70
gəlməsinə mühüm təsir göstərir və bunun nəticəsində inhisar qiymətlərinin
meydana çıxması mümkündür. Bu halda TMK satdıqları mallara yüksək,
aldıqları mallara isə aşağı inhisar qiymətləri müəyyən edir. Qiymətin faktiki
yüksək həddi tələb və istehsal imkanları ilə deyil, yeni rəqabət riski əsasında
müəyyən edilir. Təcrübədə TMK qiymətləri üstəlik mənfəət əldə
olunmasına imkan verən, lakin bununla yanaşı, texnoloji və təşkilati
xarakterli yüksək maneələr olmadığı hallarda təhlükəli yeni rəqiblərin
bazara girməsini stimullaşdırmayan səviyyədə müəyyənləşdirməyə çalışır.
Çox vaxt əmtəənin dünya və daxili qiymətləri üst-üstə düşmür.
İnkişaf səviyyəsindən asılı olmayaraq, demək olar ki, bütün ölkələrdə
əmtəənin daxili qiyməti onun dünya qiymətlərindən yüksəkdir. Xarici
bazarlara əmtəə göndərişləri rəqabət qabiliyyəti daha yüksək olan ixracatçı
ölkələr tərəfindən həyata keçirilir. Bir sıra ölkələrin öz əmtəəsinin ixracını
açıq və gizli formalarda subsidiyalaşdırması da ixrac qiymətlərinin nisbətən
aşağı səviyyədə olmasına imkan yaradır.
_______________________________________________
Ssuda faizi
Dünyada təkrar istehsal prosesi struktur baxımından eyni tərkibli
olmayaraq, sahələr və bölmələr, sahibkarlıq fəaliyyətinin növləri,
kapitalların tipi, malların və xidmətlərin xarakterinə görə fərqlənir. Bu isə,
kapitalın hərəkətində fasilələrin yaranmasına, diskretliyə gətirib çıxarır.
Sahibkarlıq subyektlərində kapital çatışmazlığı səbəbindən yaranan
məhdudiyyətlər kredit vasitəsilə aradan qaldırılır. Təkrar istehsal prosesinin
gedişi bir çox hallarda ssuda kapitalları bazarında tələb və təklifdən, kredit
birliklərinin sahibkarlıq siyasətindən asılıdır. Bu təsir ssuda faizi, yaxud faiz
dərəcələri vasitəsilə özünü biruzə verir. Bunların norması gəlirin ssudaya,
borca verilən kapitalın məbləğinə nisbəti kimi müəyyən olunur:
burada: i - faiz dərəcəsi;
s - borcun ilkin məbləği;
p - borcun artırılmış məbləğidir.
Milli təsərrüfatlar çərçivəsində ssuda faizinin aşağı düşməsi kreditə
ehtiyacı artırır, investisiya və istehlak mallarına tələbatı genişləndirir.
Əksinə, kreditin bahalaşması ona olan ehtiyacı və deməli, istehsal
vasitələrinə və istehlak mallarına olan tələbi də azaldır. Dünya təsərrüfatında
isə, uçot dərəcələri əks təsir göstərir. Onların dəyişməsi məbləği milyardlarla
s-p
p
=
i
71
hesablanan, "isti pullar" adlandırılan qısamüddətli əmanətləri hərəkətə
gətirir. Məsələn, 1980-ci illərin əvvəlində ABŞ-da uçot dərəcələrinin kəskin
şəkildə artırılması buraya başqa ölkələrdən 420 milyard dollar məbləğində
ssuda kapitalının axınına səbəb olmuşdur. Bu məbləğ isə həmin dövrdə
ABŞ-ın daxili investisiyalarının 22%-nə bərabər idi.
_______________________________________________
Valyuta məzənnəsi
Beynəlxalq iqtisadi əməliyyatlar əksər hallarda bir milli valyutanın
digərinə dəyişdirilməsi ilə bağlıdır. Valyutalar arasında mübadilə
münasibətləri nəticəsində valyuta məzənnəsi (E
n
), yəni milli pul vahidinin
(S
d
) qiymətinin başqa ölkələrin milli pul vahidləri (S
f
) ilə ifadəsi yaranır:
Valyuta məzənnələrinin enib-qalxması ixracın və idxalın fiziki
həcmlərinin dəyişməsinə, cari əməliyyatlar üzrə tədiyyə balanslarının
tədricən inkişafına, xarici investisiyaların məbləğinə və istiqamətlərinə
əhəmiyyətli dərəcədə təsir göstərir. Valyutanın dəyərdən düşməsi həmin
ölkənin ixracatçılarına öz məhsullarının xarici valyuta ilə ifadə olunan
qiymətini ucuzlaşdırmağa və dəyişdirilməsi zamanı onun məbləğinə
bərabər, yaxud daha çox milli valyuta əldə etməyə imkan yaradır. Bu isə
onların əmtəəsinin satışını asanlaşdırır və ixracın artması ilə nəticələnir.
Amma belə vəziyyətdə xarici ixracatçılar eyni məbləği öz milli valyutasında
əldə etmək üçün öz əmtəəsinin qiymətlərini bahalaşdırmağa məcbur
olduqlarına görə, idxal çətinləşir. 14 aparıcı ölkə üzrə ekonometrika
hesablamaları göstərir ki, valyuta məzənnəsinin 10% dəyişməsi ixracın
həcmini ABŞ, Yaponiya, Fransa, İsveçdə 7%, başqa ölkələrdə isə 3-4%
azaldır, yaxud artırır. Eyni şərtlər daxilində idxalın həcmi 1%-i6% həddində
dəyişir. Ticarətdə bu cür dəyişmələr iki-üç ildən az olmayan dövrdə baş
verir. Bəzi ölkələr valyuta məzənnələrinin tənzimlənməsi üçün "kollektiv
müdaxilə" metodundan, yəni valyuta bazarlarında məzənnəsi onlar üçün
əlverişsiz tərzdə dəyişən pul vahidinin alınması və ya satılması yolundan
istifadə edirlər.
Valyuta
məzənnələrinin
dinamikası
sahibkarlıq kapitalının
hərəkətinə də mühüm təsir göstərir. Valyutanın məzənnəsinin yüksəlməsi
xarici qiymətli kağızların əldə olunması xərclərini azaltdığına görə,
investisiyaların xarici ölkələrin iqtisadiyyatına yatırılmasını stimullaşdırır.
Əksinə, valyuta məzənnəsinin aşağı düşməsi milli istehsalı daha cəlbedici
edir və investisiyaların xaricə axıdılması stimullarını zəiflədir.
Ümumiyyətlə, faiz dərəcələrinin dəyişməsi və valyuta məzən-
nələrinin hərəkəti dünya iqtisadiyyatı agentlərinin investisiya və ticarət