İnsan və təbiət silsiləsindən
Yüklə 2,82 Kb. Pdf görüntüsü
|
- Bu səhifədəki naviqasiya:
- Ardıcıl düşüncə insanın kimliyini də müəyyən edə bilər. İnsan düşündükcə onun daxilində olan hüceyrələr aktivləşir və bu aktivləşmə sayəsində onlar məlumat
- İnsanın fiziki quruluşu özünün obyektidir.
100 müstəvidə çox aşkar olunması elə hissiyyatları daha çox üzərə çıxarır. Bir istiqamət üzrə ardıcıl düşüncə prosesləri obyekti daha çox aşkarlayır. Bu, sanki uzaqda yerləşən obyektə teleskop vasitəsilə baxmaq deməkdir. Düşüncələr özü siqnalların axınından yaranan prosesli nəticələrdir. Bu nəticələr çox əldə olunduqca uzaqda yerləşən və aydın olmayan obyekt insana daha çox yaxınlaşmağa başlayır. Düşüncə onun obrazını gətirir. Yaxınlaşan obyektin tərkibi düşüncələrin ardıcıllığından açılmağa başlayır. Bu baxımdan da ardıcıl ixtiralar, ardıcıl kəşflər, təkmilləşdirilmələr ardıcıl düşüncələr konstruktiv düşüncələr sayəsində meydana gəlir. İnsan bir şeyi çox düşünəndə onun konstruksiyasını meydana gətirir. Çoxları üçün qəribə olan belə bir fikir də bildirmək olar ki, insan məntiqlə ardıcıl düşünüb təyyarənin (eləcə də digər texniki vasitələrin) içinə bələd olmadan, təyyarə düzəldə bilər, onun sxemini çəkə bilər. İlkin fikirlərdən əldə edilən nəticələr sonrakı fikirlər üçün əsas ola bilər. Hər hansı bir texnikanın təkmil forması elə insanın ardıcıl düşüncələrindən meydana gəlib. Başqa bir sözlə də belə izah edə bilərik ki, insan nəyi kəşf edəcəksə, nəyi qurub yaradacaqsa, həmin şey əvvəlcədən insanın öz içində qərarlaşıb. Fəaliyyətə başlamaq həmin qərarların icrasını yerinə yetirir. İnsan daxilində olmayan şeyi düşünə bilməz. Xəyal edə bilməz. Sadəcə düşüncə istiqamətini götürmək lazımdır. Bu baxımdan istənilən təkmil düşüncəli bir insan ardıcıl olaraq və uzun zaman düşünərək heç kəsə bəlli olmayan nəisə düzəldə bilər, ya da təsvirini qələmə ala bilər. Xəyal özü bir düşüncə məhsuludur. Xəyal elə insanın təkmil və uzaq düşüncələrinin obrazıdır. Xəyal insan düşüncələrinin gələcək obrazıdır, formasıdır. Elm də ardıcıl düşüncələrdən meydana gəlir. Sahələr üzrə düşünən şəxslər başqalarının düşüncələrini oxuyurlar, sonra da təkmilləşdirərək öz düşüncələrini yazırlar. Düşüncələri obyekt edirlər. Düşüncələr bu şəkildə bir-birini tamamlayır. 101 İnsanlar arasında fərq odur ki, kimin üçün bir obyekt daha çox düşünülür və az aşkar olunur. Başqaları üçün isə əksinə olaraq obyekt nisbətən tez aşkar olunur. Bu anda artıq beyinin bioloji tutumu əsas rol oynayır. Eləcə də düşüncə kəmiyyətinin rolu da böyük olur. Çox düşünmüş insanın aşkarlaması tez olur. Çünki hüceyrələr daha aktiv olur. Ardıcıl düşüncə beyin hüceyrələrini aktivləşdirir. Ardıcıl düşüncə beyin üçün daxili orqanların təminatını artırır. Çox düşünmək sayəsində daxili orqanların fəaliyyəti aktivləşir və onlar beyini siqnal ilə təmin etmək üçün aktivləşirlər. Ardıcıl düşünmək qan təzyiqini sürətləndirə bilər ki, dövriyyə orqanizmi təmin edə bilsin. Ardıcıl