96
Folklor
125
illiyi
MART
İslam Qara oğlu Yusifov 1893-cü il
mart ayının 15-də İrəvan quberniyası-
nın Basarkeçər elinin Ağəli kəndində
anadan olmuşdur. Erkən çağlardan bu
sənətə maraq göstərmiş, el şənliklərində
aşıq ifalarının pərəstişkarı olmuşdur.
1916-cı ildə Şəmkirə gələrək aşıq Ço-
ban Hüseynin oğlundan sənətin sirlərini
öyrənmişdir.
20-ci illərdən Bakıda müxtəlif
tədbirlərdə, konsertlərdə, 1928-ci ildə
Azərbaycan aşıqlarının birinci qurulta-
yında iştirak etmişdir.
1934-cü ildə Zaqafqaziya xalq
incəsənəti və birinci Azərbaycan kənd
bədii özfəaliyyət olimpiadalarında
uğurlu çıxışlarına görə Zaqafqaziya
Mərkəzi İcraiyyə Komitəsi tərəfindən
təşəkkürnamə ilə təltif edilmişdir.
Aşıq 1938-ci ildə Moskvada
Azərbaycan ədəbiyyatı və incəsənəti
ongünlüyünün də iştirakçısı olmuş,
1939-cu ildə Moskva Ümumittifaq
Kənd Təsərrüfatı Sərgisinin açılışında
çıxış etmişdir.
Onun təşəbbüsü ilə 1937-ci ildə
Gəncədə aşıqlar ansamblı yaradıl-
mışdr. Ansamblın ifası üçün Aşıq
İslam
“Qəmərcan”,
“Yaşa-yaşa,
Azərbaycan” və s. bir çox mahnı-
lar yazmışdır. Dahi bəstəkar Üze-
yir Hacıbəyli onun bu təşəbbüsünü
yüksək qiymətləndirmişdir.
Aşıq İslam qəhrəmanlıq və
məhəbbət dastanlarımızın ən yaxşı
ifaçılarından olmuşdur. 20-dən artıq
dastan bilən sənətkarın el şənliklərində
ən çox söylədiyi isə “Koroğlu”, “Şah
İsmayıl və Gülzar”, “Aşıq Valeh və
Zərnigar”, “Aşıq Qərib və Şahsənəm”
dastanları olmuşdur. Respublika xalq
yaradıcılığı evinin 1957-ci ildə burax-
dığı “Aşıqlar” kitabında Aşıq İslamın
şeirləri də çap edilmişdir.
Tanınmış türk şairi Nazim Hikmət
1960-cı ildə Gəncədə qonaq olarkən
onu qarşılayanlardan biri də Aşıq İs-
lam olmuşdur. Aşıq sədəfli sazı ilə şa-
irin qarşısında “Ürfani” havasını ifa
etmişdir. Böyük Vətən müharibəsi
illərində Aşıq İslam dəfələrlə cəbhədə
əsgərlərin qarşısında çıxış etmişdir. On-
ları qəhrəmanlığa ruhlandıran mahnılar
oxumuşdur.
Aşığın yaradıcılığında ictimai motiv-
li şeirlər üstünlük təşkil edir. Şeirlərinin
bir qismini Nizami Gəncəvi, Aşıq
Ələsgər, Üzeyir Hacıbəyli, Səməd Vur-
ğun, Qurban Pirimov kimi sənətkarlara
həsr etmişdir. O, eyni zamanda dövrü-
nün tanınmış aşıqları haqqında araşdır-
malar aparmış, yaradıcılıqlarını təbliğ
etmişdir (Aşıq Ələsgər, Növrəs İman,
Aşıq Hüseyn, Aşıq Çoban, Aşıq Dövlət
və başqaları). Aşıq İslamın şəxsi fondun-
da saxlanılan materiallar saz sənətinin
dərindən öyrənilməsi və tədqiq edilməsi
üçün qiymətli mənbədir.
Görkəmli sənətkarın aşıq sənəti-
nin inkişafında əməyi yüksək qiymət-
ləndirilmiş, o, 1940-cı ildə “Əməkdar
incəsənət xadimi” fəxri adına layiq gö-
rülmüşdür. 1959-cu ildə “Qırmızı Əmək
Bayrağı” ordeni ilə təltif edilmişdir.
Azərbaycan Yazıçılar Birliyinin üzvü
olmuşdur.
Aşıq İslam 1968-ci il dekabr ayının
7-də vəfat etmişdir.
Ə d ə b i y y a t
Aslan, Q. Söz sərrafı
/Q.Aslan //Respublika.-
2013.- 11 iyul.- S. 7.
Aşıq İslam //Azərbaycan
Milli Ensiklopediyası.- Bakı,
2010.- C.2.- S.191.
Aşıq sənətinin ustad İslamı
//Ozan dünyası.-2013.- №
1.- S.117.
Fərəcov, S. “Könül arzu-
ladı, gəldim Göyçəyə...”
/S.Fərəcov //Mədəniyyət.-
2016.- 18 mart.- S.15.
Vahid, T. Aşıq sənətinin
ustad İslamı /T.Vahid
//Mədəniyyət.- 2013.- 6
mart.- S.4.
