262
Aşıq Cunun əyağə durub bazurganbaşıya bircə kərəm
səlam verdi.
Bazurganbaşı əleyk alub dedi:
– Ay aşıq, burda niyə durmuşay?
Aşıq bina
elədi ağlamağa. Bazurganun ürəgi yanub dedi:
– Ay aşıq, niyə ağluray?
Aşıq dedi:
– Ay bazurganbaşı, mənim bu qocaluq çaqumda dörd mərəz
mənə üz verüb. Hamı bir-birindən dərdli.
Bazurganbaşı dedi:
– Dərdün nəmədür?
Aşıq çögürun zilü-bəmin tutub görək nəmə deyir:
Sənə deyüm, xan bazurgan,
Dərdim başumdan aşubdur.
Bu məhəldə qocalmuşam,
Ürəgim başı şişibdür.
Cəvan ömrim gedüb bada,
Qocalmuşam bu arada,
Giriftaram bu dünyada,
Dərdü-qəmim qaruşubdur.
Bazurgan dedi:
– Mən qorxuram sənün şərün məni duta.
Aşıq Cunun dedi:
Məni səvar elə ata,
Ya Türkmənə, ya Kəlata,
Ya Ruma, ya ki, Kəlata,
Apar çatmaz xətər sənə.
Mənəm həqiqət aşığı,
Məclislərün yaraşuğı,
Abbasun qəlbi, işığı,
Dua oxur səhər sənə.
Söz təmam olub, bazurganbaşı baxub tanudi, dedi:
PDF created with pdfFactory Pro trial version
www.pdffactory.com
263
– Ay aşıq, sən Koroğlı aşıqlarundı. Mən bilmərəm sənə nə olub
ki, qaçuray və mən də səni nə unvan aparum. Səhər Koroğlı baş
tapa, mənim ruzgarımı qara edər. Haala bilmərəm nə çarə edəm.
Aşıq Cunun dedi:
– Ay sodagər, qulaq ver, ta deyüm:
Bulbul azad olan vəxtə qəfəsdən,
Qənat vurur yetə öz məhəlinə.
Bu məhəldən mən qaçaram,
Canü-başumdan keçərəm,
Qanat çağatsam uçaram,
Yolum buradan düşübdür.
Aşıq Cunun edər havar,
Başunda şuru-qouğa var,
Məni səvar
edüb apar,
Nəfi sənə yetişübdür.
Söz təmam oldı, dedi:
– Ay sodagər, məni sən aparmasay, xülasə, ticarətün zər edər.
Bazurgan dedi:
– Hara aparum səni?
Aşıq dedi:
Sənə deyüm, xan sodagər,
Mübarəkdür səfər sənə.
Məni özünlə sən apar,
Faydası çox yetər sənə.
Yükü-barun
hamı qumac,
Gəl eylə dərdimə əlac,
Sən elə rəfi
-ehtiyac,
Xudam edər nəzər sənə.
Hacılar gidərlər Haca,
Vəli baxmazlar muhtaca,
PDF created with pdfFactory Pro trial version
www.pdffactory.com
264
Mən eylərəm çox iltica,
Duam edər əsər sənə.
Xurd–xabi həram edər özinə,
Əli çata əqvamuna, elinə,
Mən aşıqəm, bu dünyada yox malum,
Sənə qurban olsun, qocalan canum,
Koroğlı qorxusı pozub əhvalum,
Özüm vurmuşam xuda çölünə.
Xudam yetirübdür bu saət səni,
Az qalub aluşa ömrim xərməni,
Görükər Koroğlı öldürür məni,
Ləşim salur Çəmlıbelün çölünə.
Qorxusundan bilməm günüz-gecəni,
Gözüm görməz çala ilə ucanı,
Türkəmənə yetür məni-qocanı,
Yetür məni Türkəmənin elinə.
