11
Geofizika və Mühəndis Geoloqiyası İstehsal Birliyinin
rəhbərliyinə, şəxsən baş direktor, AMEA-nın müxbir üzvü,
geologiya-mineralogiya elmləri doktoru, prof. K.M.Kərimova öz
minnətdarlığımı bildirirəm.
Kitabın əlyazmasını oxuyub, onun tələbələr tərəfindən
daha asan qavrayıb istifadə olunması üçün dəyərli məsləhətlər
vermiş, sonra onun redaktoru kimi ağır bir işi yerinə yetirmiş
Azərbaycan Dövlət Neft Akademiyasının "Kompüter texnikası
və proqralaşdırma" kafedrasının dosenti, t.e.n. G.S.Həsənova
təşəkkürümü bildirirəm.
Kitabın ərsəyə çatmasında zəhmətləri olan, fəaliyyət
göstərdiyim Dövlət Neft Şirkətinin Geofizika və Geologiya
İdarəsinin «İstehsal proseslərinin kompyüterləşdirmə və riyazi
təminatı» şöbəsinin əməkdaşları: g.-m.e.n. E.S.Novruzova,
R.İ.Şərifova Ə.M.Həmidova öz razılığımı bildirirəm.
12
REDAKTORDAN
Təbiət və cəmiyyətdə gedən prosseslərin tədqiqində
riyazi metodların tətbiqinin müstəsna əhəmiyyəti vardır.
Riyazi metodlar bu prosseslərdəki ümumi qanuna-
uyğunluqları aşkara çıxarmağa, bu qanunauyğunluqları riyazi
düsturlar şəklində ifadə etməyə imkan verir. Sonralar bu
ifadələr araşdırılaraq öyrənilən prosses haqqında müəyyən
nəticələr çıxarılır.
Belə riyazi məsələlərin həllində hesablama texnikası
vasitələrindən istifadə etmədən keçinmək mümkün deyildir. Bu
da ədədi metodlara marağı artırır. Azərbaycan dilndə
riyaziyyatın əksər bölmələrini əhatə edən ədədi üsullara aid
vahid ədəbiyyat yox dərəcəsindədir.
Ölkəmizin müxtəlif ali, orta ixtisas təhsili müəsissələrində
uzun müddətli pedaqoji və istehsalat təcrübəsinə, o cümlədən
xarici ölkə təhsil sistemində böyük təcrübəsi olan t.e n., dosent
Teyfur Məlikovun bu kitabı ədədi üsüllar sahəsində mövcud
olan boşluğu qismən doldurmalıdır. T.Məlikovun kitabı
tələbələrə, xüsusilə texniki universitetlərin tətbiqi riyaziyyat və
kompüter yönümlü fakultələrində oxuyan tələbələrə
ünvanlanmışdır.
Kitabda nəzəri materiallar, çox saylı misallarla müşayət
olunur. Bu da nəzəri materialları daha tez mənimsəməyə
köməklik göstərməlidir. Kitabda həmçinin çoxlu nəticələr və
faktlar da vardır. Onlarda riyaziyyatın tətbiqi məsələləri ilə
məşqul olan elmi ictimayyətin gündəlik işi
13
üçün gərəkli və xeyrli olacaqdır.
T.Məlikov bu kitabında ədədi üsülları tam əhatə etmək
iddiasında olmamış və əslində də böyük həcmli belə bir material
bir kitabda tam əhatə etmək münıkün deyildir. Məhz buna görə
kitab nöqsansız da deyildir. Məlum olduğu kimi son zamanlar
elmi ictimayyətin böyük marağına səbəb olmuş L.Zadənin fazzi
riyaziyyata ədədi üsulların tətbiqi imkanları araşdırılmamış və
kitabda öz əksini tapmamışdır. Halbuki, bu günki gündə buna
böyük ehtiyac vardır.
