Lalə HÜseynova qida məhsullarinin hazirlanmasi texnologiyasi
Yüklə 2,44 Mb. Pdf görüntüsü
|
- Bu səhifədəki naviqasiya:
- “Azərbaycan” salatı
- “Xəzər” salatı
- Nərə, ağ balıq və ya suf salatı
- Tərəvəz vineqreti
- Göbələk, balıq yaxud ət ilə birlikdə tərəvəz vineqreti
- 3.9.4. Balıqdan soyuq xörəklərin hazırlanması və süfrəyə verilməsi Mayonez altında nərə balığı, ağ balıq, uzunburun yaxud suf balığı
- Marinad altında balıq
Norma 3 kartof, 3 yumurta, 3 yerkökü, 200q kələm, 1 alma, 1 xiyar, keşniş, şüyüd, göy soğan, xama, duz, istiot götürülür. “Azərbaycan” salatı Təzə pomidor, xiyar, qırmızı istiot nazık dairələr şəklində doğranıb boşqaba qoyulur və ortasına doğranmış göy soğan tökülür. Baş soğan halqavari doğranır, pomidorun üzərinə düzülür, duz, istiot vurulur, xama əlavə edilir, üzərinə doğranmış şüyüd səpilir. Kənarları yaşıl kahı yarpaqları ilə bəzədilir. Norma: pomidor 60q, xiyar 45q, göy soğan 150q, baş soğan 20q, xama 30q, şüyüd və istiot, duz götürülür. “Xəzər” salatı Balığı bişirib dərisini və qığırdaqlarını təmizləyirlər. doğranmış tərəvəzləri xamai lə qarışdırıb təpəcik şəklində boşqaba tökür, uzununa bölünmüş balığı, kahı yarpaqları, tərxun, dənəvər kürü qoyulmuş xiyar dilimləri və somğa ilə bəzəyirlər.
Burada bişirilmiş kartof və yerkökü, təzə yaxud duza qoyulmuş xiyar dilim şəklində doğranır və buna mayonez sousu vurulur, sonra isə buna göy noxud yaxud salat aşqarı qatılır və hamısı birlikdə ciddi qarışdırılır. Həmin tərəvəzin içinə balıq 233
filesi tikələri və çiçək kələmi qatıla bilər. Bu qaydada hazırlanmış tərəvəz təpəcik şəklində salat qabının içində kahı yarpaqları üzərinə qoyulur və balıq filesi tikəsi, girdə doğranmış təzə xiyar, pomidor və cəfəri ilə bəzədilir. Bu salat buludun içində də süfrəyə verilə bilər. Belə olduqda salatın bir hissəsi təpəcik şəklində buludun ortasına qoyulur və nazik balıq tikələri ilə piramida formasına salınır. Ətrafına gül dəstəsi şəklində yerdə qalan tərəvəz düzülür. 100q nərə balığı, 85q ağ balıq yaxud 130q süf filesi, 55q kartof, 40q xiyar, 15q göy noxud konservi, 25q pomidor, 15q kahı, 15q hazır aşqar və yaxud 30q mayonez sousu götürülür. Tərəvəz vineqreti Burada qabığı soyulmuş, yerkökü, çuğundur, kartof, duzlu xiyar dilim şəklində doğranır. Sonra isə baş soğan halqa və yarımhalqa, göy so- ğan isə girdə şəklində doğ- ranır, şoraba kələmi sıxılıb şirəsi çixarılır, çox duzlu olduğu halda yuyulur. Bu qayda ilə hazırlanmış məhsula salat aşqarı və ya mayonez sousu vurulur. Aşqarlanmış tərəvəz salat qabına qoyulur, fiqur şəklində doğranmış yerkökü, çuğundur, xiyar ilə bəzədilir, üzərinə narın doğranmış şüyüd səpilir. Vineqret lobya ilə də hazırlana bilər. 234
Norma: 200 q çuğundur, 130 q yerkökü, 280 q kartof, 190 q göy soğan, 430 q şoraba kələmi, 100 q hazırlanmış aşqar və lobya götürülür. Göbələk, balıq yaxud ət ilə birlikdə tərəvəz vineqreti Burada hazırlanmış tərəvəz vineqreti göbələk yaxud balıq və ət ilə birlikdə süfrəyə verilə bilər. Göbələklə hazırlanan tərəvəz vineqretinə marınadlaşdırıl- mış yaxud duzlu göbələk (ağ göbələk, enlipapaq göbələk, sarı göbələk, yağlı göbələk və s.) doğranıb qatılır. Balıq ilə birlikdə hazırlanan tərəvəz vineqretinə suda bişirilib xırda doğranmış balıq (nərə cinsinə aid) əti qatılır. Başqa növ balıqlardan hazırlanan zaman vineqretin üzərinə 2-3 tikə qızardılmış sümüklü balıq qoyulur, konservləşdirilmiş göy noxud və marinadlaşdırılmış gavalı qatılır. Ət vineqreti hazırlayan zaman tərəvəzin içinə suda bişmiş mal və ya dana əti və 3 ədəd bişmiş dil tətbiq edilir.
Burada bişirilmiş və soyudulmuş kartof və yerkökü xırda kubik şəklində doğranıb, üçdə bir hissəsinə mayonez sousu yaxud aşqar vurularaq paylıq buludun ortasına qoyulur. Tərəvəzin üzərinə isə bir tikə suda bişirilmiş balıq qoyularaq onun da üstünə jele ilə birlikdə mayonez sousu tökülür və xörək yerkökü, göy 235
kahı və cəfəri göyərtisi ilə bəzədilir; sonra da bunun üstünə nazik qat şəffaf jele tökülür. Süfrəyə verilən zaman mayonez altında balıq göy kahı yarpağı, cəfəri göyərtisi, xərçəng boynu, kornişon və doğranmış jele ilə bəzədilir və yerdə qalan tərəvəz isə gül şəklində düzülür. Mayonez altında balıq qatışıq qarnirsiz də süfrəyə verilə bilər, belə hallarda müxtəlif tərəvəz növlərindən ibarət qarnir gül dəstəsi şəklində olaraq üstünə şirə tökülmüş balığın yanına qoyulur və aşqar vurulur.
Bu xörək hər cür balıqdan hazırlana bilər. Burada nərə ba- lığı bir qayda olaraq suda bişirilmiş şəkildə süfəyə verilir. Xırda balıqlar bütöv şəkildə hazırlanır, yerdə qalan balıq növlərinin yumşaq əti paylıq tikələrə doğranıb, üstünə duz, istiot səpilir, un içində urvalanır və qazmaq tutunca əsas üsul üzrə yağ içində qızardılaraq qızdırıcı şkafa qoyulur və orada hazır vəziyyətə gətirilir. Bütöv balıq yaxud paylıq tikələr çini qaba qoyulub, üstünə marinad tökülüb, 3-5 saat soyuq yerdə saxlanır. Süfrəyə verilən zaman balıq tikəsi buluda qoyulub üstünə marinad tökülür və narın doğranmış göy soğan yaxud cəfəri göyərtisi yaxud da şüyüd səpilir.
236
Yüklə 2,44 Mb. Dostları ilə paylaş:
|