106
Nəhrəvan (və ya Mariqin) döyüşü miladi 658-ci il (hicri 38)
Mariqin yolunu azmışlar deməkdir. Hz.Əli Siffeyn döyüşündən Kufəyə qa-
yıtdıqdan şəhadət gününə qədər pərişan halında oldu. Dörd bir yandan hücum
çəkən uğursuzluqlar onun qəlbini və ruhunu incidirdi. Hz.Əlini daha çox incidən
ordusunun vəfasızlığı idi. Həkəmiyyət sülhündən sonra Hz.Əlinin qoşunundan
olan bəzi şəxslər “Bəs ölənlərin qanı hara getdi” deyə sual verirdilər. Onlar
Həzrətə etiraz edərək dedilər: “Biz Allahın hökmünü istədik, Əbu Musa ilə Əmr
ibn Asın hakimliyini yox.” Hətta hər iki tərəfə qarşı çıxanlarda oldu. Bu adamlar
elə düşünürdülər ki, həm Müaviyənin, həm də Hz.Əlinin hakimiyyəti batildir və
hökm yalnız Allaha məxsusdur.
Hz.
Əlinin qoşunundan ayrılan bu adamlar Abdullah ibn Vəhəbin başçılığı
altında bir yerə toplandılar. Xəvaric adlandırılan bu qrupun şüarı “Allahın hök-
mündən başqa hökm yoxdur” buyuruğu idi. Bunlar zahirən abid idilər. Uzun
səcdələr nəticəsində alınları qabar olmuşdu. Amma onlar küfr həddinə çatmış,
axmaqlıqları səbəbindən nə edəcəklərini bilmirdilər. Hz.Əli onlar haqqında
buyurmuşdu: “Bu adamlar həqiqəti batil zülmətində axtarırlar.” Xəvariclərin ən
mühüm
iradı bu idi ki, Hz.Əli
şamlılarla döyüşdüyü halda, nə üçün onların mül-
künün qarət olunmasına icazə vermədi? Onların ikinci iradı Həkəmiyyət mə-
sələsinin Əbu Əşəri ilə Əmr ibn Asa tapşırılması idi. Hz.Əlinin sülh müqavi-
ləsini “Əmirəl-möminin” adı ilə başlamaması xəvariclərin üçüncü iradı idi. Onlar
de
yirdilər ki, əgər Əli sülhü Əmirəl-möminin adı ilə başlamayıbsa, öz xilafətinə
əmin deyil. Xəvariclərin iddiasına görə bu müharibədə ölənlərin qanı hədər get-
mişdir.
Bundan fərqli olaraq hakimlərin rəyindən razı qalan Müaviyə öz mövqelə-
rini möhkəmlədirdi. O İraqlılar arasındakı ixtilaflardan istifadə edərək Hz.Əli-
nin
üstünə hücuma hazırlaşırdı. O, məqsədlərinə çatmaq üçün Zəhhaq ibn Qey-
si dörd min nəfərlik ordu ilə İraqa basqına göndərdi. İmansız bir şəxs olan Zəh-
haq Müaviyənin göstərişlərini layiqincə yerinə yetirdi. Hz.Əli Hücr ibn Ədini
Zəhhaqın üzərinə göndərərək onu məğlub etdi. Zəhhaqın məğlubiyyətindən
s
onra Busr ibn Ərtat Müaviyənin göstərişi ilə Hicaz və Yəmənə hücum edib bir
çox Əli şiəsini qətlə yetirib Şama qayıtdı. Həmin vaxt Ubeydullah ibn Abbas
Hz.
Əli
tərəfindən Yəmənə vali təyin olunmuşdu. Busrun qarşısında aciz
olduğunu görən Ubeydullah Əmr ibn Ərakəni yerinə qoyub Kufəyə gəldi. Yə-
mənə daxil olan Busr Əmr ibn Ərakəni və Ubeydullahın iki oğlunun qətlə
yetirdi.
146
Busrun ardınca Müaviyə Süfyan ibn Ovfu altı min nəfərlik dəstə ilə
İraqa göndərdi. Süfyan Ənbar şəhərinə daxil olub şəhərin hakimi Həssan ibn
Həssanı öldürüb, xalqı çapıb-taladı. Eyni zamanda Misirdə vali olan Məhəm-
məd ibn Əbu Bəkrin Müaviyə tərəfindən sıxışdırıldığını eşidən Hz.Əli Cəzirə
əyalətində olan Malik Əştəri Misirə göndərdi. Hz.Əlinin göstərişinə əsasən
Malik Əştər Kufədən çıxıb Misirə üz tutdu. Yolda Müaviyə tərəfindən öy-
146
Nasixut-
təvarix, səh-643.
