133
Atman və brahman haqqında tezis belə şərh oluna bilər ki,
atman mütləqlə eynidir. Yalnız bu halda fərd ölümdən sonrakı yeni
dirçəlişə qabil ola bilir. Hind fəlsəfəsinə uyğun olaraq, insan
sansaradan, həyatın və ölümün "xorovodundan" xilas olmalıdır. Bütün
hind fəlsəfəsi təcəssümün əbədi tsiklından xilas (mokşa - moksha)
yolunu axtarır. Bu müddəa yalnız Upanişadalarda deyil, buddist
fəlsəfədə də aparıcı yer tutur.
Bu tsikldan xilas olmaya hind fəlsəfəsinin nədən belə son
dərəcə xüsusi əhəmiyyət verdiyini qısaca olaraq nəzərdən keçirək.
Şübhəsiz ki, bu, karma barədə təlimdə öz ifadəsini tapan fəaliyyətin
özünəməxsus anlaşılması ilə bağlı idi. Bu anlaşılmaya uyğun olaraq,
bizim əməllərimiz bizim növbəti həyatımızda "brahman" və ya
kərtənkələ olaraq mövcud olacağımızı müəyyənləşdirir - və bu, bu və
ya digər dərəcədə fərəhsiz olacaq milyonlarla imkandan yalnız
ikisidir!
Karma çox vaxt əsas anlayış kimi nəzərdən keçirilir, bütün
hind fəlsəfəsi onun ətrafında dövran edir. Karma hərəkət, əməl
mənasını verir. Təfəkkürün karmik adlanan üslubu fəlsəfənin eyni
zamanda həm əxlaqi, həm də metafizik ölçülərini üzə çıxarır, bunlar
isə müasir qərb fəlsəfəsində adətən bir-birindən ayrı təqdim olunur.
Bu, onun sayəsində baş verir ki, karma həm reinkarnasiya, yenidən
doğuluş inamı ilə, həm də əxlaqi səbəbiyyət inamı ilə sıx bağlıdır.
Əxlaqi səbəbiyyət termini altında kosmosun ədalətlə sarınması
anlaşılır. Biz elə bir dünyada yaşayırıq ki, hər bir kəs layiq olduğunu
alır və həmçinin növbəti həyatda da uyğun imkanı əldə edir. Başqa
sözlə, fəzilətli insanın perspektivləri yaxşıya doğrudur, qəbahətli
insanınkı isə – pisliyə doğrudur. Dünyanın bütün nöqsanları və
əzabları öz əməllərinin nəticəsidir. Lakin konkret kastaya mənsub
olma insanın yaxşı və ya pis olduğunu müəyyənləşdirir. İnsanlar
özlərinin əvvəlki həyatlarının "müqabilində" bu və ya digər kastaya
məxsus olurlar. Beləliklə, Upanişadalar kasta sistemini də
qanuniləşdirir.
Karma haqqında təsəvvür Avropa təfəkkürünə mütləq mənada
yad deyildir. O, xüsusən, bir sıra atalar sözləri vasitəsi ilə də ifadə
olunur, məsələn, "hər bir kəs öz xoşbəxtliyinin dəmirçisidir" və ya "nə
əkərsən, onu da biçərsən". Lakin Avropa təfəkküründə, hind
təfəkküründən fərqli olaraq, əxlaqi səbəbiyyət reinkarnasiya ilə
əlaqələndirilmir. Reinkarnasiya ideyası – spesifik hind fenomenidir.
Beləliklə,
hind
fəlsəfəsində
əxlaqi əməl "xorovod"a
qoşulmuşdur: ...yenidən doğulma – həyat – ölüm - yenidən doğulma –
həyat – ölüm - yenidən doğulma... (sansara). Reinkarnasiya barədə
təlim Qərbdə, xüsusən Yeni dövrdə yaranan bir çox şərhdə fərdin
134
çoxlu həyatları barədə və ya hətta onun əbədi həyatı barədə ideyaların
ifadəçisi kimi nəzərdən keçirilir. Məsələn, Nitşenin bütün şeylərin
"əbədi təkrarı" barədə hind fəlsəfəsindən götürülmüş nəzəriyyəsi
varlığın pozitiv xristian nəzəriyyəsinin alternativi kimi nəzərdən
keçirilə bilər (baxın. Fəsil 24). Biz yəqin, elə buna görə də,
reinkarnasiya ideyasını müsbət qiymətləndiririk, o, ölüm qarşısında
qorxunu aradan qaldırır və bizə yenidən və yenidən bir daha, yeni bir
qaydada yaşamaq, yəni faktiki olaraq həyatların sonsuz miqdarını
yaşamaq imkanını verir. Lakin bu mülahizələr hind dünyagörüşü ilə
pis uzlaşır, bu dünyagörüş şəxsiyyəti karmik transformasiyalar
zəncirində əridir.
Doğrudan da, hind fəlsəfəsi üçün başlıca olan - əməl (nitq və
təfəkkür də daxil olmaqla), arzu (desire) və ehtiraslar problemləridir.
Reinkarnasiya barədə təlim təsdiq edir ki, bizim növbəti həyatda
mövcud olma formamız bizim bu həyatdakı ehtiraslarımızı və
meyllərimizi əks etdirəcəkdir. Burada tırtılla müqayisə yerinə düşərdi,
belə ki, tırtıl öz yolunda qarşılaşdığı hər şeyi yeyir və həzm edir.
Tırtılın istəklərinə malik olan kəs növbəti həyatda elə tırtıl da
olacaqdır. Tırtıl Qərb mentalitetində getdikcə daha çox artan istehlak
ehtirasını ifadə edir və bu ehtirasın obrazıdır. Buna görə də, tırtıl
olmamaq üçün ona uyğun əməllərdən və istəklərdən kənar gəzmək
gərəkdir.
Arzulardan azad olmaq və karmaya nəzarət etmək necə
mümkündür? Hind fəlsəfəsinin mühüm mənbəyi olan Bhaqavad-qitadan
kiçik bir fraqmentdə dayaq simvolu olaraq od qəbul edilir. Bizim
əməllərimiz biliyin atəşi ilə çuğlaşmalıdır. Buna asketizm və yoqa yolu
ilə nail olmaq olar. Karmadan yalnız bu qaydada azad olmaq istəyən kəs
son xilasa (mokşaya) nail ola bilir. Amma bu məqsəd bizim
əksəriyyətimiz üçün əlçatmazdır. Biz həyatın və ölümün tsiklındən qopa
bilmirik. Bizim "mahiyyətimiz" milyonlarla müxtəlif simalar şəklində
təzədən doğulmaq riskinə məhkumdur. Buna baxmayaraq, bizim
hamımız əlbəttə ki peyğəmbər ola bilməsək də, bu həyatı ən yaxşı bir
tərzdə başlamaq üçün bizim hər birimiz üçün əsas mövcuddur. Karmik
fəlsəfəyə uyğun olaraq, xeyir əməllər törədən və xeyri arzulayan kəs
növbəti həyata ən yaxşı bir varlıq olaraq doğulacaqdır və ya daha
yüksək kastada təmsil olunacaqdır. Beləliklə, karma haqqında təlim,
reinkarnasiya ideyası və kasta sistemi hind fəlsəfənin əsasını təşkil edir.
Əxlaq və sosial sistem bir-birlərini onun çərçivələri daxilində
tamamlayırlar.
Buddist fəlsəfə