833
qovuşmasına" nail olmağa səy edən formativ proses kimi başa düşür.
Qadamer dildən və şərhdən mühüm tarixi fenomenlər kimi başlayır.
Burada Qadamer fəlsəfəsinin Hegelsayağı cizgiləri aşkarana bir tərzdə
görünür. Lakin Hegel sistemlər yaratdığı halda, Qadamer mətnləri
şərh edir.
Qadamerdən iki tənqidi istiqamət öz başlanğıcını götürür.
Birinci soruşur ki, bizim tarixi kontekstualizasiya o qədər
fundamentalmıdır ki, "həqiqət" barədə nə isə universal bir şey kimi
danışmaq problematik olmuş olsun. Bu suala istinad edən tənqid
dekonstruktivistlər tərəfindən inkişaf etdirilir. İkinci soruşur ki,
"həqiqətə iddialar" nitq aktlarının ümumi nəzəriyyəsi və mədəni
modernizasiya nəzəriyyəsi əsasında şərh olunmalıdırmı? Bu sualdan
çıxan tənqidlə Habermas məşğul olur.
Derrida, Fuko, Rorti –
dekonstruksiya və tənqid
Jak Derrida (Jacques Derrida, 1930) Haydeggeri onun
metafizikanı məntiqi olaraq tamamlamaq səyində davam etdidir.
Metafizikaya tənqidi olaraq münasibət göstərərk, o, həmçinin,
Nitşenin və Freydin irsini də inkişaf etdirir. Bu novatorlarda olduğu
kimi, Derridada da metafizikanın tənqidi eyni zamanda, Avropa
tarixindən rişələnən və müasir sivilizasiyanı səciyyələndirən bütün
qərb təfəkkürünün (təfəkkür və praktik sferaların sientizasiyası da
daxil olmaqla) tənqidi kimi çıxış edir. Derrida daxildən
"dekonstruksiyanın" köməyi ilə tənqid etmək istəyir, yəni mətnlərin
elə oxunması yolu ilə ki, onlarda özünə yer tapan ziddiyyətlər axtarılır
və bununla da mətnin məna strukturlarına "səpələnmək" imkanı
verilir
476
.
Derrida mətn və ya yazı (writing) anlayışlarını elə genişləndirir
ki, dil və bütün digərləri son nəticədə "yazı" kimi başa düşülür. O,
mətni və "yazını" fərqləri müəyyənləşdirən fəaliyyət kimi şərh edərək,
bu genişlənməni həyata keçirir. Metafizikanın başlıca yanılması
Derridanın fikrinə görə, ondadır ki, o, həmişə əsas axtarır və onu
mövcud olanda tapır. Amma Haydeggerin ardınca gedərək, Derrida
476
Bax: məsələn, De la grammatologie. - Paris, 1967 вя LUcriture et la
differance. - Paris, 1967. Mətnin "dekonstruksiyası" barədə bu ideya bir çox
ədəbi tənqidçilər arasında geniş yayıldı. Postmodernizm (postmodernism)
termini "poststrukturlizm" termini ilə analogiyadan yarandı. Bax: Jan-
Fransua Liotar (1924), Jean-Francois Lyotard. La Condition postmoderne. -
Paris, 1979.
834
belə bir əsasın axtarışlarının nəticəsiz olduğunu göstərmək istəyir.
Dünya bu mənada əsasa malik deyildir. "O şey ki, mövcuddur" onun
əsasını "varlıq" (das Seiende) formasında görmək faydasızdır.
Bu aspektdə "yazı" hər şeydən öncə, "fərqləndirməni" (la
difference) səciyyələndirir. Yazı yeni fərqləndirmələr arasında
mövcud olanla mövcud olmayan arasında sanki bir fasiləsiz yarış
olaraq yaranır. Bu açıq yarışda "başqası" onu bizim anlayışlar vasitəsi
ilə ifadə etmək üçün göstərdiyimiz bütün səylərə baxmayaraq həmişə
özünün xüsusi rolunu oynayacaqdır.
Derrida Əlcəzairdə yəhudi ailəsində anadan olan fransız
filosofudur. Buna görə də, onun sözlərinə görə, o, dominant
mədəniyyətə münasibətdə həmişə "başqası" olmuşdur.
Derridanın
qarşılaşdığı
çətinlik
yaxşı
məlum
olan
özünüreferensiya problemindən ibarətdir. Bu problem onun
mövqeyinə tətbiq olunarkən belə bir qaydada ifadə oluna bilər. Əgər
dekonstruksiya bütün klassik fəlsəfi anlayışların, o cümlədən də,
həqiqət anlayışının "dağıdılmasını" öz ardınca gətirirsə, onda Derrida
izah etməyə borcludur ki, o, onun tərəfindən təsdiq olunanların
həqiqət olduğunu hesab etməkdə davam edirmi? Əgər o, iqrari cavab
verirsə, onda o, özünüreferensial olaraq qeyri-ardıcıl olmuş olur. Əgər
o, mənfi cavab verirsə, onda onun təsdiq etdiyində nəsə ciddi bir şeyi
görmək çətindir. Və ya hansısa bir üçüncü yol mövcuddur?
Mişel Fuko (Michel Foucault, 1926-1984) özünün Sözlər və
şeylər (Les Mots et les choses: une archeologie des sciences
humaines, 1966) kitabı ilə populyarlıq əldə etmişdir. Bu kitabda
strukturlist nöqteyi-nəzər müdafiə olunur: insan - bir sosial
konstruksiyadır. Reallıq öz əsasında - strukturlardır. Fuko Levi-
Strossla birgə o nəzəriyyələri tənqid edir ki, onlar insanın bir avtonom
fərd olaraq anlamına üstünlük verirlər, belə ki, sosial konstruksiyalar
və reallıq öz mahiyyətləri etibarı ilə strukturlardır
477
.
Fuko "humanitar elmlərin arxeologiyası" adlandırdığını, yəni
verilmiş dövrün əsas struktur əlaqələrini axtarır. O, bu dövrə xas olan
həm təfəkkürü, həm də əməlləri müəyyənləşdirən determinant
strukturu epistema (episteme) adlandırır. Fukonun əsərləri bərabər
dərəcədə "intellektual tarixə" və fəlsəfəyə məxsusdur. Onun
477
Fəaliyyət göstərən subyektin nöqteyi-nəzəri ilə struktur nöqteyi-nəzər
arasındakı fərq sosial tədqiqatlarda yaxşı məlumdur. Birinci nöqteyi-nəzərin
nəzəri-oyun xarakteristikası ilə bağlı məsələn, bu kitaba nəzər salın: J. Elster.
Sour Grapes: Studies in the Subversion of Rationality. Cambridge, 1983.
İkinci nöqteyi-nəzər nəzəri-sistem xarakteristikası ilə bağlı isə aşağıdakı kitab
səciyyəvidir: N. Luhmann. Sozialle Systeme. - Frankfurt am Main, 1984.