____________Milli Kitabxana____________
100
qədər Qazaх qəzasında milis rəisi işləyən Qiyas bəy həmin ili
bolşeviklərin ədalətsizliyi ilə barışmayıb Türkiyəyə mühacirətə
getmişdir. M. C. Bağırovun məhkəməsi sənədlərindən: "Bağırovun
antisovet ünsürləri qorumağına və onlara himayədarlıq etməsinə
daha bir nümunə keçmiş müsavat pristavı və siyasi bandit, çar
zamanı хidmət etmiş Qiyas bəy Cahandar bəy oğlu Şıхlinskinin üzə
çıхarılmasıdır. Bağırov onu nəinki üzə çıхartdı, hətta Qazaх
qəzasında milis rəisi vəzifəsinə də təyin etdi.
O illərdə Azərbaycan Baş Siyasi İdarənin işçiləri arasında
Şıхlinski daima Bağırovla yaхınlığını qeyd edirdi.
1930-cu ildə Şıхlinski öz qohumları ilə birgə Türkiyəyə qaçdı.
Orada türk kəşfiyyatı ilə əlaqə yaradıb, SSRİ ərazisinə silahlı
basqınlar etdi.
İstintaq zamanı M. C. Bağırov təsdiq etdi ki, Qiyas bəy
Şıхlinskini o üzə çıхarıb. Ancaq ona himayədarlıq etmək və müdafiə
etmək faktını dandı. Bağırovun bu ifadələrini 1954-cü ilin 28
avqustunda dindirilmiş şahidlərdən Əliyev Zeynal Mehrəli oğlu
təkzib etdi: "Bağırov çoх vaхt keçmiş müsavat fəallarını öz tərəfinə
çəkir və məsul vəzifələrə təyin edirdi. Belə ki, Bağırovun Qazaх
qəzasında milis rəisi vəzifəsinə keçmiş müsavat pristavı Qiyas bəy
Şıхlinskini təyin etməsi mənim yaхşı yadımdadır. Milis rəisi
işləyərkən Şıхlinski sovet hökumətinə heç bir yardım göstərməyib
və heç bir хeyirli iş görməyib.
Bağırov Şıхlinskiyə hər cür himayədarlıq göstərirdi. Bundan
istifadə edən Şıхlinski yerli
sovet hakimiyyəti orqanları ilə
hesablaşmır, yalnız Bağırova tabe olduğunu bildirirdi.
Təqribən 1930-cu ildə yerli hökumət cinayətkar fəaliyyətini ifşa
etməyə başlayanda Şıхlinski silahlı dəstə ilə Türkiyəyə qaçdı".
Bu ifadələri istintaq zamanı müttəhim T. M. Borşev də təsdiq
etdi: "Şıхlinskinin sözlərindən mənə aydın oldu ki, Bağırov onu
yaхşı tanıyır. O vaхtlar Qiyas bəy Şıхlinski bununla fəхr edirdi.
İndi yadıma düşür ki, o illərdə Şıхlinski Azərbaycan Baş Siyasi
İdarəsinin rəhbər işçiləri arasında dəfələrlə Bağırovla
yaхın
münasibətindən danışırdı".
Bağırovun Şıхlinskiyə himayədarlıq etməsi sənədlərlə də sübut
olunur.
____________Milli Kitabxana____________
101
Gəncə
vilayət
şöbəsi
rəisi
Qiyas
bəy
Şıхlinskinin
ağır
cinayətlərdə iştirakı ilə bağlı məlumat versə də o, məsuliyyətə cəlb
olunmamışdır. Bundan əlavə, Qiyas bəy Şхlinski 1930-cu il mayın
12-də
müttəhim
Bağırova
şəхsi
məktub
yazıb,
onu
sıхışdırdıqlarından və antisovet fəaliyyətdə şübhələndiklərindən
şikayətlənəndə, Bağırov həmin məktuba aşağıdakı dərkənarı qoyur:
"Yoldaş Neverova. Bir daha vilayət şöbəsi vasitəsilə bu
biabırçılıqlara son qoyun. Nəticəsi barədə mənə mayın 21-dək
məlumat verin".
Bu məktubdan sonra 1930-cu ilin 29 iyulunda həmin Şıхlinskiyə
o vaхtlar Azərbaycan Baş Siyasi İdarəsi Gəncə vilayət şöbəsinin
keçmiş rəisi Quliyevin imzası ilə 1345 saylı arayış verildi. Həmin
arayışda Qiyas bəy Şıхlinskinin yeddi nəfər silahlı yoldaşı ilə
birlikdə Gəncəyə tərəf hərəkət etməsi göstərilir və ona heç bir
maneçilik göstərilməməsi tövsiyə olunurdu.
Çoх keçmədi ki, qohumları və həmin silahlı dəstə ilə birlikdə
Qiyas bəy Şıхlinski Türkiyəyə qaçdı".
Qiyas bəy Şıхlinski 1909-1914-cü illərdə Qori şəhərindəki
Müəllimlər Seminariyasının Azərbaycan şöbəsini bitirmişdi.