İ n t e r n e t d ə
http://www.anl.az/down/
meqale/medeniyyet/2016/
mart/482109.htm
http://www.anl.az/down/
meqale/medeniyyet/2013/
mart/297636.htm
http://anl.az/down/meqale/
medeniyyet/medeniyyet_
fevral2009/69916.htm
Aşıq-şair
Aşıq İslam
1893-1968
15
97
Folklor
125
illiyi
MART
Şəmşir Qurban oğlu Qocayev (Aşıq
Şəmşir) 1893-cü il mart ayının 15-də
Yelizavetpol quberniyasının Cavanşir
qəzasının (indiki Kəlbəcər rayonu)
Dəmirçidam kəndində anadan olmuş-
dur. İlk tərbiyəçisi və ustadı atası Aşıq
Qurban və Aşıq Ələsgər olmuşdur.
1907-ci ildə ailəsi Ağdaban
kəndinə köçmüşdür. 1914-cü ildə saz
sənəti aləminə gəlmiş, müstəqil aşıq-
lığa başlamışdır. 1920-ci ildə Qamış-
lı kəndində yeddiillik məktəbi biti-
rib, kənd sovetində katib işləmişdir.
Sənətkar ailəsində doğulan Şəmşir çox
keçmədən el yığıncaqlarında tanınma-
ğa başlamışdır.
Miskin Abdal nəslinin davamçısı
olan Dədə Şəmşiri bütün Azərbaycana
daha yaxından tanıdan böyük Səməd
Vurğun olmuşdur. İstisu yaylaqlarında
istirahət edən görkəmli şair günlərin
birində özünəməxsus səsi, sözü və
çalğısı olan bir ozanla - Aşıq Şəmşirlə
tanış olmuş və ona məşhur qoşmasını
həsr etmişdir.
Dədə Şəmşir qələmə aldığı qoşma,
gəraylı, təcnis, divani, bayatı, rübai,
qəzəl və müxəmməslərlə Kəlbəcər
ədəbi mühitini, eləcə də yazılı və şifahi
poeziyamızın ən önəmli nümunələrini
ustalıqla mənimsəyən söz sənətkarı
kimi öz məktəbini yaratmışdır. Onun
40-dan artıq şəyirdi olmuş, Aşıq Qar-
daşxanın, Qəmkeş Allahverdinin,
Aşıq Xalıqverdinin və bu gün çox-
larının yaxşı tanıdığı onlarla saz-söz
sənətkarlarının
yetkinləşməsində,
kamilləşməsində
Aşıq
Şəmşir
məktəbinin əvəzsiz rolu olmuşdur.
Bu məktəb təkcə aşıq sənətinə de-
yil, ümumən saz-söz sənətinə təsir
göstərməklə Bəhmən Vətənoğlu,
Sücaət kimi şairlərin yetişməsinə mün-
bit zəmin yaratmışdır.
Aşıq Şəmşirin qeyri-adi səsi və
çalğısı, saz-söz sərrafı olması tək
Kəlbəcər ellərində deyil, bütün
Azərbaycanda yüksək dəyərləndirilir,
ustad sənətkarın orijinal ifaçılığı və
şairliyi heç kəslə müqayisə edilmirdi.
İlk dəfə musiqişünas Əminə El-
darova Aşıq Şəmşirin ifasında 75
aşıq havasını lentə köçürmüşdür. İndi
Azərbaycan Dövlət Radiosunun qızıl
fondunda mühafizə olunan bəzi lent
yazıları aşığın Əminə xanım tərəfindən
1958-ci ildə yazılan saz havalarıdır.
1938-ci ildə Azərbaycan aşıqları-
nın II qurultayında iştirak etmişdir.
İlk mətbu qoşması “Aşığın səsi” adlı
şeirlər toplusunda çap olunmuşdur.
Xidmətlərinə görə şair, “Şərəf Ni-
şanı” ordeni, “1941-1945-ci illərdə
Böyük Vətən müharibəsində fədakar
əməyə görə” medalı ilə təltif edilmiş,
1957-ci ildə Azərbaycanın “Əməkdar
incəsənət xadimi” fəxri adına layiq gö-
rülmüşdür.
Aşıq Şəmşir 1980-ci il fevral ayının
10-da vəfat etmişdir.
Aşığın Ağdaban kəndindəki evi
ermənilər tərəfindən talan edilmişdir.
Ə d ə b i y y a t
Seçilmiş əsərləri /Aşıq
Şəmşir; köçürən Dr. Hüseyn
Şərgi (Soytürk).- Tehran:
Negmeye Zendegi, 2008.-
387 s.
Dədə Şəmşir yaddaşlarda:
[xatirələr] /topl. tərt. ed.
Q.Şəmşiroğlu; red. və ön
söz. müəl. F.Ramazanoğlu.-
Bakı: Gənclik, 2000.- 360 s.
O Kürün, Arazın Tərtəriyəm
mən /Aşıq Şəmşir; tərt. ed.
Q.Şəmşiroğlu; red. M.Aslan;
rəssam Y.Əsədov.- Bakı:
[Sabah], 2004.- 510 s.
Şəmşiroğlu, Q. Axtarıb
Şəmşiri görmək istəsən...:
xatirələr /Q.Şəmşirli; tərt.
ed., red. və ön söz. müəl.
F.Ramazanoğlu.- Bakı:
Adiloğlu, 2003.- 158 s.
Aşıq Şəmşir //Azərbaycan
aşıq şeirindən seçmələr: 2
cilddə.- Bakı, 2005.- C.2.-
S.212-229.
Nəbioğlu, M. Aşıq Şəmşir
//Musa Nəbioğlu. Ozan-aşıq
dünyası.- Bakı, 2010.- S.23.
Aşıq-şair
Aşıq Şəmşir
1893-1980
15