III fəsil. Bağışlama müqaviləsi
nm predmetinə aid edilməsi üçün kifayət deyildir. Belə ki, hədiyyə
alanın zənginləşdirilməsi yalnız borcdan azad edilmə ilə
məhdudlaşmayan müxtəlif hüquqi formalarda ifadə oluna bilər.
Məsələn, əşyanın əvəzsiz istifadəyə verilməsi hədiyyə alanı icarə
haqqını ödəməkdən azad etdiyi üçün şübhəsiz ki, hədiyyə alanı
zənginləşdirir. Lakin bununla əvəzsiz istifadə müqaviləsi
bağışlamaya çevrilməyəcəkdir. İkincisi, borcun bağışlanması əsası və
proseduru, borcun ötürülməsi və icranın qəbulu fərqli hərəkətlərdə
ifadə olduqları üçün, onların ümumi ad altında birləşdirilməsi süni
olacaqdır'.
Bağışlama
müqaviləsinin
prednieti
kimi
dövriyyədən
çıxarılmayan istənilən əşyalar çıxış edə bilər. Mülki dövriyyəsi
məhdudlaşdırılmış əşyaların bağışlanması onların hüquqi rejiminə
uyğun olmalıdır. Belə ki, bu növ əşyaları hədiyyə alan şəxs onları
mülkiyyətə qəbul etmək səlahiyyətinə malik olmalıdır.
Qanunvericiliklə dövriyyədə olan, lakin bağışlanıla bilməyən
əşyalar müəyyən olunmuşdur ki, bunlara misal kimi dövlət və
bələdiyyə mülkiyyətində olan torpaqları göstərmək olar. Belə ki, AR
Torpaq Məcəlləsinin 91-ci maddəsinin 2-ci bəndinə əsasən, dövlət və
bələdiyyə torpaqlarının bağışlanmasına yol verilmir. Bu torpaqlar
üzərində istifadə və icarə hüquqları qanunvericiliklə müəyyən edilmiş
qaydada bağışlana bilər.
Dövlət və bələdiyyə torpaqlarının bağışlanmasının qadağan
olunmasına baxmayaraq, onlar bir çox mülki əqdlərin (alqı-sat- qı,
icarə və s.) predmeti kimi çıxış edə bilərlər.
Bağışlama müqaviləsinin predmeti olan əmlak hüquqları həm
əşya, həm də öhdəlik xarakterli ola bilər. Lakin bununla bərabər,
bağışlamanın predmeti ola bilməyən əşya və öhdəlik xarakterli əmlak
hüquqları da vardır. Məsələn, əşya hüquqlarından servitut və uzufrukt
alqı-satqmm müstəqil predmeti ola bil
' Гражданское право: Учебник / Под. ред. Л.П.Сергеева, Ю.К.Толстого.
Том 2. М.: Проспект, 2003, с. 137
79
Rüfət Göyüşov
məz (bax. AR MM, mad.255.3). Belə olan təqdirdə onlar
bağışlamanın da predmeti kimi çıxış edə bilməzlər.
Güzəşt edilməsi mümkün olmayan əmlak hüquqları bağışlana
bilməz. Məsələn aliment, həyat və sağlamlığa vurulan zərərin
ödənilməsi tələbi və s. Əmlak hüquqlarının bağışlanması tələblərin
və hüquqların güzəşti (sessiyası) haqqında AR MM-in 9-cü fəslinin
3-cü paraqrafımn və 29-cu fəslinin 6-cı paraqrafmm qaydalarına
uyğun həyata keçiriləcəkdir. Bununla yanaşı, AR MM-in 666.3-cü
maddəsinin tələbinə əsasən, mənəvi və ya əxla- qi borcun icrası
bağışlama sayılmır.
Bu müqavilənin tərəfləri olan hədiyyə verən və hədiyyə alan
qismində vətəndaşlar, hüquqi şəxslər və dövlət çıxış edə bilər. Dövlət
bu münasibətlərdə, əsasən, hədiyyə alan qismində çıxış edir. AR
Torpaq Məcəlləsinin 91-ci maddəsinin 1-ci bəndinə əsasən, torpağın
mülkiyyətçisi Azərbaycan Respublikasının Mülki Məcəlləsində
müəyyən edilmiş qaydada və formada bağışlama müqaviləsi ilə
həmin torpaq sahəsini və ya onun bir hissəsini əvəzsiz olaraq,
Azərbaycan Respublikasının hər hansı vətəndaşının və ya hüquqi
şəxsin, habelə dövlətin və ya bələdiyyənin mülkiyyətinə verə bilər.
