, şərab və başqa kefləndirici
içki içməyəcək; hələ ana bətnində olarkən Müqəddəs Ruhla dolu olacaq.
16
O, İsrail övladlarının
çoxunu Allahı Rəbb tərəfə döndərəcək.
17
*Atalarınürəkləriniövladlarına, itaətsizadamlarısalehlərin
düşüncə tərzinə yönəltmək və Rəbbə hazırlanmış xalqı yetişdirmək üçün İlyasın ruhu və qüdrəti ilə
Rəbbin önündə gedəcək».
18
Zəkəriyyə mələyə dedi: «Mən bunu necə bilərəm? Axı mən çox yaşlıyam,
elə arvadımın da yaşı ötüb».
19
*Mələk ona cavab verdi: «Mən Allahın önündə dayanan Cəbrayılam və
səninlə danışıb bu müjdəni sənə çatdırmaq üçün göndərilmişəm.
20
Budur, vaxtında həyata keçəcək
sözlərimə inanmadığına görə bu yerinə yetən günədək sən lal olub danışa bilməyəcəksən».
*
1:5 Aviya bölüyü – m
ə
bəd ibadətində xidmət edən kahinlərin 24 bölüyündən biri idi. Bax: 1Saln. 24:10.
†
1:13 Y
ə
hya – ibrani dilində Rəbb lütf edir. *
1:15 Say. 6:3
*
1:17 Mal. 4:5-6
*
1:19 Dan. 8:16; 9:21
LUKA 1:21
993
LUKA 1:56
21
Bu vaxt camaat Zəkəriyyəni gözləyirdi və onun məbəddə ləngiməsinə heyrət edirdi.
22
O isə
məbəddən çıxıb xalqla danışa bilmədi. Onlar da Zəkəriyyənin məbəddə görüntü gördüyünü başa
düşdülər. Zəkəriyyə xalqa işarə edirdi və lal olaraq qaldı.
23
Zəkəriyyə xidmət vaxtı qurtaranda evinə qayıtdı.
24
Bu vaxtdan sonra arvadı Elizavet uşağa qaldı
və beş ay evindən çıxmadı.
25
O deyirdi: «Bunu mənim üçün Rəbb etdi. Bu vaxt O mənə nəzər salıb
məni el arasında xəcalətdən qurtardı».
İsanın doğulması əvvəlcədən bildirilir
26
*Elizavetin hamiləliyinin altıncı ayında mələk Cəbrayıl Allah tərəfindən Qalileyadakı Nazaret
adlanan şəhərə,
27
Davudun nəslindən olan Yusif adlı bir kişiyə nişanlanan bakirə qızın yanına
göndərildi. Həmin qızın adı Məryəm idi.
28
Mələk onun yanına gəlib dedi: «Salam, ey lütfə nail olmuş
qız! Rəbb səninlədir».‡
29
Məryəm bu sözlərdən tam lərzəyə gəldi və ürəyində bu salamın nə demək
olduğu barədə düşünməyə başladı.
30
Mələk ona dedi: «Qorxma, Məryəm, çünki sən Allahın lütfünə
nail oldun.
31
*Sən hamilə olub bir Oğul doğacaqsan. Onun adını İsa qoy.
32
*O, böyük olacaq və
Haqq-Taalanın Oğlu adlanacaq. Rəbb Allah Ona atası Davudun taxtını verəcək.
33
O, Yaqub nəslinin
üzərində əbədi olaraq Padşah olacaq və Onun Padşahlığının sonu olmayacaq».
34
Məryəm mələyə
dedi: «Bu necə olacaq? Mən heç kişi üzü görməmişəm».
35
Mələk cavabında ona dedi: «Müqəddəs
Ruh sənin üzərinə enəcək, Haqq-Taalanın qüdrəti üstünə kölgə salacaq. Buna görə də doğulacaq
müqəddəs Övlad Allahın Oğlu adlanacaq.
36
Bax qohumun Elizavetin də yaşlı vaxtında bətninə oğlan
uşağı düşüb. Onu sonsuz adlandırırdılar, amma o artıq altı aydır ki, hamilədir.
37
*Çünki Allah üçün
mümkün olmayan şey yoxdur».
38
Onda Məryəm dedi: «Mən Rəbbin quluyam, qoy mənə sənin dediyin
kimi olsun». Mələk onu tərk edib getdi.
Məryəmlə Elizavetin görüşü
39
O vaxt Məryəm tələsik qalxıb Yəhudanın dağlıq bölgəsindəki bir şəhərə yollandı.
40
O,
Zəkəriyyənin evinə girib Elizaveti salamladı.
41
Elizavet Məryəmin salamını eşidəndə bətnindəki körpə
tərpəndi. Elizavet də Müqəddəs Ruhla dolub
42
uca səslə çığırdı: «Sən qadınlar arasında xeyir-dualısan,
sənin bətninin bəhrəsi də xeyir-dualıdır!
43
Bu necə oldu ki, Rəbbimin anası yanıma gəlib?
44
Bax sənin
salamının səsi qulağıma çatanda bətnimdəki körpə sevinclə tərpəndi.
45
Rəbbin ona dediyi sözlərin
yerinə yetəcəyinə inanan qadın nə bəxtiyardır!»
Məryəmin həmd ilahisi
46
*Məryəm isə dedi:
47
«Qəlbim Rəbbi ucaldır,
Ruhum Xilaskarım Allaha görə şadlanır,
48
Çünki O Öz qulunun yazıq halını gördü.
Bundan sonra bütün nəsillər məni bəxtiyar sayacaq,
49
Çünki Qadir Olan mənim üçün böyük işlər etdi,
Onun adı müqəddəsdir!
50
Onun mərhəməti də nəsildən-nəslə
Ondan qorxanlara göstərilər.
51
O, qolu ilə qüdrətli işlər gördü,
Ürəklərində qürurla düşünənləri pərən-pərən saldı.
52
Hökmdarları taxtlarından endirdi,
Məzlumları yüksəltdi.
53
Acları nemətlərlə doydurdu,
Varlıları isə əliboş yola saldı.
54-55
*Rəbb qulu İsrailin imdadına çatdı,
Ata-babalarımıza vəd etdiyi kimi
İbrahimə və onun nəslinə əbədilik
Mərhəmət göstərməyi yada saldı».
56
Məryəm Elizavetin yanında üç aya yaxın qalıb evinə qayıtdı.
Vəftizçi Yəhyanın doğulması
*
1:26 Mat. 1:18
‡
1:28 R
ə
bb səninlədir – bəzi əlyazmalarda Rəbb səninlədir. Sən qadınlar arasında
xeyir-dualısan (Luka 1:42). *
1:31 Mat. 1:21
*
1:32 2Şam. 7:12-16; Yeş. 9:7
*
1:37 Yar. 18:14
*
1:46 1Şam. 2:1-10
*
1:54-55 Yar. 17:7