vii
Didie, letrar e gazetar, autor romanesh dhe udhëpërshkrues, bashkëpunëtor i revistës së mirënjohur
franceze “Revue des Deux Mondes”, ka vizituar shpesh Italinë, së cilës i ka kushtuar libra dhe, gjatë
udhëtimit të tij, ka njohur nga afër kolonitë arbëreshe. Didie pasqyron në këtë antologji pikërisht
përvojën e tij në Kalabri. Në qëndrimin e tij në Kalabri, ai njihet me zakonet, traditat e arbëreshëve të
kësaj zone, përvojë të cilën e përshkruan mjaft qartë në veprën e përkthyer nga Fotaq Andrea.
Njëkohësisht, ai na jep një pasqyrim të qartë të emigracionit të arbëreshëve në shekullin e XV drejt
Italisë.
Një tjetër shkrimtar, gazetar e memorialit, që ndërmori udhëtime të shumta në Orient, ka qenë
dhe Maksim Dy Kamp. Ai ka përjetuar nga afër luftën për pavarësinë e bashkimin e Italisë nën
udhëheqjen e Garibaldit. Këtë përvojë, të cilën Dy Kamp kaloi, përpiqet të na e pasqyrojë me hollësi në
veprën e tij. Leticia Mari Vis Bonaparte, Rotazi, shkrimtare, publiciste, kroniste dhe njëkohësisht autore
e një sërë veprash, na paraqet në mënyrë objektive dhe të përmbledhur portretin e Françesco Krispit.
Krahas autorëve të përmendur më lart, në veprën e Fotaq Andreas, njihemi me shumë të dhëna të tjera
për botën e arbëreshëve, të sjella mjaft qartë dhe në këndvështrime të ndryshme nga studiuesit francezë.
Ahmet Kondo, në veprën “Flamuri i Arbrit”,na flet për veprimtarinë publicistike të Jeronim De Radës.
Ky studim paraqet rëndësi për temën, sepse na njeh me figurën e De Radës dhe kontributin e tij në
fillimet e shtypit shqiptar. Studimi i Ahmet Kondos na ndihmon të njihemi me figurën e De Radës, me
veprat e tij, me rolin e tij në shtypin e shkruar, përmes të cilit De Rada transmetoi të gjitha ngjarjet
politike. Këto ngjarje i pasqyroi në gjuhën italiane dhe në atë arbëreshe, në revistat e kohës si “Flamuri
i Arbërit” apo “Arbëreshi i Italisë”. Atdhetari arbëresh mori një nismë për të botuar të organin letraro-
politik “Flamuri i Arbërit”. Kjo revistë u botua në Koriliano-Kalabro nga 20 korrik 1883 deri më 20
gusht 1885 dhe në Kozenca nga 20 shtator 1885 deri më 15 nëntor 1887. Në këtë të përkohshme, u
pasqyruan probleme mbi të kaluarën historike të popullit shqiptar, mbi luftën për autonomi kombëtare,
mbi përpjekjet e atdhetarëve në lidhje me zgjimin e ndërgjegjes kombëtare.
1
Kjo revistë ka rëndësi jo
vetëm se ka hyrë në historinë e shtypit shqiptar si e përmuajshmja e parë letraro-politike, por edhe pse
shprehu pikëpamjet politike të rilindasve. Puna studimore u thellua më tej duke studiuar edhe veprat e
autorëve italianë të kohës që po trajtoj, ku rol me rëndësi luajnë vepra e Anselmo Lorekios “Albania”,
përmes së cilës na jep një kuadër të qartë të politikës italiane të kohës, mendimeve politike dhe arritjeve
të Lëvizjes Kombëtare Shqiptare. Një tjetër botim i tij është dhe “Pensierio politico albanese in rapporto
agli interessi italiani - noti e dokumenti”, ku përmes shkrimeve të përmbledhura, shkruar më parë në
gazetën “La Nazione Albanese”, Lorekio, na jep të dhëna për numrin e popullsisë arbëreshe të gjendur
në Itali, për vendosjen e tyre, si dhe për politikën e ndjekur nga ta për ruajtjen e traditave, gjuhës dhe
1
Ahmet Kondo, Flamuri i Arbrit : çështja kombëtare (Tiranë: Naim Frashëri, 1967), 11.
