Salatın Əhmədli
65
- Hə, əmiqızı, mən getdim, sağ ol. - Sonra da
Naridənin oğluna baxdı.
Nəsə demək istədi, yenə özünü saxladı, heç nə
demədi.
…Şəhərə gələndə həmişə onu yoxlayan əyalət
şairindən Naridənin, Nuridənin əhvalını soruşardı.
Nuridəyə baxanda Naridənin dolanışığı yaxşı deyildi.
Elə indi Naridənin oğlunun əyin-başı, görkəmi Nuri-
dənin oğlanlarından xeyli fərqlənirdi.
Ağır-ağır darvazaya tərəf getdi. Elə bil ki, nəsə
onu getməyə qoymurdu. O buraya niyə gəlmişdi? Nə-
dən ötrü gəlmişdi? Məqsədini açmamış, deməmiş
qapıdan çıxmaq ona ağır gəlirdi. Dünya malı onun
üçün heç nə idi. Bu əyalətə onu bağlayan əmisi qızları,
onların övladları nə düşünəcəkdi? Yox, bəlkə, qayıdıb
məqsədini açsın…
Bu vaxt Naridənin oğlu dilləndi: - Necə getməsin,
bir gün şəhərdən ayrılar, milyonları batar.
- Yox, bacı oğlu, mənim milyonum batmaz.
Çünki mənim milyonum yoxdur ki, batsın da. Amma
siz
buralardan
ayrılmayın.
Alış-verişinizdə
də
möhkəm olun. Yəqin xalan oğlanları sənə də dayaq
durar.
Salatın Əhmədli
66
- Daha neyləyək, yiyə duran dayımız yoxdur ki?!
- Xalanız ki, var.
Bir az kənarda dayanan Nuridə yaxına gəldi:
- Naridə ilə də görüşmədin.
- Narahat qalma, əmiqızı, mən görüş payımı
götürdüm.
- Hə, əmioğlu, heç demədin axı, niyə gəlmişdin?
- Elə sizi görməyə gəlmişdim. Naridəyə də
«salam» deyərsən.
…Gecədən xeyli keçmiş Ənvər evinə çatdı. Sakit
onun evində idi. Qapını o açdı. Ənvər quruyub qapının
çölündə qalmışdı. Qapının üstündə asılmış lampadan
düşən işıqda onun sifəti bir az da avazımış görünürdü.
Onsuz da halı özündə deyildi. Sakit onun qolundan
yapışıb evə apardı.
- Müəllim, sizə nə olub?
- Heç, bir az su ver.
Sakit su verdi. Ənvərin halı getdikcə pisləşirdi.
Sakit zəng edib «Təcili yardım» çağırdı. Həkimlər
gəldilər, təzyiqini ölçüb iynə vurdular. «İndi
tərpətmək olmaz, uzansın, səhər açılan kimi mütləq
xəstəxanaya aparmaq lazım
dır», - dedilər.
Salatın Əhmədli
67
Ənvər tibb işçiləri çıxandan sonra baxışlarıyla
Sakiti yaxına çağırdı:
- Orda mənim axırıncı əlyazmalarımın yığıldığı
qovluq var, onu bura gətir. Özü ilə gətirdiyi yol çanta-
sını göstərdi.
Sakit qovluğu gətirdi.
- Aç, - Ənvər Sakitə işarə elədi.
Sakit qovluğu açdı və lap üstə qoyulmuş yazılı
bir vərəq göründü. Ənvər işarə ilə onu istədi. Sakitin
nəzərləri vərəqə dikildi. İri hərflərlə başdan yazılmışdı
«Vəsiyyətnamə». Çox səliqəli (Ənvərin yaxşı xətti
vardı) yazılmış vəsiyyətnamənin ağ yerinə Ənvər
cibindən çıxardığı qələmlə Sakitin adını və soyadını
boş qalmış ünvan yerinə yazdı.
- Ay oğul, bu ev də, mənim kitabxanam da –
hamısı sənə çatacaq. Başqa heç nəyim yoxdur. Ancaq
bir vəsiyyətim var: Vaxtında evlən.
Sakitin gözləri doldu. Üzünü yana çevirdi.
Təzədən müəlliminə tərəf baxanda onun gözlərini
tavanda naməlum bir noqtəyə zilləndiyini gördü.
Salatın Əhmədli
68
«SAÇLARINI NİYƏ KƏSDİRMİSƏN?..»