107
rədilmiş Osmanın qulamı Nafeni öz dəstəsinə qatdı. Misir yaxınlığında olan
Qəlzəm şəhərinə çatdıqda Nafe baldan düzəldilmiş şərbətə bir qədər zəhər qa-
tıb onu Malikə verdi. Bir neçə saat yol getdikdən sonra Malik vəfat etdi və or-
du onun cənazəsi ilə birlikdə Kufəyə qayıtdı. Malikin ölümündən sonra Misir
ye
nidən Məhəmməd ibn Əbu Bəkrə tapşırıldı. Lakin Müaviyə ibn Xudeycin
başçılığı altında olan Şam ordusu Məhəmməd ibn Əbu Bəkrin ordusunu məğ-
lub
edərək onun özünü də öldürdü. Bu hadisələrdən sonra Hz.Əli
iyirmi min
nəfərlik ordu ilə Şama getmək istədikdə xəvaric üsyanı baş verdi.
Xəvaric firqəsi Abdullah ibn Vəhəbin başçılığı ilə yenidən fitnə yaradıb,
əvvəlki əqidələrini gündəmə gətirdilər. Belə görünürdü ki, əgər Hz.Əlinin or-
dusu Şama hücum üçün Kufədən çıxsa, xəvaric dəstəsi Kufəni ələ keçirəcək.
Bu
na görə də Şama hücumdan əvvəl xəvariclərlə olan qarşıdurma həll olunmalı
idi.
Hz.
Əlidən
ayrılan xəvariclər Kufənin Hərura adlı kəndində toplanaraq öz-
lərinə Şibs ibn Rəbini ordu başçısı, Abdullah ibn Kəvvanı isə imam seçdilər.
Hz.
Əli Abdullah ibn Abbası onlarla münazirə etmək üçün göndərdi. Xəvaricdən
olan İtab ibn Əhvərlə Abdullah ibn Abbas arasında olan münazirə nəticəsiz qaldı
və onlar Hz.Əlinin özü ilə mübahisə etmək istədiklərini bildirdilər. Hz.Əli
səhabədən yüz nəfərlə Həruraya gedib Abdullah ibn Kəvva ilə mübahisə etdi və
nəticədə Abdullah ibn Kəvva on nəfər yoldaşı ilə Hz.Əlinin tərəfinə keçdi.
Bundan sonra xəvariclər Nəhrəvanda Şureyh ibn Ovfun evində toplanıb özlərinə
Abdullah ibn Vəhəbi və Hərqus ibn Zuheyri başçı seçərək Bəsrədəki
köməkçilərinə məktub göndərib onları da Nəhrəvana dəvət etdilər. Bəsrədəki
xəvariclər də Musər ibn Fədəki özlərinə başçı seçərək Nəhrəvana yola düşdülər.
Onlar yolda Peyğəmbər (s) səhabəsi və Əlinin köməkçilərindən olan Abdullah
ibn Xəbbabı, onun həyat yoldaşını və onunla səfər edən bir neçə qadını öl-
dürdülər. Xəvaricin müharibəyə hazırlıq xəbəri Hz.Əliyə çatdıqda Haris ibn
Mur
rəni göndərdi ki, bu xəbərin düzgün olub-olmamasını araşdırsın. Amma Ha-
ris Nəhrəvana çatdıqda xəvariclər tərəfindən öldürüldü. Bundan sonra Nuxeylədə
düşərgə quran Hz.Əli Şama getmək fikrindən daşınıb Nəhrəvana üz tutdu.
Hz.Əli höccəti tamamlamaq üçün xəvariclərlə üzbəüz dayanıb Abdullah ibn
Vəhəblə söhbətə başladı. Söhbətdən sonra Hz.Əli öz ordusuna belə buyurdu:
“Ağ bayrağı Nəhrəvanın kənarında yerə taxın. Xəvaricin tövbə edənləri onun
ətrafında toplansın.” Azğın qövmün səkkiz mini tövbə edib ağ bayrağın altında
toplandı. Dörd min xəvaric və onların başçısı Abdullah ibn Vəhəb Hz.Əlini kafir
adlandırdılar. Hz.Əli çarəsiz qalıb onlarla döyüşə başladı. Döyüşdən qabaq
Hz.
Əli
belə buyurdu: “Xəvaricdən on nəfəri sağ qalacaq, sizdən isə ondan da az
şəhid olacaq.” Bu Hz.Əlinin möcüzələrindən sayıla bilər. Çünki, Hz.Əli necə
demişdisə elə də oldu. Bütün xəvaric qılıncdan keçirildi. Yalnız on nəfər qaça
bildi. Həzrətin ordusundan da yeddi nəfər şəhid oldu. Döyüşdən sonra Hz.Əli
Kufəyə qayıtdı. Aradan çıxmış on nəfərdən biri olan Əbdürrəhman ibn Mülcəm
Muradi Məkkəyə qaçdı.