viii
kulturës shqiptare. Krahas të dhënave të sipërpërmendura, Lorekio na pasqyron në të njëjtën kohë,
përmes shkrimeve të periodikëve të kohës, ku tregohet lëvizja letraro-kulturore e patriotëve italo-
shqiptarë, edhe lëvizjen politike, e cila dha ndihmesë në zgjidhjen e kauzës kombëtare. Krahas kësaj, na
jep të pasqyruar përmes thirrjeve, memorandumeve, protestave, mendimin politik shqiptar për të
siguruar pavarësinë. Referenca të tjera janë veprat e Xh. Skiroit, G. Salveminit, T. Tomasinit. Gaetano
Salvemini, në veprën “La politica estera del`Italia dal 1871 al 1914”, botim i Firences, gusht 1944,
trajton çështje si “La questione Balcanica” (çështja Ballkanike) apo politikën e Françesko Krispit,
kryeministër italian me origjinë shqiptare.
Sukseset dhe mossukseset e tij jepen qartë në veprën e Salveminit, duke shtuar këndvështrimin e
Koli Xoxit në lidhje me politikën e Krispit dhe rolit të tij në Shqipëri. Ky autor është përqendruar në
orientimet e përgjithshme të politikës së jashtme italiane gjatë atyre viteve, duke u ndalur herë pas here
edhe në problemin shqiptar. Krahas tyre, përmendim veprën e Oreste Kamilo Mandalarit “Indipendenca
shqiptare”, Uegen, Tiranë, 2008, ku autori përmes dokumenteve, hedh dritë mbi ndihmesën e
arbëreshëve për zgjidhjen e çështjes kombëtare. Pikë së pari, Mandalari hedh dritë e na jep një
informacion konkret lidhur me dyndjet e shqiptarëve në mbretëri nga 1416-1774 dhe formimin e kolonive
italo-shqiptare në Italinë e Jugut. Së dyti, na pasqyron nismën e atdhetarëve arbëreshë për hapjen e
kolegjeve italo-shqiptare, të cilat do të shërbenin si vatër e kulturës shqiptare. Një vatër e rëndësishme e
kulturës shqiptare ishte dhe Seminari shqiptar i Palermos, i themeluar më 26 nëntor 1734, me nismën
Padre Xhorxho Guzeta nga Piana dei Greçi. Në veprën e Mandalarit, pasqyrohet njëkohësisht dhe
kontributi i shqiptarëve të Kalabrisë të cilët, nën flamurin e gjeneral Garibaldit, ndihmuan me të gjitha
mënyrat në unifikimin e Italisë. Kjo tregohet me pjesëmarrjen e rreth 300 burrave në betejën e
Volturnosë. Mandalari, në librin e tij, jep të dhëna për ekspeditën e Riçoti Garibaldit në Shqipëri. Riçoti
Garibaldi mbështeti synimin e shqiptarëve për të siguruar pavarësinë. Këtë gjë, u përpoq ta realizonte
pikë së pari përmes themelimit të një komiteti italo-shqiptar, komitet i cili do të ndihmonte duke
propaganduar mbrojtjen e të drejtave kombëtare jo vetëm të tyre, por dhe të popujve të tjerë ballkanikë,
si dhe të Italisë. Së dyti, organizoi një ekspeditë ballkanike në 1911, përmes së cilës ndihmoi popujt
ballkanikë, ku bënte pjesë dhe Shqipëria, të siguronin lirinë dhe pavarësinë aq të dëshiruar. Krahas
veprës së lartpërmendur, Mandala boton studimin e mirëfilltë “L”Albania e l’opera di Anselmo
Lorecchio”. Ky studim i tij na ndihmon të hedhim dritë mbi gjendjen në Shqipëri nën këndvështrimin e
Lorekios. Një tjetër studiues shqiptar që ka shkruar rreth çështjes kombëtare shqiptare ishte dhe Ahmet
Kondo, në botimet e tij “Jeronim De Rada”, “Flamuri i Arbrit” dhe “Dora D’Istria për çështjen
kombëtare”. Në veprën e parë, A. Kondo na jep një tablo të veprimtarisë publicistike të Jeronim De
Radës. Përmendim revistën “Flamuri i Arbrit”, si një organ që i shërbeu shumë çështjes shqiptare. Në
Dostları ilə paylaş: |