Ijtimoiy pedagogika

1.2 Voyaga yetmagan o’smirlar xulq-atvorini shakllantirishda olib boriladigan ishlar mazmuni.

Ta‘limning yangi modeli jamiyatda mustaqil fikrlovchi erkin shaxsning shakllanishiga olib keladi. O`zining qadr-qimmatini anglaudigan, irodasi baquvvat, iymoni butun, hayotda aniq maqsadga ega bol`gan insonlarni atbiyalash imkoniga ega bo`lamiz‖ deb ta‘kidlaganlaridek, bugungi kunda ―Ta‘lim to`g`risidagi qonun‖ va ―Kadrlar tayyorlash milliy dasturi‖ orqali shaxs tarbiyasiga jiddiy e‘tibor qaratilmoqda4 . ―Bola bilan muloqot qilish san‘atidan-da murakkab san‘at yo`qdir‖, deb yozgandi mashhur polshalik pediatr va pedagog Yanush Korchak. Bolalar va ota-onaning, umuman, kattalarninh muloqoti va munosabati, ayniqsa, bolalar o`smirlik yoshiga yetganda o`ta murakkablashadi, muloqotning nozik qirralari ko`payadi. Pedagoglar va psixologlar, sotsiologlar va fiziologlar, 4 O`zbekiston Respublikasining Ta‘lim to`g`risidagi Qonuni. psixatrlar va huquqshunoslar – barcha bir ovozdan o`smirlik davri inson hayotidagi murakkab va inqirozli davr ekanini tan oladilar. O`smirlik davrini inqirozli davrga aylantirib qo`yadigan sabablar juda ko`p (bolalarning jinsiy etilishi, ularda kattalik hissining paydo bo`lishi va rivojlanishi, mustaqillikka bo`lgan ehtiyojning kuchayishi va h.k.). bunday sabablarning tahliliga bag`ishlab qator maqolalar, risolalar yozish mumkin. Biroq farzandining ―tilini topa olmayotgan‖, u bilan psixologik aloqa o`rnatishga qiynalayotgan har biro ta-onani farzandidagi o`zgarishlarning sabablaridan ko`ra shunday vaziyatlarda qanday yo`l tutishi kerakligi, nima qilish mumkinligi ko`proq qiziqtiradi. Shu tufayli ushbu bo`limda asosiy urg`u o`smir yoshdagi bolalar va ota-onalar o`rtasidagi psixologik aloqani, muloqotni yaxshilash uchun nimalar qilish maqsadga muvofiqligiga qaratildi. Ushbu bandda farzand tarbiyasida qo`l keladigan tayyor ―retseptlar‖ yo`q, unda barcha vaziyatlarga birdek mos keluvchi tavsiyalar ham uchramaydi.Ota-onalarga farzandi bilan qanday muloqot qilishni o`rgatish niyati ham ko`zlanmaydi. Zero, har bir oilada bu borada o`ziga xos tajriba, an‘ana va qoidalar borligi hech kimda shubha uyg`otmaydi. Demak, bundan ko`zlangan bosh maqsad – mutaxassislarning amaliy tavsiyalarini (ko`rsatmalarini emas, aynan tavsiyalarini) o`quvchiga etkazish, uni jonli mushohada va mulohazaga undashdir. Avvalo, shunga e‘tibor qaratish kerakki, o`smirlik yoshida ota-onaning bola ko`z o`ngidagi mavqei bir muncha pasayadi. Maktabgacha yosh davrida, kichik maktab yoshida ota-onasini eng kuchli, aqlli va chiroyli, deb hisoblaydigan bolalar o`smirlik yoshiga etib, aslida ularning ota-onalarida ham talay kamchiliklar borligini payqay boshlashadi. Umuman, bu davrda tengdoshlar mavqei oshib, kattalarga nisbatan tanqidchan munosabat kuchayadi. Ota-ona va o`smir bola o`rtasida vujudga keluvchi nizolarga ko`pincha quyidagilr sabab bo`ladi: bolaning do`st va o`rtoq tanlashda adashishi, turli joylarga va tadbirlarga ko`p