Lakin bununla yanaşı qeyd etməliyik ki, kitab ədədi
üsülların müasir vəziyyətini və əsas bölmələrini əhatə edir. Bu
praktik yönumlu elmi ictimayyətin və tələbələrin təlabatını
qismən də olsa ödəyəcəkdir. Bu ümidlə də kitab oxuculara
təqdim olunur.
Azarbaycan Dövlət Neft Akademiyası
" KT və proqramlaşdırma " kafedrasının
dosenti, t.e.n. G.S.Həsənov
14
GİRİŞ
Bütün təbiətşünaslığın əsasını, müşahidə və təcrübə təşkil
edir. Nəticələri rəqəmlərlə ifadə olunmuş müşahidə və
təcrübələr xüsusi əhəmiyyət daşıyır.
Müasir texnikanın sürətü inkişafı və mühəndis
tədqiqatlarında müasir riyaziyyatın daha da geniş tətbiq edilməsi
zərurəti tətbiqi məsələlərlə məşğul olan mütəxəssislərin və elmi
işçilərin riyazi hazırlığına daha yüksək tələblər qoyur.
İndiki zamanda mühəndis-tədqiqatçının riyazi biliyinin
əsas istiqamətləri, keçən əsrin əvvəllərində formalaşmış klassik
analizlə kifayətlənə bilməz.
Elmi-tədqiqat institutlarında çalışan mühəndisdən indi
müasir riyaziyyatın bir çox sahələri haqda, ilk növbədə
hesablama riyaziyyatının metod və üsullarının əsaslı işlənməsi
tələb olunur, çünki bütün mühəndis məsələlərinin həlli ədədi
nəticə ilə başa çatdırılmalıdır.
Digər tərəfdən hal-hazırda hesablama texnikası hesablama
işlərində faktiki yerinə yetirən yeni güclü vasitə ilə təmsil
olunur. Elə buna görə də tətbiqi məsələlərin dəqiq qoyulmuş
həllinə keçmək mümkün olmuşdur. Bu isə öz növbəsində
riyaziyyatın daha dərin bölmələrindən istifadə olunmasını tələb
edir.
Müasir hesablama texnikasından düşünülmüş surətdə
istifadə olunması, tətbiqi və ədədi analiz metodlarından ətraflı
tətbiq olunmadan mümkün deyildir.
15
Elə buna görə də həm ölkəmizdə, həm də xaricdə
hesablama texnikası metodlarının görünməmiş dərəcədə inkişafı
baş vermişdir.
Ölkəmizdə ali texniki təhsil müəssisələrinin tələbələri və
elmi tədqiqat institutlarının əməkdaşları üçün bu səpkidə
Azərbaycan dilində dərsliklərin və ədəbiyyatın olmaması
gələcəkdə yüksək səviyyəli mühəndis kadrların hazırlanmasında
çətinlik yaradır.
Bu kitabın yazılmasında əsas məqsəd ali riyaziyyatın
ümumi ali texniki universtetlərin «Ali riyaziyyat» kursu
əsasında metod və üsulların imkan daxilində sistematik və
müasir səviyyədə izahını verməkdən ibarətdir.
Məsələnin təqribi yanaşma üsulu ilə həlli zamanı alınmış
nəticələrin xətasının qiymətləndirilməsi tələb olunur. Çox saylı
rəqəmlərlə hesablama apararkən biz çox vacib bir məsələ ilə,
hesablama sxeminin dayanaqlığı məsələsi ilə qarşılaşırıq.
Ölçmələr zamanı
təcrübədə alınmış
ədədlərin
yuvarlaqlaşdırılarkən qaçılmaz olan xətaların cəmi nəzərə
çarpacaq dərəcədə böyük ola bilər. Belə hesablama sxemi
dayanıqlı deyildir və işdə istifadə olunması yararsızdır. Məlum
olan üsullar arasında seçilən ədədi metodlardan istifadə edərkən
və ya yenisinin hazırlanması zamanı biz təbii olaraq məsələnin
həlli üçün nəzərdə tutulmuş kompüterlərin xüsusiyyətini də
nəzərə almalıyıq.
Dostları ilə paylaş: |