98
birinin rəmzi-simvolik adıdır.
Tədqiqatçılara gəlincə, Danabaş kəndi Mirzə Cə-
lilin müəllim işlədiyi Nehrəm kəndidir. «1890-97-ci
illərdə Nehrəm (Danabaş) kəndində müəllim olan gənc
ədib kəndin adət-ənənələrini, əhalisini müşahidə altına
almış, bədii əsərlərinin bir neçəsini və «Molla Nəsrəd-
din» məcmuəsinin bir çox səhifələrini bu kəndə həsr
etmişdir.
Danabaş kəndinin əhalisi məzhəkənin əsas surəti-
dir» (163, 232).
Burada satirik kinayə «Danabaş kəndi», «Danabaş
əhvali-ruhiyyəsi» Azərbaycan şəraitinin təzahürü və
ümumiləşdirilmiş sənətkar təxəyyülünün məhsuludur.
Ədibin gerilik və nadanlıq rəmzi olan «danabaş» sözü
isə tamamilə şərti məna daşıyır. Bu məfhum təkcə Neh-
rəm kəndində deyil, bütünlükdə feodal-patriarxal əlaqə-
lərinin, dini anlayışların hökm sürdüyü keçmiş Azər-
baycan kəndinə aiddir» (49, 162).
Kəndin «Danabaş» adlanması orada yaşayanlar
arasında hökm sürən zülm, əsarət, istismar, şallaq və
avamlıq çərçivəsində müəllif kinayəsidir. Beləliklə,
«Danabaş» adı bir növ bəd əməllərin, dəhşətli zülm və
yoxsulluğun, avamlığın simvolu kimi kəskin ifşa damğa-
sına çevrilir, müsəlman mühitindəki ictimai qüsurların
səbəblərini üzə çıxarır, onların uyğunsuzluğunu, dözül-
məzliyini aşkar edir. Təbiidir ki, belə kinayədə ədibin
kədəri, qəzəb və nifrəti qabarıq ifadəsini tapır.
Məkanla bağlı simvolik kinayənin ifadəsi «Qur-
banəlibəy» və «Poçt qutusu» hekayələrində də xüsusi
99
olaraq
işlədilmişdir.
«Qurbanəlibəy»
hekayəsində
kəndin adının «Qapazlı» adlandırılması ilə ədib o
dövrün, bütövlükdə Azərbaycan kəndinin həm yerli bəy
və xanların, həm də çar məmurlarının – naçalnik, pristav
və s. necə deyərlər qapazaltısı, zülm, istismar tapdağına
çevrilməsi fikrini ifadə etmişdir. Bu qapazlılıq şüur larda
elə möhkəm kök salmışdır ki, həmin kəndin bəyi Qur-
banəlibəy naçalnikin arvadının qabağında təlxək səviy-
yəsinə qədər enir. Nökəri Kərbəlayı Qasımı isə dəqiqə-
başı təhqir edir, hədələyir. Ağalar qarşısında qul olan
münasibət (qapazaltılıq) yoxsul və məzlum insanların
qapaz altında saxlanmasıdır. Simvolik adla istismar
dünyasını ümumiləşdirən «Qapazlı» kəndi məzlum,
itaətkar, qapazaltı münasibəti real fonda əks etdirir.
Eyniyyət «Poçt qutusu» hekayəsinin qəhrəmanının
– Novruzəlinin yaşadığı məkan adında da özünü gös-
tərir. Kəndin adının «İtqapan» olması mülkədar-kəndli
(hakim və əzilən təbəqə) münasibətində güclülərin
verdikləri əzab-əziyyətin tamamilə qanuni, təbii bir hal
kimi ümumiləşməsi, bərabərsizliyin simvolu kimi vulqar
ifadə ilə adlanır.
Cəlil Məmmədquluzadə nəsrinin satirik üslubunda
əşya anlayışı ilə bağlı olan kinayəli simvolik adlar əsər-
dəki hadisələrin və yaxud surətin müəyyən əməlində,
xarakterində ifadə olunur və yaxud süjet boyu onların
əməlləri və xarakterləri barədə səciyyəvi məlumat
verilərək müəyyən epizodda göstərilir.
Birinci qrupa daxil olan kinayəli simvolik əşyalar
«Xanın təsbehi» əsərində «təsbeh», «İki alma» əsərində
100
«alma», «Qoşa balınc» hekayəsində «balınc»la ifadə
olunur.
