73
Sxem 2
Qlomerulonefrit zamanı yaranan ödemlərin patogenezi
Nefrotik ödemlər
Transudasiyanın artması
ödemlər
Nefritik ödemlər
Yumaqcıq filtrasiyasının
azalması
Proksimal kanalcıqlarda
natrium reabsorbsiyasının
artması
Distal kanalcıqlara
natriumun daxil
olmasının azalması
Renin-angiotenzin
sisteminin aktivləşməsi
Aldosteron ifrazının
artması
Su və natriumun
böyrəklərdə ləngiməsi
Plazma həcminin
artması
Kapilyarlar
keçiriciliyinin artması
və mayenin
interstitsial toxumaya
sızması
Massiv (geniş)
ödemlər
Damarlarda onkotik
təzyiqin azalması
Arterial qanın effektiv həcminin
azalması
ADH ifrazının artması
Kanalcıqlarda su
reabsorbsiyasının artması
74
II. Renal və ya böyrək sindromu: proteinuriya - normada sutkalıq
sidikdə 30-60 mq/sut zülal olmasına yol verilir. Əgər proteunuriya daimi
xarakter daşıyirsa, bu patologiya sayılır. Aşağıdakı növləri var:
1) yumaqcıq proteinuriyası – bu bazal membranın zədələnməsi
nəticəsində əmələ gəlir;
2) tubulyar və ya kanalcıq proteinuriyası – amin turşuların
kanalcıglarda rearbsorbsiya prosesləreinin pozulmasından törənir;
3)
qarışıq tip.
Proteinuriya prerenal ola bilər. Uşaqlarda bədən temperaturu
yüksələndə (38.5 dən çox) katabolik proseslər başlanır və proteinuriya
əmələ gəlir. Bu 3-5 gün davam edir. Sonra itir. Bu patologiya deyil, 5
gündən çox davam edərsə, patologiya hesab olunur.
Proteinuriya mülayim ola bilər, gündəlik sidikdə zülal 3,0 dən çox
olmur. əgər zülal 3,0-dən gündəlik sidikdə şox olarsa, həddən çox
proteinuriya adlanır və hipoproteinemiya əmələ gəlir. Həddən şox
proteinemiyada selektivlik ( seçmə) probu aparılır. Seçmə proteinuriyada
sidikdə kiçik dispersli zülallar tapılır (albumin). Bu proteinuriya nefrotik
sindrom üçün xarakterdir, müalicəyə tabe olur. Qeyri seçmə proteinuriyada
isə sidikdə kiçik və yüksək molekullu zülallar tapılır (hemalbumin, həm də
qlobulin). Bu qlomerulonefritin qarışıq forması üçün xarakter olub, müalicə
olunmur.
Bəzi müəlliflərə görə böyrəklərin yumaqcıqlarını zədələyən toksin,
ilk növbədə, onun damarlarına təsir göstərir. Xəstəliyin başlanğıcında
yumaqcıq kapilyarlarının dəyişilməsi nəticəsində böyrək süzgəclərinin
blokadası baş verir. Bundan başqa, böyrək toxumasının anemizasiyası və
damardaraldıcı xassəyə malik olan renin adlı maddənin ifrazı qeyd edilir.
Renin-proteolitik ferment olub, yukstaqlomerulyar aparatın hüceyrələrində
əmələ gəlir. Renin yalnız plazma ilə təmasda damardaraldıcı təsir göstərir.
Belə ki, renin qanın a-2-qlobulini ilə birləşərək angiotenzin-1-ə çevrilir.
bunun da tərkibi 10 aminturşudan ibarətdir. Sonradan plazma
fermentlərinin təsiri nəticəsində angiotenzin-1 iki aminturşusunu itirib,
75
kəskin damardaraldici xassəyə malik olan oktapeptidə - angiotezin 1-ə
çevrilir. Angiotenzin böyrəküstü vəzilərin funksiyasını artırır və nəticədə
qan təzyiqi yüksəlir.
Klinika
Poststreptokokk KQN-nin kliniki əlamətlərinin dinamikası aşığıdakı
kimidir:
1. Tipik, hər hansı bir sistem xəstəliyə xas olmayan başlanğıc.
2. Sübut olunan və əvvəlcədən gələn streptokokk infeksiyası:
a) əsnək və ya dəridən yaxmada sterptokokkun aşkar edilməsi.
b) Antitel titrinin artması (kəskin dövrdə və geriyə inkişaf dövründə
dinamika).