Nəzəri olaraq dövlət hədiyyə verən kimi çıxış edə bilər. Buna
misal olaraq, idmançıların və fitri istedadların mükafatlandırıl-
nıasmı göstərmək olar. Qeyd olunan münasibətlər müəyyən dərəcədə
mülki hüquqi tənzimetmədən kənarda qaldığı üçün onların izahı
üzərində çox dayanmırıq.
Vətəndaşların bağışlama müqaviləsinin tərəfi kimi çıxış etmələri
onların fəaliyyət qabiliyyətinin həcmindən, bağışlanılan əşyanın
hüquqi rejimindən asılıdır. Fəaliyyət qabiliyyəti olmayan şəxsin
əmlakından bağışlama yalnız qanuni nümayəndələrin məsuliyyətinin
saxlanması şərti ilə, habelə qəyyumluq və himayəçilik hüququnun
göstərişlərinə uyğun olaraq həyata keçirilə bilər (bax. AR MM,
mad.667.2). Fəaliyyət qabiliyyəti məhdudlaşdırılmış şəxslə-
80
III fəsil. Bağışlama müqaviləsi
rin xırda məişət əqdləri bağlamaq ixtiyarı vardır. Bu kateqoriya
şəxslər yalnız himayəçisinin razılığı ilə başqa əqdlər bağlaya bilərlər
(bax. AR MM, mad.32.1). Bu kateqoriya şəxslərin himayəçinin
razılığı ilə bağladıqları əqdlərin sırasına bağışlama müqaviləsi də
daxildir. Himayəçinin razılığı tələb olunan hallarda, belə razılıq
olmadan əmlaklarını digər şəxsə bağışlayarlarsa, həmin əqd sonradan
himayəçinin yazılı razılığı ilə etibarlı hesab edilə bilər.
Tam fəaliyyət qabiliyyətli şəxslər öz əmlakları üzərində
başqalarının hüquqlarını pozmamaqla istədikləri kimi sərəncam verə
bilərlər.
Lakin
qanunverici
fəaliyyət
qabiliyyətli
şəxsin
mülkiyyətində olan, hədiyyə vermək istədiyi əmlakın hüquqi
rejimindən asılı olaraq bəzi məhdudiyyətlər müəyyən etmişdir. Belə
ki, əgər əmlak ər-arvadın ümumi mülkiyyətindədirsə və ya vərəsəlik
hüququ ilə məhdudlaşmışdırsa, o halda fəaliyyət qabiliyyətli şəxs öz
əmlakına dair bağışlama yolu ilə sərəncam verə bilməz (bax. AR
MM, mad.667.1).
Ərlə-arvadın nikah dövründə əldə etdikləri əmlak onların ümumi
birgə mülkiyyətləri hesab olunduğu üçün bu cür əmlakın
bağışlanması (üzərində sərəncam verilməsi) mülkiyyətçilərin razılığı
əsasında həyata keçirilir və əmlaka dair sərəncam verilməsi
(barəsində bağışlama müqaviləsinin bağlanması) haqqında əqdi
mülkiyyətçilərdən hansının bağlamasından asılı olmayaraq bu razılıq
ehtimal edilir. Lakin daşınmaz əmlakın bağışlanması qaydası
fərqlidir. Belə ki, daşınar əşyanın bağışlanması ilə əlaqədar əqd digər
mülkiyyətçinin razılığının olmaması mülahizələrinə əsasən
mübahisələndirilərək etibarsız sayılması perspektivi hədiyyə alanın
bunu (hədiyyə verənin səlahiyyətinin olmamasını) bildiyi və bilməli
olduğu halın sübuta yetirilməsindən asıh- dırsa, daşınmaz
əmlaka'birgə hüququ olan ərin (arvadın) razılığı olmadan daşınmaz
əmlakın dövlət reyestrində qeydə alınmış hüquq barədə bağlanmış
müqavilə hədiyyə alanın vicdanlı olduğu hallarda belə etibarsız hesab
edilir.
81
Dostları ilə paylaş: |