düşüncə orqanizmdə vitamin qıtlığını yarada bilər. Bu baxımdan da dərinə düşünmə kalorili, vitaminli yeməkləri tələb edir. Ardıcıl düşüncə insanın kimliyini də müəyyən edə bilər. İnsan düşündükcə onun daxilində olan hüceyrələr aktivləşir və bu aktivləşmə sayəsində onlar məlumat “ixrac” edirlər. Bu baxımdan da beyinə informasiya verirlər. Məlumat hüceyrələrin hərəkətindən meydana gəlir. Hüceyrələr aktivləşir, sürətlənir və sürtünmə sayəsində aydınlıq yaranır. Güman edək ki, beyində kiçik hissələrə parçalanır. Bu parçalanma məhz aydınlığın əsasını ortaya qoyur. Məlumat zərrəciklərin sürtünməsindən meydana gələn aşkarlıqdır. Sürtünmə çox olarsa məlumat da çox olar. Bir insan iti düşünür, şərti deyək ki, müəyyən bir piramidanın başını tez görür və əvvəlcədən onu deyir. Digər insan isə bu pik zirvəni görmək üçün çox düşünməli olur. Bu anda düşüncələr fərqi yaranır. Aktiv düşüncəli insan uzağı və hər kəsin görmədiklərini daha tez görür. Düşüncələr zamana və kəmiyyətə, məkana görə fərqlənir. Düşüncələrin sürəti çox olduqda, hədəfi daha tez aşkar edir. Aktiv düşünən insanlar, düşüncə “sahibləri” digərlərinə nisbətən daha iti görürlər, duyurlar. Buradan da nəticələrin tez çıxarılması baş verir. 102 Düşüncələr gücləndikcə obyekt və subyekt arasında enerji ötürülmələri daha sürətlə baş verir. Nəticələr tez əldə olunanda insan da ağıllı və iti məntiqli düşünən hesab olunur. Bir çox hallarda qabağı düşünən insanın fikirləri digərləri üçün annormal hesab olunur. Ona görə ki, aşkarlanmış obyekt hələ digərlərinə çatmır. Qavrama prosesləri çətin olur. Onların baş beyinlərində oyadıcı təsir göstərmir. Öncəgörməlik, uzaqgörənlik də bu məsələdə formalaşır. İti ağıl, yüksək dərrakə məntiqli, sistemli və ardıcıl düşünmədən meydana gəlir. Düşüncə prosesləri uzun olduqda sistemin tərkib elementləri daha da aydınlaşmış olur. Düşüncə adətləri də mövcud olur. Məsələn, hər gün düşünən insan sanki gündəlik məşq edən idmançıya bənzəyir. Düşüncə məşğuliyyətinə mübtəla olur. Düşüncələri ilə özünü gücləndirir. Düşüncələrini məşq etdirir və hüceyrələri aktiv vəziyyətdə saxlayır. Bir məkanda olan aktiv hüceyrə digərini də aktivləşdirir. Silsilə şəkilində oyanma baş verir. Bu baxımdan da ardıcıl düşünən, vərdişli düşünən insanların orqanizmləri sağlam olur. Digər tərəfdən də enerji sərfiyyatı baş verir. İnsanlar itkilərlə üzləşirlər. Bu baxımdan düşüncə fiziki fəaliyyəti də ardıcıl əvəzləməlidir. Çox düşünmək, normanı keçmək isə gücədüşmədir, problemlərin əsasıdır. Ona görə də normada düşünüb, normada fiziki hərəkətdə olmaq lazımdır. Çox düşünən insan daxili aləminə çox qapanır. Çünki, siqnal emalı ilə məşğul olur. Bu əsərdə mən öz düşüncələrimi özümə yönəldirəm. İnsanın fiziki quruluşu özünün obyektidir. Hər kəs özünün həkimi olaraq, özünü tapa bilər. Xəstəliklərinin səbəblərini müəyyən qədər aşkarlaya bilər. Mən bu əsərdə özümü özümə obyekt edərək düşüncələrimi qələmə alıram. Yüklə 2,82 Kb. Dostları ilə paylaş:
|