borishi hamda bu erlarda uzoq qolib ketishi, kiyinishi va tashqi ko`rinishida antiqa o`zgarishlar qilishi, uy yumushlari bo`yicha turli topshiriqlarni bajarmasligi, aka-ukalar va opa-singillar bilan tortishishlari, ota-ona va kata avlod vakillariga nisbatan hurmatsizlikni ochiq namoyon etishi. O`smir bola hamda ota-ona o`rtasidagi nizo va tushunmovchilikdan butunlay holi bo`lgan biror oilani topib bo`lmaydi. Ammo tadqiqotlardan ma‘lum bo`lishicha, juda jiddiy nizolar 15-20% oilalardagina ro`y beradi. O`rtadagi nizolarga qaramay ko`pchilik o`smirlarda ota-onaga ishonch, hurmat yuqori darajada saqlaniv qoladi, o`smir ota-onaning maqtovlarini hamda e‘tiroflarini juda yuqori darajada qadrlaydi. Mana shunday qadrni, hurmatni, munosabatlardagi iliqlikni saqlab qolish, mustahkamlash va rivojlantirish uchun psixolog mutaxassislarning ota-ona hamda farzand o`rtasidagi psixologik aloqani yaxshilash maqsadiga xizmat qiluvchi ushbu tavsiyalarga quloq tutish ayni muddao bo`lardi: 1. Ota-ona farzandining xulq-atvori yuzasidan o`zining munosabatini bildirmoqchi bo`lganda, ―Sen xabar‖ uslubidan emas, ―Men xabar‖ uslubidan foydalangani ma‘qul. Bu degani ―Sen kecha aytganimni qilib qo`ymabsan‖, ―Sen nega doim odamni javratasan‖, ―Sen qaerdan topding bu qiliqni‖ kabi mulohazalar o`rniga ―Men kecha aytganimni qilib qo`ymaganingdan biroz ranjidim‖, ―Men hech tushunmayman nega odamni javrataverasan‖, ―Men bilmadim, bu qiliqni qaerdan topding‖ kabi mulohazalarni ishlatish kerak. Zero, bu bolaga bo`lgan hurmat va ishonchni namoyon etadi, o`rtadagi qaramaqarshilikni anchagina susaytiradi. 2. Ota-ona bolaning biror fikrini ma‘qullamoqchi bo`lganda, shunchaki ―ha‖ yoki ―mayli‖ deb aytishdan ko`ra quyidagi turdagi mulohazalardan foydalangani ma‘qul: ―Agar sen shunday qilishni hohlayotgan bo`lsang…‖, ―Mayli sen aytganday bo`lsin‖, ―Senday bunday qilishingga men qarshi emasman‖, ―Buni men emas, sen hal etasanku‖. Zotan, bu ota-ona bolaga mustaqil shaxs sifatida ishonayotganini, uning shaxsiy mustaqilligini tan olayotganini ko`rsatadi. 3. Ota-ona farzandiga nimanidir taqiqlamoqchi bo`lganda, quyidagi mulohazalarni berilgan ketma-ketlikda bildiradigan bo`lsa, bola taqiqni unchalik og`ir qabul qilmaydi: a) ota-ona bolada muayyan istak paydo bo`lgani o`rinli ekanini tan oladi – ―Biz bugun kinoga borging kelayotganini yaxshi tushunayapmiz‖. b) ota-ona bolaning biror bo`yicha taqiqni aniq belgilaydi – ―lekin biz senga ruxsat bera olmaymiz, chunki ertaga maktabga tayyorlab borishing kerak bo`lgan darslaring ko`p‖; v) ota-ona bolaga o`z istagini boshqa holatda amalga oshirish imkoniyati bo`lishi to`g`risida aytadi – ―Shanba kuni esa bo`sh vaqting ko`proq bo`ladi, ehtimol shu kuni borish to`g`rib o`lar‖; g) ota-ona bolaga oilada hukm-suruvchi tartib-qoidalardan norozilik bildirishi uchun yordam berib yuboradi – ―Shubhasiz, sen bunday taqiqlar bo`lmasligini xohlarding‖, ―Albatta, hozir ruxsat bermayotganimiz senga yoqmayapdi‖, ―Balki, biz umuman noto`g`ri