“Western Caspian” University № 3, 2017 Scientific Bulletin
40
sibətlərin daha da mürəkkəbləşdiyi, dünya bazarlarında tələbin xüsusiyyətlə-
rinin dəyişdiyi, rəqabət mühitinin dərinləşdiyi bir şəraitdə innovasiyalar, elmi-
texniki yeniliklər, ixtiralar və onların tətbiqi məsələləri hər bir aspekt üzrə öz
aktuallığını daha da artırmışdır. Bu proses bilik iqtisadiyyatını dövrün əsas
tələblərindən birinə çevirmişdir.
Türkiyə Respublikasının son illərdəki sosial-iqtisadi nəticələrini təhlil
etsək təhsildə aparılan islahatların nəticəsi kimi bu ölkənin bilik iqtisadiyyatının
yaradılmasında böyük nailiyyətlər əldə etdiyi müşahidə olunur. Belə ki, ölkə
iqtisadiyyatında ixracatın strukturunda yüksək bilik tələb edən texnologiya,
maşınqayırma və cihazqayırma məhsulları üstünlük təşkil edir. Sözsüz ki, bilik
iqtisadiyyatının formalaşmasında düzgün təşkil olunmuş təhsil sistemi dayanır.
Dünya iqtisadiyyatında son dövrlərdə bir sıra sahələrdə öz xüsusi çəkisini
artırmağı bacaran Türkiyə öz təhsil sistemini və təhsil proqramlarını xeyli
dərəcədə təkmilləşdirməyə nail olmuşdur. Təhsilin keyfiyyəti baxımından
böyük nailiyyətlər əldə olunmuşdur. Təhsildə xüsusilə tətbiqi əhəmiyyətə malik
istiqamətlərdə görülən tədbirlər öz səmərəsini göstərməkdədir. Bir sıra
universitetləri dünyanın nüfuzlu universitetləri sırasına daxil olmuşdur. Bu uni-
versitetlərin hazırladığı yüksək ixtisaslı kadrlar elmi-tədqiqat, iqtisadiyyat və
başqa bir sıra sahələrdə fərqlənməyə başlamışdır.
Hazırda Türkiyə ali təhsildə yaradılmış güclü maddi-texniki bazası,
münasib təhsil şəraiti, təhsil və yaşayış xərcləri ilə də əmək bazarında rəqabət-
qabiliyyətli, yüksəkixtisaslı kadrların hazırlanması imkanlarını xeyli geniş-
ləndirmişdir.
Türkiyə ali təhsil sisteminin yenidən qurulması mərhələsi 2011-ci ilin
fevral ayından bu yana davam etməkdədir. Bir çox universitet yenidənqurmanın
nə cür olmalı olduğu ilə bağlı raport hazırlamışdır. Misal üçün ODTÜ tərə-
findən hazırlanan raportda, universitet təşkilatlanmasında, maliyyə və akademik
strukturun idarəedilməsində, personal seçimi və məşğulluğunda universitetin
müstəqil bir quruluşa malik olmasının önəmi vurğulanmışdır [10, s.8].
Bundan başqa burada universitetlərdə ixtisaslaşma, beynəlxalq rəqabət
standartlarına uyğunlaşma, məhsuldarlıq, hesabatlılıq, universitetin idarə heyə-
tinin yenidən formalaşdırılması üçün nələrin edilməli olduğu, yeni strukturun
hansı formada olmasının daha məqsədəuyğun olması ilə bağlı fikirlər də öz
əksini tapmışdır.
Türkiyə universitetlərlə sənaye arasında əməkdaşlığı inkişaf etdirən
ölkələrdəndir. Bu əməkdaşlıq üzrə tənzimləmə siyasəti beşillik inkişaf planları
əsasında həyata keçirilmişdir və bu proses bu gün də davam etdirilir.
Türkiyədə elmi-tədqiqatlara və texnologiyaların inkişafına sərf olunan
vəsaitlərin ÜDM-dəki payı son illərdə artmışdır.
