Ko‘rsatkichli va logarifmik tenglama va tengsizliklar

Mavzu: Respublikamizda o'zbek tilini davlat tili sifatidagi nufuzini oshirish bo'yicha qilinayotgan ishlar.

O‘zbekiston Respublikasi Qishloq xo‘jaligi vazirligi tizimida o‘zbek tilining davlat tili sifatidagi nufuzi va mavqeini oshirish masalalariga alohida eʼtibor qaratilmoqda.

2022-yil 27-may kuni Toshkent davlat agrar universitetida vazirlik tizimida davlat tili to‘g‘risidagi qonunchilik hujjatlari ijrosini ta’minlash mavzusiga bag‘ishlangan onlayn yig‘ilish ZOOM platformasi orqali o‘tkazildi.
Unda ma’muriy binolar peshlavhalari va boshqa ko‘rsatkichlardagi yozuvlarning davlat tilida (lotin yozuviga asoslangan o‘zbek alifbosida) ifodalanishini ta’minlash hamda tashqi yozuvlar, e’lonlar va boshqa turdagi ko‘rgazmali targ‘ibot vositalarining davlat tili to‘g‘risidagi qonunchilik talablariga rioya etilishi choralarini ko‘rish masalalari muhokama qilindi.
Maqsad O‘zbekiston Respublikasi Bosh vaziri tomonidan tasdiqlangan “O‘zbek tilining davlat tili sifatidagi nufuzi va mavqeini tubdan oshirish bo‘yicha chora-tadbirlar dasturi” hamda 2022-yil 18-maydagi ko‘rsatmasida belgilangan topshiriqlarning vazirlik tizimida ijrosini tashkil va ta’min etishdan iborat.
Dunyo tamaddunida millatning o‘zligini, xalqning takomil darajasini belgilovchi muhim omillaridan biri – til hisoblanadi. Ona tilining rivoji, unda yaratilgan osori-atiqalar, ma'naviy merosning ko‘lamiga hamda ona tilini o‘rganish, tahlil etish ko‘nikmasining shakllanishiga qarab millatga baho beriladi.
1989-yil 21-oktyabr sanasida “Davlat tili to‘g‘risida”gi Qonunning qabul qilinishi davlatchiligimiz tarixida haqiqiy ma'naviy jasorat va fidoyilik namunasi bo‘lgan desam, adashmayman. Chunki bu O‘zbekistonning davlat mustaqilligi sari tashlagan ilk qadamidir. O‘zbekiston Respublikasining davlat mustaqilligi ayni shu tilda e'lon qilindi. Bosh qomusimiz – Konstitusiya o‘zbek tilida yaratildi, Davlat madhiyasi jahon bo‘ylab jaranglamoqda, 120 dan ziyod millat vakillarining bir osmon ostida tinch, osoyishta, ahil yashashiga imkon yaratildi.
Davlat tili borasidagi islohotlarning mantiqiy davomi sifatida O‘zbekiston Respublikasi Prezidentining 2019-yil 21-oktyabrdagi “O‘zbek tilining davlat tili sifatidagi nufuzi va mavqeini tubdan oshirish chora-tadbirlari to‘g‘risida”gi PF-5850-son farmoniga muvofiq, O‘zbekiston Respublikasi Vazirlar Mahkamasi tuzilmasida Davlat tilini rivojlantirish departamenti tashkil etilganligi, o‘zbek tilining xalqimiz ijtimoiy hayotida va xalqaro miqyosdagi obro‘-e'tiborini tubdan oshirish, unib-o‘sib kelayotgan yoshlarimizni vatanparvarlik, milliy an'ana va qadriyatlarga sadoqat, ulug‘ ajdodlarimizning boy merosiga vorislik ruhida tarbiyalash, mamlakatimizda davlat tilini to‘laqonli joriy etishni ta'minlashga xizmat qiladi.
O‘zbekiston Respublikasi Vazirlar Mahkamasining Davlat tilini rivojlantirish departamenti tashabbusi bilan O‘zbekiston Respublikasi Prezidentining 2019-yil 21-oktyabrdagi “O‘zbek tilining davlat tili sifatidagi nufuzi va mavqeini tubdan oshirish chora-tadbirlari to‘g‘risida”gi PF-5850-son farmonida belgilangan vazifalar ijrosini ta'minlash maqsadida Vazirlar Mahkamasining 2020-yil 20-yanvardagi “Mamlakatda davlat tilida ish yuritishni samarali tashkil qilish chora-tadbirlari to‘g‘risida”gi 34-son qarori qabul qilindi. Mazkur qaror asosida boshqa vazirlik va idoralar qatori bevosita O‘zbekiston Respublikasi Jismoniy tarbiya va sport vazirligi tashkiliy tuzilmasida ham vazirning ma'naviy-ma'rifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini ta'minlash masalalari bo‘yicha maslahatchisi lavozimi joriy etildi.
Bu, o‘z navbatida, har bir soha kabi jismoniy tarbiya va sport sohasida ham o‘zbek tilining davlat tili sifatidagi nufuzini yanada oshirish, vazirlik hamda vazirlik tizimidagi tashkilot va muassasalar ish yurituvida bo‘lgan barcha me'yoriy hujjatlar davlat tilida rasmiylashtirilishini ta'minlash, barcha tashqi yozuvlar, shu jumladan lavhalar, e'lonlar, reklama materiallarining davlat tili haqidagi, geografik obyektlarning nomlari va reklama to‘g‘risidagi qonun hujjatlariga muvofiq bo‘lishiga erishish, shuningdek, malakali mutaxassislar, tilshunos olimlarni jalb etgan holda, turli davra suhbatlari va seminarlar o‘tkazib borilishida muhim ahamiyat kasb etadi.
Davlat tomonidan sportga bo‘lgan alohida e'tibor hamda mamlakatimizning barcha hududlarida zamonaviy sport infratuzilmasining yaratilayotganligi natijasida, bugungi kunda aksariyat aholimiz sport bilan shug‘ullanishni o‘z hayot tarziga aylantirmoqda, qolaversa, farzandlarining sport bilan shug‘ullanishlari uchun qulay shart-sharoitlar yaratib bermoqda.