qilayapmiz, deb hisoblayotgan bo`lsang ajab emas‖. Eng muhimi, aytilayotgan taqiqlar bola sha‘nini kamsitmaydiganshaklda bildirilishi kerak: ―Ish kunlari kinoga borilmaydi‖ degandan ko`ra, ―O`zing yaxshi bilasan, ish kunlari kinoha borib, boshqa muhim ishlar qolib ketishi mumkin‖, deb aytgan ma‘qul. 4. Ota-ona bola ulg`ayib borgan sayin oilaviy muhokamada uning ovozi ham asta-sekin ko`p narsalarni hal etadigan darajaga etishi uchun sharoit yaratishi kerak. Turli muammolarni muhokama qilishda, bahslarda ota-ona o`zining nohaqligini tan olishdan qo`rqmasligi lozim. Bordi-yu o`rtada nizo vujudga kelsa, ota-ona birinchi bo`lib, yarahish tomon qadam tashlashi maqsadga muvofiq. Bunda ota-ona o`z fikrlarini ―Kechirasan, men seni yaxshi ushunmadim, shekilli.Biroz qizishib, ayrim keraksiz narsalarni ham aytib yuborganga o`xshayman.Hozir men biroz shoshganimni bilayapman.Seni tushunishni judajuda xohlayman.Qani kel, bir boshidan kata odamlardek gaplashib olamiz‖ degan so`lzar bilan boshlagani ma‘qul. Bir so`z bilan aytganda, bola bilan muloqotda ota-onadan haqiqiy ijodkorlik, egiluvchan munosabat, tog`dek bardosh talab qilinadi. Mana shu hislatlar tugab borayotganda, chidashga boshqa majol qolmayotganday bo`lib tuyila boshlaganda, ota-ona o`smir bolalar o`z kundaliklari va insholarida ko`pincha ―baxt-bu seni kimdir tushunishi‖ deb yozishlarini eslasinlar. Farzand bilan aloqani, erkin va samimiy muloqotni yo`qotish farzandning o`zini yo`qotish bilan barobarligini eslasinlar. Shak-shubhasiz, mana shular eslaganda, bu haqda o`y surilganda bir zumda ancha emirilib qolgan bardosh tog`i yonida yana o`nta hunda tog` qad rostlaydi. Mamlakatimizda bolalarga har tomonlama g`amxo`rlik ko`rsatish, onalik va bolalikni himoya qilish, sog`lom avlodni kamol toptirish davlat siyosati darajasiga ko`tarilgan. 1998 yili qabul qilingan O`zbekiston Respublikasining Oila kodeksida bolaning asosiy huquqlari mustahkamlab qo`yilgan: jumladan, Kodeksning 67-moddasida ―Bola o`z huquqi va qonuniy manfaatlarini himoya qilish huquqiga ega‖ ligi alohida ta‘kidlanadi. Shuningdek, har bir bola yoshi, sog`lig`i, kasbiy tayyorgarligiga muvofiq qonunda o`rnatilgan tartibda mehnat qilish huquqiga egadir. Ishga 16 yoshdan qabul qilishga ruxsat beriladi. 15 yoshga to`lganlar ishga ota-onalaridan birining yoki ota-onalari vazifalarini o`tayotganlarning yozma tarzdagi roziligi bilan ishga qabul qilinishi mumkin. Tadqiqotlarda aniqlanishicha, voyaga yetmagan shaxs 15 yoshdan boshlab mehnat munosabatlarining sub‘ekti sanaladi. Soliq qonunchiligini buzganlik sub‘ekti 16 yosh hisoblanadi. Voyaga yetmaganlarning mehnat munosabatlaridagi ishtirokini o`rganib, bu borada muayyan qarama-qarshiliklar mavjudligiga guvoh bo`lamiz. Amaliyotda ko`pincha O`zbekiston Respublikasi Fuqarolik kodeksi 28- moddasi va Mehnat kodeksining 77-moddasi talablariga zid ravishda 15 yoshga to`lmagan shaxslarning ish kuchidan foydalanib kelinadi. Demak, ishga qabul qilish yoshining chegaralanishi formal tusga