Yazın ilk günləri idi, havanın soyuğu çəkil-
məmişdi. Şimaldan əsən soyuq külək adamın iliyinə
işləyirdi. Yaz günəşinin soyuq küləklərdən keçib bizə
çatan ilıq şüaları da bu soyuğun təsirini azalda
bilmirdi. Üzü şimala tərəf olan dağların başındakı qar
hələ də əriyib qurtarmamışdı. Nəinki əriyib qurtarma-
mışdı, hələ təzəlikcə üstünə qar da yağmışdı. Əslində,
havanı isinməyə qoymayan elə dağların başındakı
qarın göndərdiyi soyuq idi. Doqquzuncu sinfin
şagirdlərinə tapşırmışdım ki, ayın ikisində Şəhidlər
xiyabanının qarşısına yığışsınlar. Kəlbəcərin işğalının
anım günü şəhidlərin məzarını ziyarət edəcəkdik.
Şəhidlər xiyabanına yaxın avtobusdan düşəndə kiçik
meydançanın bir tərəfinə toplaşmış şagirdlərimi
gördüm. Gözəyarı baxdım, hamı burada idi. Nərgiz,
Qərənfil, Lalə, Kamil, İsa…Yusiflə Nübarı görmə-
dim. Uşaqlarla görüşüb:
- Hamı gəlibmi? Bəs kim gəlməyib?–deyə soruş-
dum.
Salatın Əhmədli
69
- Yusiflə Nübar gəlməyib, onlar da indilərdə gəl-
məlidirlər,-uşaqlar cavab verdilər.
Mən şagirdlərimin hamısını ətrafımda görəndə
çox sevindim. Beş ildir ki, onların sinif rəhbəriyəm.
Gözlərimin qabağında böyüyürlər. İndiyəcən elə də bir
fərq hiss eləmirdim. Mənim üçün onlar beşinci sinifdə
qəbul elədiyim balaca uşaqlardır. Amma yox, deyəsən,
bu il özlərini bir qədər qəribə aparırlar. Oğlanların bığ
yeri tərləyib. Qızlar da çiçəyi çırtlamış çəmən kimi
gözəlliklərilə göz oxşayırlar. Özləri də bir qədər
utancaq olublar.
Bilirəm ki, bu yeniyetmələrin indiki çağları çox
romantik olur. Həm də elə həssasdırlar ki, bir balaca
ögeylik görsələr, bulud kimi tutulurlar. Amma
mənimlə çox asanlıqla ünsiyyət qururlar. Hansının bir
nigarançılığı olsa, bir qədər çəkinə-çəkinə mənə yax-
ınlaşır, fikirlərini bölüşürlər. Vaxtım olanda onların
evlərinə də gedirəm. Valideynlərilə, xüsusilə, qızların
anaları, oğlanların atalarıyla görüşür, uşaqlarla bağlı
problemləri müzakirə edirəm. Müəllim yoldaşlarımın
bəzilərinə mənim belə münasibətim qəribə gəlir:
-Sən uşaqlara çox can yandırırsan. Onların
yolunda dəridən-qabıqdan çıxırsan, - deyənlər də olur.
Salatın Əhmədli
70
-Bəs necə, onlar da mənim övladlarımdır. Mən
onlarla fəxr edirəm.
-Məktəbi bitirincədir, hərəsi bir tərəfə gedəcək.
Elə dağılışacaqlar ki, heç izlərini, tozlarını da gör-
məyəcəksən.
Bəlkə,
yolda
qarşılaşsan,
salam
verməyəni də tapılacaq..
-Biz ancaq onların sağlığını istəyirik. İstəyirik ki,
ağıllı uşaqlar kimi böyüsünlər, Vətənin layiqli
övladları olsunlar, yaxşı soraqları gəlsin. Mənə elə
bircə bu lazımdır. Mənim onlara can yandırmaq
istəyim içimdən gəlir.
Əlbəttə, belə söhbətlər elə də təsiredici deyil. Şa-
girdlərimi görən kimi hər şey yadımdan çıxır, onları
ömür bağımın gülləri hesab edirəm. Mənim bağımın,
bağçamın çiçəkləri, gülləri onlardır. Tez-tez evimə gə-
lirlər, dərslərinə yardımçı oluram, çətinlik çəkənlərə
istiqamət verirəm. Beləcə, günlərim, müəllimlik
həyatım məni yaşadır.
...Şagirdlərimin arasında fərq qoymasam da, hər
dəfə Yusifi görəndə gənclik xatirələrim baş qaldırırdı.
Kədərqarışıq ovqatla elə uşaqların indiki yaşında oldu-
ğum günlərimi xatırlayıram...
Dostları ilə paylaş: |