Kbt я25 uot (059) Baş redaktor
Yüklə 56,21 Mb. Pdf görüntüsü
|
- Bu səhifədəki naviqasiya:
- Ə d ə b i y y a t
100 110 illiyi Salam Salamzadə 1908-1997 Salam Əbdülqasım oğlu Salamzadə 1908-ci il mart ayının 7-də Bakıda anadan olmuşdur. 1925-1929-cu illərdə Azərbaycan Dövlət Rəssamlıq Texnikumunda təhsil almışdır. 1932-ci ildə Azərbaycan Pe- daqoji İnstitutunu bitirmişdir. Yaradıcılığının erkən dövründə əsasən tematik tablolar çəkmiş (“Sap sexi”, 1930; “MTS-in açılışı” 1932; “Gəncə toxuculuq fabrikində”; “Kom- somolçular iş vaxtı”; 1930), sonralar portret ustası kimi məşhurlaşmışdır. İlk dəfə onun rəsm işləri 1932-1933- cü illərdə Moskva şəhərində keçirilən Azərbaycan rəssamlarının əsərlərindən ibarət sərgilərdə nümayiş etdirilmiş- dir. Nümayiş olunan işlərdə Salam Salamzadə Azərbaycan xalqının tarixi keçmişini, əmək qabaqcıllarının ob- razlarını əks etdirmişdir. O, Azərbaycan təbiəti və məişət səhnələri təsvir olunan tematik tablola- rın, portret və mənzərələrin müəllifidir. (Günəş altında 1958; “N.Nərimanovun portreti”, 1958; “Sovxoz çölləri”, 1959; “Suya gedən qadınlar” 1968; “Çay plantasiyası”, 1970; “Rezervuar- lar”, 1976; “Lənkəran çaybecərənləri”, 1977; “Toya gedənlər”, 1982; “S.A.Orucovun portreti”, 1979-82) və S. Dəfələrlə Yaxın və Orta Şərq ölkələrində (Misir, İraq, Liviya və s.) olmuş, bu ölkələrin həyatını və təbiətini təsvir edən tablolar yaratmışdır (“Ərəb ölkələrində” silsiləsi, 1961-70). Dünyanın bir sıra şəhərlərində fərdi sərgiləri nümayiş etdirilmişdir. Əsərləri R.Mustafayev ad. Azərbaycan Dövlət İncəsənət Muzeyində, Azərbaycan Dövlət Şəkil Qalereyasında və s. muzeylərdə saxlanılır. Xidmətləri yüksək qiymətləndiril- miş, 1940-cı ildə Azərbaycan Respub- likasının “Əməkdar incəsənət xadi- mi”, 1982-ci ildə “Xalq rəssamı” fəxri adlarına layiq görülmüşdür. 1974-cü ildə Nasir adına Beynəlxalq mükafatı laureatı olmuş, “Şərəf nişanı” ordeni və bir sıra medallarla təltif edilmişdir. Salam Salamzadə 1997-ci ildə Bakı şəhərində vəfat etmişdir.
101 95 illiyi Nəcəfqulu İsmayılov 1923-1990 MART Əbdülrəhim oğlu İsmayılov 1923-cü il mart ayının 15-də Bakıda anadan olmuşdur. 1940-cı ildə Azərbaycan Dövlət Rəssamlıq Texni- kumunu bitirmişdir. İlk yaddaqalan əsərləri ilə artıq 1940-cı ildən etibarən sənətə gələn N.İsmayılov daima sənət yollarında ax- tarışda olmuş, novatorluğu ilə seçilmiş- dir. Yaradıcılığının ilk illəri müharibə dövrünə təsadüf etdiyindən, dövrünün digər rəssam həmkarları kimi müharibə mövzusuna həsr edilmiş tablolar ya- ratmışdır. “Ana”, “Həzi Aslanov”, “A.Quliyev” portretləri bu qəbildəndir. Onun dəzgah rəngkarlığının portret, süjetli tablo və natürmort janrlarında çox uğurlu əsərləri mövcuddur. Rəssamın yaradıcılığında portret janrı xüsusi yer tutur. “Qubalı Fətəli xan”, “General H.Aslanov”, “Sara Aşurbəyli”, “Şair M.Ə.Möcüz”, “Yazıçı A.Şaiq”, “Ana”, “Yazıçı Cəlil Məmmədquluzadə”, “Şair S.Vurğun”, “Akademik M.Hüseynov”, “S.Bəhlulzadə”,“Ü.Hacıbəyli”, “Nəsi- rəddin Tusi” və digər portretləri buna misal ola bilər. Nəcəfqulu İsmayılovun süjetli tablo və mənzərə əsərlərindən “Nəsiminin edamı”, “Qrand-opera”, “İçərişəhərdə küçə”, “Səadət”,“Realist rəssam” və başqaları da maraqla qarşıla- nan əsərləri sırasına daxildir. Nəcəfqulu İsmayılov 1970-1982-ci illərdə
Məhəmməd Füzulinin, Sabirin, Üzeyir Hacıbəylinin misdən barelyeflərini ya- ratmışdır. Rəngkar, portret ustası, qrafik, ka- rikaturaçı kimi yaddaşlara həkk olun- muş görkəmli sənətkar, dostluq şarjları, barelyeflər, qalvanika, qalvanoplastika sahəsində də özünü sınamışdır. N.İsmayılovun qrafika sahəsindəki fəaliyyəti də təqdirəlayiqdir. Onun C.Məmmədquluzadənin məşhur
“Ölülər” əsərinin personajlarını əks etdirən qrafik illüstrasiyaları - Qurbanəli bəy, Usta Zeynal, M.Ə.Sabirin “Hophopnamə”sinə çəkdiyi dörd il- lüstrasiya, “Köhnə Bakı” qrafik albo- mu, “Köhnə Bakının tipləri”, “Sabir və onun tipləri” qrafik illüstrasiyaları və başqalarını qeyd etmək olar. Tuş və quaşla işlənmiş bu qrafik illüstrasiyalar rəssamın bədii yaradıcılığını çox geniş şəkildə nümayiş etdirmişdir. Daim axtarışda olan rəssam Nəcəfqulu İsmayılov Azərbaycan mil- li mədəniyyətinə, bu mədəniyyətin atributlarından olan milli geyimlərə xüsusi qayğı və diqqətlə yanaşmış və “Azərbaycan geyimləri (tiplər)” jurna- lını yaratmışdır. 1963-cü ildə “Əməkdar incəsənət xadimi” fəxri adına layiq görülmüş- dür. Əsərləri ADR, Kanada, Livan və s. ölkələrdəki sovet sərgilərində nümayiş etdirilmişdir. Nəcəfqulu İsmayılov 1990-cı ildə vəfat etmişdir.
Yüklə 56,21 Mb. Dostları ilə paylaş:
|