ega. Bundan anglashiladiki, mehnat munosabatlarini tartibga soluvchi qonunchilikdan ishga qabul qilishdagi yoshning chegaralanishi olib tashlanishi lozim. Uning o`rniga yosh ishchilarning ish sharoiti, sog`lig`i va ehtiyotsizligini himoya qiluvchi Nizom kiritilishi maqsadga muvofiq deb o`ylaymiz. Davlat bolaning mehnat qilish huquqini 18 yoshga to`lmaganlarning ishni o`qish bilan qo`shib olib borishi uchun zarur shart-sharoitlar yaratish va qonunda ko`zla tutilgan boshqa chora-tadbirlar orqali kafolatlaydi. Har bir bola, shuningdek, yoshi, sog`lig`i va ehtiyojlariga muvofiq dam olish va bo`sh vaqtini o`tkazish huquqiga ega. Bolaning sog`ligini saqlash huquqini davlat, qonunchilikka muvofiq, bepul tibbiyo yordam ko`rsatish bilan kafolatlaydi. Bu malakali tibbiy xizmatni tashkil etish, bola va uning ota-onasi sog`ligini nazorat qilish, kasalliklarga qarshi profilaktikani amalga oshirish, kasbiy layoqatni aniqlashda davlat byudjeti hisobidan bepul tibbiy maslahatlar berish, oziq-ovqatlarning sifatli ishlab chiqarilishi va sotilishi ustidan nazorat o`rnatish, sog`lom turmush tarzini targ`ib etish va rag`batlantirish kabi chora-tadbirlar vositasida ta‘minlanadi. Mamlakatimizda bolalarni himoya qilish, ularni milliy va umuminsoniy qadriyatlar ruhida har tomonlama barkamol insonlar qilib tarbiyalash uchun zarur shart-sharoitlar yaratish davlat siyosati darajasigako`tarilgan. Mustaqillik yillarida mazkur sohada bolalarning huquqlarini belgilovchi mukammal qonunchilik bazasi yaratildi. Ayniqsa, ―Bola huquqlarining kafolatlari to`g`risida‖'gi Qonunning qabul qilinishi jamiyatda bola huquqlarining himoya qilinishi va kafolatlarining aniq mexanizmlari yaratilishini ta‘minladi. SHu bilan birga, qonunda BMTning Bola huquklari to`g`risidagi konvensiyasida nazarda tutilgan bolaning asosiy huquqlari majmui mustahkamlandi, uning asosiy huquqlari majmui mustahkamlandi, uning asosiy prinsiplari va qoidalari milliy qonunchiligimizga uyg`unlashtirildi. SHuningdek, milliy qonunchiligimizda Mehnat Tashkiloti bosh assambleyasining 1996 yilda bo`lib o`tgan bolalar mehnatini bartaraf etishga bag`ishlangan xalqaro konferensiyasi rezolyusiyasi hamda shu yo`nalishdagi xalqaro huquq me‘yorlari prinsiplari ham o`z ifodasini topgan. Mehnat munosabatlaridagi xalqaro huquq normalarining bola huquqlarida kafolatlanishi to`g`risida so`z yuritganda, avvalo, bu borada ham milliy qonunchiligimizdagi ustuvor jihatlarga to`xtalib o`tish lozim. Bu ustuvor jihatlar, albatta, milliy qadriyatlarimizni, bola tarbiyasidagi an‘analarimizni qamrab olgan. Bolalar va o`smirlarning sog`lig`iga, rivojlanishiga, shuningdek, ta‘lim olishiga to`sqinlik kilmaydigan ishlarni bajarishi ijobiy hol, deb baholanadi. Bunday yumushlar bolalarning ota-onalariga uyda, oila yumushida yordam berishlari, darsdan so`ng hamda ta‘til paytlarida o`zlarining zarur xarajatlari uchun pul ishlab topishlari bilan izohlanadi: Bu kabi mehnat bolalar tarbiyasiga, oila farovonligiga ko`mak berish