3. Komplimentin dəyişikliyi:
a) kəskin fazada CH50 və C3 azalması.
b) C4 normal.
c) Komplimentin səviyyəsi 6-8 həftəyə normallaşır.
4. Birinci həftənin sonunda xəstəliyin geriyə inkişafının başlanması.
a) diurez;
b) arterial təzyiqin normallaşması;
c) sidik cöhvəri və kreatinin səviyyəsinin (əgər onlar qalxıbsa) aşağı
düşməsi;
5. Sidik çöküntüsünün normallaşması:
a) 2-3 həftə ərzində makrohematuriyanın yox olması;
b) 3-6 ay ərzində proteinuriyanın yox olması;
c) mikrohematuriyanın 1 il ərzində yox olması;
Xəstəliyin klinikasında böyrək və boyrəkdənkənar sindromlar
müşahidə edilir. Böyrək sindromu sidikdə olan dəyişikliklərlə əlaqədardır -
proteinuriya, silindruriya, hematuriya. Böyrəkdənkənar sindromun əsas
əlamatləri hipertenziya və ödemdir.
Nefritin asas əlaməti ödemdir. Ödem səhərlər muşahidə edilir,
axşama yaxın isə azalır. hipertoniya ilə ödemin patogenezi bir-birilə sıx
76
əlaqədardır. Belə ki, böyrək süzgəcinin blokadası böyrəyin ifrazetmə
funksiyasını zəiflədir. Qanda suyun və duzların toplanması, dövr edən
qanın həcminin artmasına səbəb olur. Ödemin əmələ gəlməsində eləcə də
kapillyarların keçiriciliyinin artması, qanın onkotik təzyiqinin azalması və
s. amillər də rol oynayır.
Qlomerulonefrit zamanı oliqouriya, hematuriya (mikro-va ya
makrohematuriya), bel nahiyəsinda agrı (böyrək kapsulunun gərilməsi
nəticəsində) və ya differensasiyaolunmayan qarın agrıları, azotemiya kimi
renal əlamətlər qeyd edilir. Qeyd olunan əlamətlərin hamısı heç də həmişə
müşahidə edilmir. Məktəbəqədər və kiçik məktəbyaşlı usaqlarda böyük
uşaqlara nisbətən hipertenziya az, azotemiya isə cox rast gəlinir. Bəzən
sidik sindromu ödem və hipertenzion sindromdan sonra ozünü büruzə verir.
Böyüklərdən fərqli olaraq uşaqlarda eklampsiya, kəskin ürək və
böyrək çatimamazlığına az təsadüf edir. Ürək-damar sistemi pozuntuları
yalnız 20-40% hallarda müsahidə edilir. Bu zaman ürəyin böyüməsi,
tonların karlaşması, sistolik küyün eşidilməsi, bradikardiya nəzərə carpır.
Ürək-damar sistemində baş verən dəyişikliklər orqanizmdə suyun və
natriumun ləngiməsi, hipertoniya, bəzi xəstələrdə ürək əzləsinin birbaşa
zədələnməsi, hiperkaliemiya ilə əlaqədardır. Kəskin dövrdə qaraciyərin
böyüməsinə və ağrılı olmasına da təsadüf edilir, bu isə venoz durğunluq və
ödemlə bağlıdir.
Qlomerulonefrit zamani böyrəklərin konsentrasion qabiliyyəti
zəifləyir, ifrazetmə funksiyası pozulur. Xəstəliyin əsas ağırlaşmalarından
biri eklamptik uremiyadir. Belə ki, davam edən spazm nəticəsində
kapillyarit baş verir. Beyin damarlarının spazmı, asidoz və ödem yaranır.
Bu da onurga beyni mayesi təzyiqinin artmasına səbəb olur. Eklamptik
tutmalar qəflətən başlayır, xəstədə şiddətli başağrıları, başgicəllənmə, qan
təzyiqinin və ödemin artması, öyümə, qusma, huşun itməsi, bradikardiya,
reflekslərin güclənməsi, tonik və klonik qıcolmalar müşahidə olunur.
Bəbəklər genəlir, onların işığa reaksiyası itir, xəstə dilini dişləyir, bəzən
qeyri-ixtiyari sidik və nəcis ifraz edir. Göz dibinin müayinəsi zamanı
Dostları ilə paylaş: |