K. J. Matkarimov b. J. Mahmudov a. A. Norqulov avtomobillarda ishlatiladigan ashyolar
Yüklə 6,9 Mb. Pdf görüntüsü
|
| Transmission moylar tarkibi.
Transmission moylarning ayrim xossalarini yaxshilash va ish muddatini uzaytirish maqsadida ular- ning tarkibiga oksidlanishga qarshi, depressorli (qotish haroratini pasaytirish uchun), yuqori haroratlarda qovushoqligini oshiruvchi, ko‘pik hosil bo‘lishiga to‘sqinlik qiluvchi, yeyilish va tirnalishga qarshi qo‘shilmalar qo‘shiladi. Birinchi guruh moylar tarkibiga ЕФО, ДФ–11 turidagi qo‘shil - malar qo‘shiladi. Bu qo‘shilmalar moyning yemirilishga, shu- ningdek, oksidlanishga qarshi xususiyatlarini yaxshilaydi. Ikkin- chi guruh moylar tarkibiga ОТР yoki ЛЗ–23К turidagi tirnalishga qarshi qo‘shimchalar qo‘shiladi. Uchinchi guruh moylar tarkibiga xlor va fosfor (xloref–40), xlor, oltingugurt va fosfor (ЛЗ–309/2) yoki oltingugurt, fosfor va azot (ВИР–1) bo‘lgan tirnalishga kuch - li qarshilik ko‘rsatuvchi qo‘shilmalar qo‘shiladi. To‘rtinchi guruh moylar tarkibiga ДФ–11 turidagi qo‘shilmalar qo‘shiladi. Beshin - chi guruh moylarni olish uchun esa ularning tarkibiga yemirilishga va tirnalishga qarshi xususiyatlari yuqori bo‘lgan, ko‘p maqsadlar- da ishlatiladigan ВИР–1 qo‘shilmasi yoki ИХП–14А va ДФ–11 qo‘shilmalarining aralashmasidan foydalaniladi. Qovushoqlik qo‘shilmalari sifatida molekular massasi 3000– 5000 bo‘lgan polimerlar (poliizobutilen) yoki polimetakrilat)dan foydalaniladi. Moyning ko‘pirishiga qarshiligini oshirish uchun uning tarkibiga 0,005 foizgacha miqdorda polimetilsiloksanli suyuqlik ПМС–200А qo‘shiladi. Moyning himoyalash xususiyati - ni oshirish uchun unga korroziya ingibitorlari qo‘shiladi. Issiq va mo‘tadil iqlim sharoitlarida barcha mavsumlarda ish- latishga mo‘ljallangan moylarning asosiy qismi moyning fenol 142 yordamida tozalangan ekstratlari yoki parafinning moysizlantirish filtrlariga И–20 yoki И–45 sanoat moylari qo‘shib tayyorlanadi. So‘nggi yillarda bu maqsadda selektiv usulda tozalangan yuqori sifatli moylar (TC–14,5 va boshqalar)dan foydalanilmoqda. Bu moylar distillat aralashmalari ko‘rinishida bo‘lib, ularga turli xil qo‘shilmalar qo‘shilganida hosil bo‘ladigan moyning moylash xu- susiyati va yuqori haroratlardagi turg‘unligi yaxshi bo‘ladi hamda bu moylardan havo harorati minus 30–35°C dan minus 50°C gacha bo‘lganida foydalanish mumkin. Barncha mavsumlarda ishlatiladigan universal transmission moylar hamda gidromexanik va gidrohajmiy uzatmalar uchun moy- lar yuqori tozalikdagi moylarga (ACB–5 turidagi) quyi molekular polimerlar qo‘shib tayyorlanadi. Yüklə 6,9 Mb. Dostları ilə paylaş:
|