bilan birga, bolaning kelajakda jamiyatning to`laqonli a‘zosi bo`lishi uchun zarur tajriba va ko`nikmalarni egallashida ham muhim ahamiyat kasb etadi. SHu ma‘noda, ishonch bilan aytish mumkinki, mehnat munosabatlaridagi xalqaro huquq normalarining milliy qonunchiligimizda aks etgan bola huquqlarida kafolatlanishi alohida e‘tibrrga loyiqdir. Zotan, bularning barchasi O`zbekiston Respublikasi Konstitusiyasining 37-moddasida, Mehnat kodeksining 239-247-moddalarida, Oila kodeksining 67-moddasida, ―Bola huquqlarining kafolatlari to`g`risidagi Qonunning 20-moddasida, ―Ta‘lim to`g`risida‖gi va boshqa ijtimoiy-iqtisodiy sohalarga oid qonunlarda mustahqamlangan. SHuningdek, hukumatimiz tomonidan 2007 yil 15 yanvarda tasdiqlangan O`zbekistonda bolalar farovonligini ta‘minlash bo`yicha Harakat dasturida mehnat qonunchiligiga muvofiq, voyaga yetmaganlar manfaatlari hisobga olingan holda, yoshlar mehnat birjalarini ijtimoiy tarmoq sifatida tashkil etish, kasb ta‘limini olgan yoshlarni ishga joylashtirish va bandligini tezlashtirish, ishlayotgan o`smirlarning mehnat sharoitlari monitoringini takomillashtirish kabi vazifalar aniq, belgilangan. BMT Bosh Assambleyasining O`zbekiston vakillari ham ishtirok etgan sessiyalarida yillik Deklarasiya, ―Bolalar yashashi uchun yaroqli do`nyo‖ kabi hujjatlar qabul qilinib, bu hujjatlarda mazkur yo`nalishdagi O`zbekiston tajribasi hisobga olindi. SHu bilan birga, BMTBola huquqlari qo`mitasining 42-sessiyasida O`zbekistonning ikkinchi milliy ma‘ruzasi asosida qator ijobiy tavsiyalar ishlab chiqildi. Bu anjumanyaarda bolaning farovonligini va baxt-saodatini ta‘minlash bo`yicha umumiy harakatlar hamda yo`nalishlarning yangi rejalari global miqyosda belgilab berildi. SHuni alohida qayd etish lozimki, YUNISEFning ijtimoiy monitoring va boshqa tadqiqotlarida O`zbekistonda bolalarning sog`lig`ini saqlash, ularni kasbga yo`naltirish unun sarflanayotgan davlat xarajatlari miqdori Markaziy Osiyo mamlakatlari orasida eng katta ekani, onalar va bolalar farovonligining ayrim ko`rsatkichlari bo`yicha esa Respublikamiz xalqaro forumlarning yaqin kelajak uchun ishlab chiqqan tavsiyalaridan ham oldinda borayotgani alohida ta‘kidlangan. Darhaqiqat davlatimiz raxbari ta‘kidlaganidek, biz buyuk qelajagimizni avvalambor yosh oilalar, yosh avlod timsolida ko`ramiz. Bugun katta hayotga qadam qo`yayotgan navqiron o`g`il-qizlarimizning ochiq chehrasiga, aqlzakovatiga, harakat va intilishlariga boqib, ularning yurtimizda hech kimdan kam bo`lmaydigan yangi hayot, yangi jamiyat qurishga qodir ekanligiga ishonchhosil qilamiz. Bu ishonchga nafaqat mehnat munosabatlaridagi halqaro huquq normalarining bola huquqlarida kafolatlanishi, balki bolalarning barcha huquq va manfaatlarini muhofaza qilish, ularning ta‘lim, sog`liqni saqlash va ijtimoiy ta‘minotga oid barcha huquqlari kafolatlab qo`yilgani asos bo`lib xizmat qiladi. O`ylaymizki, istiqbolda ham mamlakatimizda bu borada lib borilayotgan ishlar hayotda o`z ifodasini topaveradi.