Özünün bilavasitə şahidi olduğu hadisələri qələmə
alan sənətkar İrana getdiyi zaman «Xanın təsbehi» adlı
hekayəsini qələmə almışdır. Tam mənasilə dərəbəylik
üsulunun hökm sürdüyü, məzlum insanların təhqir
olunduğunu, kəndlərin qarət edildiyini görən sənətkar
əsərdə Nəzərəli xan İkramüddövlə zülmkarlığını təsvir
və təhkiyə obyektinə çevirmişdir. Nəzərəli xan «Qara-
dağ vilayətinin ən insaniyyətli və ən tərbiyəli xanla-
rından» hesab olunsa da, əslində xalqın qanını soran bir
zəli, insanları böyük müsibətlərə salan bir cəlladdır.
Əsər «Xanın təsbehi» adlanır. İslam dinində «zikr»
aynası olan bu əşya Nəzərəli xanın təsdiq və zülm aça-
rıdır. Nəzərəli xan cahil, mənəviyyatsiz bir nadandır.
Ədib hekayədə oxucunu belə bir mənzərə ilə qarşılaş dı-
rır: Kəndlər xarabazara çevrilmiş, əhali dilənci vəziy-
yətindədir. Xan və fərraşlarının insanların başına
gətirdiyi saysız-hesabsız zülm və işgəncələr xanın adı
ilə bağlıdır. Nəzərəli xan kəndlini asıb-kəsə də, öldürə
də bilərdi. «Qabaqca fərraş gəlib rəiyyətdən bir şey
istərdi, əgər rəiyyət verdi verib, əgər vermədi fərraş bir-
iki şallaq çəkib qayıdardı xanın üstünə və ikinci dəfə
xanın təsbehini gətirərdi. Bu dəfə əgər o hökmə əməl
olundu olunub, olunmadı dəxi fərraş ixtiyar sahibidir;
yəni o qədər ixtiyar sahibidir ki, əgər xəncərini çıxardıb
yox deyənin boynunu vursa, dəxi bilmirəm nə olar və
yəqin də heç bir şey olmaz (111, 489).
Ədib kinayəsində çox orijinal və maraqlı bir priyom
101
işlətmişdir. Burada yalnız bir nəfərdən və əşyasından
söhbət açılaraq müsəlman aləminin ən dəhşətli və
gülünc eybəcərlikləri zorakılıq və zülm rəmzi kimi
təsbehlə ifadə edilərək ifşa və ittihamı tamamlayır.
Nəzərəli xanın tutduğu işlər haqqında fərraş Əli Cəfərin
– «Bu haman təsbehdir ki, iki il bundan qabaq xanın
fərmayişinə ağ olan dəyirmançı Mehdini, bax, haman
qayadan dərəyə elə tulladı ki, uşaqları heç ölüsünü də
tapmadılar. Bu haman təsbehdir ki, xanın qəzəbi tutanda
Orucəlinin evini yandırdı, uşaqlarını çölə dağıtdı (111,
490).
Verilən parçada Nəzərəli xanın insanlara azğın,
təhqiramiz münasibəti, soyğunçu, rəzil təbiəti fərraş Əli
Cəfərin dili ilə etiraf edilir, zülm və zorakılığın simvolu
kimi təsbeh nifrət və qəzəbi daha konkret ifadə edir.
«İki alma» əsərində ədib dəyəri iki qəpiklik almanı
humanizm simvolu kimi ümumiləşdirir. Dilənçi uşağa
ianə verməyi rəva görməyən müəllif övladının dilənçiyə
alma verməsini görəndə sevinir. Müəllif kinayəsi,
insana laqeydlik prizmasından çıxış edir, bir neçə
insanın simasında ictimai qüsurları izah və ifşa etməyə
imkan tapır.
«Qoşa balınc» hekayəsində müəllif kinayəsi başqa
şəhərdə düşdükləri evin sahibinin ata ilə qızı ər-arvad
düşünərək onların çarpayısının üstünə iki balınc qoy-
masını və ev sahibinin rəftarından təhkiyəçinin təəccüb-
lənməsini belə ifadə edir: «O şey ki, mənə qəribə
görsəndi, o da bu idi ki, o biri krovatın üstündə səliqə
ilə yorğan-döşək salınmışdı, amma bir balınc əvəzinə
Dostları ilə paylaş: |