Türkiyədə tədqiqat-təkmilləşdirmə xərclərinin ÜDM-də xüsusi çəkisi
2002-ci ildə 0,53%-ə, son illərdə elm və texnologiya sahəsində müşahidə
olunan siyasətə bağlı olaraq 2012-ci ildə 0,92%-ə çatmışdır. Bu faiz 2011-ci
“Western Caspian” University № 3, 2017 Scientific Bulletin
41
ildə 0,86% idi. 2012-ci ildə tədqiqat-təkmilləşdirmə fəaliyyətləri tədqiqatı
çərçivəsində, ictimai quruluşlar, vəqf universitetləri və ticarət sektorundakı an-
ket nəticələrinə, dövlət universitetlərinin büdcə və şəxsi sənədləri əsasında
yerinə yetirilən hesablamalara görə Türkiyədə ümumi daxili tədqiqat-təkmil-
ləşdirmə xərcləri 2012-ci ildə əvvəlki illə müqayisədə 17,1% artaraq 13,062
milyon TL olaraq hesablanmışdır [11, s. 21].
1991-ci ildə rəsmi qəzetdə nəşr olunan məlumata görə, Türkiyədə texno-
parkların qurulması aşağıdakı məqsədləri daşıyırdı:
-
Dünya bazarı üçün rəqabət potensialına
və daxili bazarda strateji
əhəmiyyətə malik texnologiyaya əsaslanan
sənaye sahələri qurmaq;
-
Daxili və xarici sərmayəni təşviq etmək;
-
Universitet, dövlət və özəl sektor arasında
güclü əlaqə yaratmaq;
-
Yeni xammal, bacarıqlı işçi qüvvəsi və sərmayə üçün daha yüksək əlavə
dəyərli ixrac məhsullarının istehsalını inkişaf
və təşviq etmək;
-
Yüksək iqtisadi təsirə malik yeni texnologiyalara sərmayə qoyulması və
dolayı yolla məşğulluğun artırılması;
-
Universitetlərin tədqiqat nəticələrini məhsuldar sektorlara tətbiq etmək
[9. s. 186].
Türkiyədə elmi-tədqiqatların aparılması əsasən, biotexnologiya, kosmos
araşdırmaları və peyk texnologiyası, elektron, bərpa oluna bilən enerji resurs-
ları, yeni vəsaitlər, dəniz elmləri, dəmir və kömür texnologiyası kimi istiqa-
mətlər üzrə aparılır və texnoparkların əsasən bu istiqamətlərdə yaradılması
nəzərdə tutulur.
Türkiyədə fəaliyyət göstərən texnoparkların fəaliyyət sahələri dünyadakı
texnoparklarla müqayisədə bənzərlik nümayiş etdirir. Proqramlaşdırma və mü-
dafiə sənayesi ən öndə gələn fəaliyyət sahələridir. Dünyadakı uğurlu texno-
parklar tədqiq edilərkən firmaların ortalama istehsala keçmə müddəti 5 il olaraq
götürülsə də, Türkiyədəki texnoparklarda fəal olan firmalar 3 ildən az bir müd-
dət ərzində texnologiya ixracatına başlayırlar [2, s.88].
Türkiyədə qurulması planlaşdırılan texnoparklar layihəsindən sənaye,
ticarət, elm və texnologiya sahələrində fayda və strategiyalar bu şəkildə
müəyyən edilmişdir:
-
Dünya bazarı üçün qlobal rəqabət potensialına və daxili bazarda strateji
əhəmiyyətə sahib texnologiyaya əsaslanan sənayenin qurulması;
-
Daxili investisiyaları və xarici kapital qoyuluşuna
təşviq etmə;
-
Universitet, dövlət və özəl sektor sənaye müəssisələri arasında effektiv
qarşılıqlı əlaqələri qurmaq;
-
Xüsusilə yerli xammal, bacarıqlı iş qüvvəsi və kapital üçün daha yüksək
əlavə dəyərə sahib ixrac məhsullarının təşviqi və inkişaf
etdirilməsi;
-
Yüksək iqtisadi effektivliyə malik qabaqcıl texnologiyalara investisiya
edilməsi və dolayı yolla məşğulluğu artırmaq;
-
Qabaqcıl texnika və təhsilin tətbiqi ilə məhsul keyfiyyəti və məhsuldar-