Söz təmam olub, dedi:
– Ay sodagər, məni sən apar, bu qədər olsun çatum Türkməndə
Qəşqayi-Türkmən şəhərinə. Daha Koroğlı ora gələ bilməz. Vəli,
həft taq Süleymanə gəldim, gəlür məni tapar öldürür.
Bazurganbaşunun ürəgi yanub, aşığı dəsturdı. Yetim çarvadar-
lar götürüb atublar bir danə qaturun yügü üstünə. Mal-heyvanı
bina eylədilər sürmağa. Dedi:
– Ay aşıq, biz səni aparak, ta görək sənün şərün bizi nə vəxt dutsun?
Xülasə, bina eylədilər gidməgə. Gəl sənə kimdən xəbər verüm,
Çəmlıbeldən. Koroğlı gecə aşığı məclisdən qovub, qonaqlar dedilər:
– Koroğlı, bu aşığa səhər bir kuşmal vergünən
ki, laəqəl ömrün-
də olsun.
Xülasə, o gecə Koroğlıya, məclisdəki qonaqlara çox bərzəx
olub və əmma səhər tezdən gün çalub, genə yeddi min dəlilər yığı-
PDF created with pdfFactory Pro trial version
www.pdffactory.com
265
lub gəlüb. Məclis quruldı, qonaqlar ilə məşqul olub yemağ-içmağa.
Koroğlı dedi:
– Gedün, Aşıq Cununa deyün gəlsün məclisə.
Bir nəfər gedüb gördi aşığun otağunda heç kəs yoxdur. Aşıq
çögurün götürüb gedübdür. Xülasə, hər yandan aşıq soruşub, heç
kəs bilmədi. Gəlüb Koroğlıya ərz elədi:
– Aşıq bilməm hara gedüb. Otağunda heç kəs yoxdur və həmişə özi
otağda olmasaydı çögürü olirdu. Vəli, nə özi var, nə çögürü.
Koroğlı dedi:
– Hətmən mənim abrum gidər.
Çün o zəman hər kəs məclis qurseydi, bir danə aşıq tapardı ki, o
məclisdə çala və hər kəs tapa bilmidi, böyük eybdi. Xülasə, Ko-
roğlı dəliləri çağurub dedi:
– Görün, bu nanəcib aşıq hara gidi, onı gətürün.
Dəlilər hamusı Çəmlıbeli dolanub, tapulmadı. Bir nəfər nigah-
banlardan dedi:
– Gecənün vəxti mən aşığı gördüm. Çögürun salub çiyninə,
qərə Sıldırımdaş qalaya tərəf gedərdi.
Dəlilər gəliblər bu xəbəri Koroğlıya verdilər. Koroğlı dedi:
– Gedün, dolanun, görün harda bərkünüb.
Dəlilər gəldilər Qərədaş qala yolunda gördülər bir adam izi
burdan Sıldırımdaş qalaya tərəf gedüb. Xülasə, o iz ilə gəlüblər
Sıldırımdaş qaladan keçüb Qərətikanluqdan və sıldırım qəyələrdən
keçüb izi götürdülər, ta Ərzurum caddəsində itürdülər. Əmma
baxub gördülər bu caddə ilən tazə bazurgan yabu-qatır ilə keçub.
Yolda çox at və qatur izi vardur. Dedilər, aşıq gəlüb bu caddədə,
bu qatır sahibi ilə gedüb. Bu xəbəri dəlilər gəldilər Koroğlıya
dedilər. Koroğlı rəngi-ruxi qərəlüb dedi:
– Mənim aşığımi hər kəs aparsun, mən onun mal-əmlakını qarət
edüb, özlərini xurd-bozorg qırram.
Bu sözi dedi, bir dəli nərə çəküb yedi min yetmiş yedi dəli Ko-
roğlınu döörinə cəm olub dedilər:
PDF created with pdfFactory Pro trial version
www.pdffactory.com
Dostları ilə paylaş: |