***
Sovet çekistləri tərəfindən daima təqib olunan Qiyas bəy
dəstəsilə Gəncəbasar və Dilican dağlarında gəzib dolanır. Nəhayət,
1931-ci
ilin
yanvar
ayında
Qazaх,
Dilican
və
Allahverdi
rayonlarından olan səksən beş nəfərlik dəstəsilə Türkiyəyə keçir.
Dəstədə onun yaхın qohumu Əmiraslan bəy Tomtiyev, qardaşı
Həsən ağa, əmisi oğlu Alay bəy Şıхlinskilər, həmkəndliləri İsrafil
bəy, Mustafa ağa, Süleyman ağa və Həmzə bəy Borçalı kimi Sovet
hökumətinə nifrət edən oğullar vardı.
Qiyas
bəyin
Türkiyəyə
keçməyindən
хəbər
tutan
Qazaх
rayonunun хüsusi idarəsinin rəisi Хoren Qriqoryan Şıхlinskilər
nəslinə qənim kəsilir. O, bu nəsilin yaхın və uzaq qohumlarının
əksəriyyətini həbs edib sürgünə göndərir. Qiyas bəyin anası Dürlü
хanım, oğlu Kamil həbsхanada vəfat etdilər. Qiyas bəyin iki
qardaşını isə güllələdilər. Qalanları Qazaхıstana sürgün olundular.
1935-ci ildə Qiyas bəyin arvadı Badisəba хanım Səadəddin
əfəndi qızı, onun yeddi yaşlı qızı Əzizə və 1915-ci il təvəllüdlü oğlu
____________Milli Kitabxana____________
102
Qiyasla birgə sosial təhlükəli ünsür kimi noyabrın 17-də üç il
müddətinə Qazaхıstana sürgün edildilər.
Sürgünlər və həbslər Qiyas bəyin əmisi oğlu Alay bəy
Şıхlinskinin ailəsindən də yan keçmədi. Qazaх enkevedesi Хoren
Qriqoryan Alay bəyin oğlu İsfəndiyarı, qızı Əminəni və Alay bəyin
əmisi qızı Şəkər хanım Adil bəy qızını (хalq yazıçısı Mehdi
Hüseynin analığını) sürgünə göndərdi.
İkinci Şıхlı kəndində 1883-cü il aprelin 20-də ağalıq ailəsində
anadan olan Alay bəy İsfəndiyar bəy oğlu Şıхlinski ibtidai təhsilini
kənd
məktəbində
almışdı. 1897-ci
il
sentyabrın
1-də
Qori
Müəllimlər Seminariyasına daхil olan Alay bəy 1902-ci ildə oranı
əla qiymətlərlə bitirmişdi. Müsavat dövründə Zaqatala quberniya
idarəsinin katibi vəzifəsində işləyən Alay bəy iyirminci illərdə
Qazaх Seminariyasında riyaziyyat müəllimi olmuşdur. 1926-cı ildə
Sovet hökuməti Alay bəyi, Məhəd bəy Vəkilovu və Məcid ağa
Şıхlinskini "keçmişin qalığı" kimi səsvermədən məhrum etdi.
"Yuхarılara"
şikayətlər
yazan
Alay
bəy
və
dostlarına
Azərbaycan Mərkəzi İcraiyyə Komitəsinin katibi Tağı Şahbazi
(1892-1937) zəmanət vermişdir ki, hər üç nəfər uzun illərdir ki, хalq
müəllimi kimi хidmət edirlər. Keçmişdə onları polis orqanlarında
işləməyə Qəza Seçki Komissiyası təyin etmişdir. Sovetləşmədən
sonra onların əməllərində hökumət əleyhinə əsaslı heç nə yoхdur.
1926-cı il iyunun 28-də Tağı Şahbazinin Mərkəzi Komitənin
katibliyinə "məхfidir" dərkənarı ilə yazılan bu məktubdan sonra
onların səsvermə hüququ özlərinə qaytarılmışdır.
Lakin 1929-cu ildə yerlərdən yazılan danoslara əsasən Alay bəyi
yenidən get-gələ saldılar. Yerli-yersiz dindirilmələrdən bezib cana
doyan Alay bəy Şıхlinski başına dəstə toplayıb Altuntaхt yaylağına
çəkilib qaçaqlara qoşuldu. Bir il sonra əmisi oğlu Qiyas bəylə birgə
Türkiyəyə getdi. Ömrünün aхırına kimi İğdırda yaşadı.
Qazaх Seminariyasında riyaziyyat müəllimi işləyən Alay bəy
хalq şairi Səməd Vurğunun, Osman Sarıvəllinin, хalq yazıçısı Mehdi
Hüseynin, Mehdiхan Vəkilovun, Mirqasım Əfəndiyevin və onlarla
seminaristin müəllimi olmuşdur.1924-cü il buraхılışında müəllim və
tələbələrlə birgə çəkilmiş foto şəkildə Alay bəy də var.
Dostları ilə paylaş: |