829
müxtəlif dekonstruktivistlər tərəfindən müxtəlif cür başa düşülür.
Amma onların hamısını müəyyən ümumi xüsusiyyətlər birləşdirir ki,
həmin bu xüsusiyyətlər başqa amillərlə yanaşı, onları Qadamer
istiqamətə, onun üçün çıxış nöqtəsini təşkil edən ənənəyə münasibətdə
hörməti (tənqid qarışıq hörməti) qarşı qoyur. Əgər Qadamerin
"sələfləri" Şleyermaxerə və Dilteyə oxşar hermenevtlər idisə,
dekonstruktivistlər üçün onların rolunda Nitşe və Freyd çıxış edirlər.
"Radikal" və "konservativ" hermenevtik proqramların aşkar
əksliyinə baxmayaraq, onların hər ikisi "müasirliyə" (modernity)
tənqidi olaraq yanaşır. Lakin Qadamer humanist özünüformalaşdırma
(Bildung, formation) konsepsiyasını dəstəkləyərək, müasir cəmiyyətin
mədəni tənəzzülünə qarşı xüsusən tənqididir. Dekonstruktivistlər
əksinə olaraq, rasionalizmin ilk növbədə o tipinə qarşı tənqidi
münasibətdədirlər ki, onu müasir cəmiyyətin özündə deyil və
əsaslarında tapırlar. Onlar çox vaxt rasionalizmi məsələn, təlim
(disciplining) və homogenizasiya (homogenization) formasında
meydana çıxan gizli və zülmkar qüvvə kimi şərh edirlər.
İyirminci illərdə Qadamer Haydeggerin baxışları ilə tanış
olmuş və onun mətnlərə verdiyi fəlsəfi şərhdən xüsusən
ilhamlanmışdır. Qadamer daha erkən tədqiqatçılar tərəfindən təklif
olunan mətnləri sistematik olaraq yenidən mənalandırmışdır. O,
Haydeggerin ideyalarını tarixi-fəlsəfi mətnlərin yaradıcı şərhi yolu ilə
inkişaf etdirmişdir, bu şərhin işlənib hazırlanması isə onun öz
proqramı oldu. Onun hermenevtik fəlsəfəsi əsasən, “Həqiqət və
metod” (Wahrheit und Methode, 1960) əsərində təsvir olunmuşdur.
Qadamer hermenevt olaraq, öz ilhamını Şleyermaxerdən və
Dilteydən götürmüşdü (bax. Fəsil 19). Şleyermaxer vurğulayırdı ki,
hermenevtika mətnin şərhi olaraq mətndən müəllifə və onun həyati
yoluna doğru yönəlməlidir. Beləliklə, mətnin spesifik hissəsini yalnız
müəllifin bütün əsərləri küllüyatının işığında deyil, həm də onun şəxsi
və intellektual həyatının, həmçinin, onun həyati layihəsinin işığında
anlamağa səy etmək zəruridir. Elə buna görə də, hermenevtik dairə
adlandırılan şey - yalnız mətndə hissənin və bütövün əlaqəsi məsələsi
deyildir. Mətnin anlaşılması yalnız mətnin bir hissəsini mətnin bir
bütöv olaraq əsasında anlamaq səylərinin və hissələrin əsasında
bütövü anlamaq səylərinin spiralı deyildir. Mətnin anlaşılması
hermenevtik dairəyə çevrilir ki, burada da müəllifin həyatı xüsusi yer
tutur, özü də yaxşı olardı ki, müəllif həyatı onun "həyati layihəsi"
şəklində, bir bütöv olaraq bərpa olunsun. Amma bu, o deməkdir ki,
mətnin şərhi əhəmiyyətli dərəcədə psixoloji (və ya tarixi) layihəyə
çevrilir. Qadamer bu halda bir sıra qeyd-şərtləri irəli sürür.
830
Əlbəttə ki, o, mətnin əsasını formalaşdıran bir çox psixoloji və
tarixi faktların var olduğunu inkar etmir. Amma Qadamer vurğulayır
ki, mətn hər halda, bilavasitə və ya vasitəli olaraq nəyisə deyir, təsdiq
edir və ya fikir yürüdür və əgər biz mətni bir mətn olaraq anlamaq
istəyiriksə, onda mətnə immanent olan bu müddəaları ciddi olaraq
nəzərdən keçirməliyik. Mətnin anlaşılması deməli ki, mətnin təsdiq
etdiyini başa düşmə məsələsidir. Beləliklə, mətnin mənasının anlamı
mətnin həqiqilik iddialarının anlamı ilə birgədir.
Əlbəttə, istisna deyildir ki, mətndə verilən məlumat zarafat da
ola bilər. Deməli, aydınlaşdırmaq vacibdir ki, mətndə hansı növdən
olan mülahizələr irəli sürülür. Həmçinin, o da, mümkündür ki, mətn
ümumiyyətlə, heç bir mənanı özünə ehtiva etmir - mətnin müəllifi
məsələn, ağılsız oldmuşdur. Belə hallarda bizim yanaşma
metodumuzu dəyişdirmək və hər şeydən öncə, psixoloji səbəbləri
axtarmaq zəruridir. Amma Qadamerə görə, bu situasiyalar mətnin
nümunəvi şərhinin standartları deyildir. Adətən biz mətnin nəyi
dediyini, nəyi təsdiq etdiyini anlamağa səy edirik.
Mətnə baş vurma, deməli ki, başqa insanın intellektual həyatına
baş vurma məsələsi deyildir, mətnin mənasına baş vurma məsələsidir.
Bu halda mətnin mənası mətnin irəli sürdüyü "həqiqilik
iddialarındadır" (Wahrheitsansprache). Mətni anlamaq üçün, biz onun
həqiqətə
yönələn
iddialarının
əsaslandırılmış
olduğunu
qiymətləndirməyə aktiv olaraq səy etməliyik. Bu, əlbəttə, o demək
deyildir ki, biz mətndə deyilənlərlə razılaşmalıyıq, amma bu planda
tam neytralitet də mümkün deyildir
470
.
Əgər biz mətni anlamalıyıqsa, biz deyilənlərdən savayı, mətnin
mənalandırılmasına istiqamətli bazis yönümünə və onun tərəfindən
irəli sürülən həqiqilik iddialarına münasibətdə onun ziddiyyətsizliyinə
malik olmalıyıq. Burada Qadamer deyir ki, biz özümüzün mətni "başa
düşmədən əvvəlki vəziyyətimizdə" onun "mükəmməlliyini" (Vorgriff
der Vollkom-menheit) güman edirik
471
.
470
O zaman ki, söhbət Qadamerin mətnə ilhaq edilmiş "həqiqilik iddiaları"
tezisi barədə gedir, biz Habermasın o barədə tezisini göstərə bilərik ki, bütün
"nitq aktları" ümumi əhəmiyyətə malik olma iddiasını" irəli sürürlər. Bu halda
qeyd etməyə dəyər ki, Habermas bu tezisi hər şeydən öncə, fərdlər arasında
qarşılıqlı təsir kim "nitq aktlarına" və yalnız dolayısı olaraq mətnlərə tətbiq
edir.
471
Derridaya və Fukoya oxşar dekonstruktivistlər burada əksinə olaraq, təkid
edirdilər ki, biz "şübhənin hermenevtikasından" istifadə etməliyik və mətnin
daxilində ziddiyyətli və konfliktli axtarıb-tapmalıyıq.