Magistrantların XVIII Respublika Elmi konfransı, 17-18 may 2018-ci il
152
sağlamlığın şərtlərinə əməl etmək, xəstəliklər, zədələnmələr zamanı özünə və ətrafındakılara ilk yardım
göstərmək bacarığına yiyələnmiş olurlar (1).
Biologiya fənninin xüsusiyyətləri nəzərə alınaraq şagirdlərə elmi şəkildə zərərli adətlərin nəticələri
dərk etdirilməli, şagirdlərin ondan uzaq olmalarına səy göstərilməlidir.
Müəllim insan kursunun tədrisinə başlayarkən sağlam yaşamaq üçün əhəmiyyətli olduğunu göstərir.
Qeyd edir ki, insan xəstəliklərin qarşısını almaq, sağlamlığını qorumaq üçün bədən quruluşunu bilməlidir.
Orqaizmin normal, fizioloji vəziyyətini öyrədən insan kursunun məzmununda orqanizmdə gedən proseslər,
dəyişikliklər, patoloji vəziyyətlərin səbəbləri də izah olunur.
«Sinir sistemi» bəhsində şagirdlər sinir sisteminin quruluşu və funksiyası ilə tanış olurlar. Bəhsin
axırında «Sinir sisteminin fəaliyyətinin pozulmaları və bunların qarşısının alınması» mövzusunda sinir
sisteminin normal fəaliyyətinə mənfi təsir göstərən siqaret, spirtli içkilər, narkotik maddələr, infeksiyalarla
yanaşı mənfi emosiyaların da rolu qeyd edilir.
«Qan» bəhsində qan və qan dövranı orqanları haqqında geniş məlumat verilir, qan-damar sistemi
orqanlarının quruluşu, funksiyası, ürək və onun işi öyrədildikdən sonra qan-damar sistemi üzvlərinin
xəstəlikləri haqqında material verilir. «Leykositlər. İmmunitet» mövzusunda qanın funksiyası ilə bağlı
immunitet, onun növləri, peyvəndlər və s. haqqında material izah edilir. Buraya bəşəriyyətə ölüm təhlükəsi
bəxş edən QİÇS (Qazanılmış İmmun Çatışmazlığı Sindromu) xəstəliyi haqqında məzmunun gətirilməsi
şagirdlərin tibbi biliklərini daha da zənginləşdirilir. Müəllim QİÇS xəstəliyinin mənşəyi, İİV – İnsanın
İmmun Çatışmazlığı Virusunun insanlara necə yoluxduğu, yoluxduqdan sonra hansı əlamətlərin baş verdiyi,
xəstəliyin mərhələləri və ölümə səbəb olması nəticələrini qeyd edir. Şagirdlərə yoluxma yollarını izah
edərək, onları həyatda düzgün mövqe tutmalarına kömək etmiş olur (2).
Tənəffüs orqanlarının xəstəliklərində siqaret çəkilməsinin zərəri xüsusi olaraq şagirdlərə
aydınlaşdırılır. Bunun üçün əyanilikdən, yəni siqaretin yandırılması ilə havanın korlanması, siqaretin
tüstüsündə olan his, digər maddələrin, zərərli qazların sağlamlığa mənfi təsirini təcrübələr qoymaqla
şagirdlərə izah edilir (3).
Siqaret və alkoholun zərərinin şagirdlərə öyrədilməsinə dair qabaqcıl iş təcrübəsinə, metodist-alimlərin
məsləhətlərinə uyğun olaraq insan kursunun tədrisində tibbi biliklərin öyrədilməsinin yollarına dair dərslərin
təşkili ilə müəllim müsbət nəticələr əldə edir. O, siqaret, alkoqollu və narkotik maddələrin qəbulunun
orqanizm üçün yaratdığı problemləri şagirdlərə izah edir. Bunun üçün mövzuların imkanlarına arxalanır.
STRES FAKTORLARININ MĠKROORQANĠZMLƏRDƏ YARATDIĞI
FUNKSĠONAL DƏYĠġĠKLĠKLƏR
Məsimova V.İ.
Sumqayıt Dövlət Universiteti
Mühitin müxtəlif amilləri orqanizmlərin inkişafında ona təsir edərək dəyişkənlik əmələ gətirir.
Mikroorqanizmlərdə əsasən iki formada dəyişkənlik nəzərə çarpır. Bunlardan biri irsiyyətlə əlaqədar olan
dəyişkənlik, digəri isə geri qayıda bilən və genetik aparatla əlaqədar olmayan dəyişkənlikdir.
Mikroorqanizmlər də digər orqanizmlər kimi daima ətraf mühit amillərinin təsirinə məruz qalırlar. Bunlar
stres amilləri hesab olunur. Mikroorqanizmlərin stres amillərinə cavab reaksiyaları müxtəlifdir. Bu
reaksiyalar içərisində isə ən önəmlisi genetik aparatın reaksiyasıdır.Orqanizmlərin əlverişsiz mühit şəraitində
yaşaması üçün onlarda stresin təsirindən ekspressiyası sürətlənən genlərin olması vacibdir. Orqanizmin gen
ekspressiyasını dəyişdirən siqnalların tanınma mexanizminin müəyyən edilməsi, fərqli stres şəraitində
genlərin ekspressiyasının tənzimlənməsinə fayda verə bilər.
Stresə cavab genlərinin induksiya mexanizmi öyrənilmiş fərqli orqanizmlərdə oxşardır.
Eyni zamanda, müxtəlif stres amillərin təsiri ilə genlərin ekspressiyasında baş verən dəyişmələr bir-
birinə çox oxşardır. Xarici mühitdə baş verən hər hansı dəyişmələr hüceyrədə müxtəlif streslər və ya şoklar
əmələ gətirir. Bu stres və ya şok siqnallarına mikroorqanizm genomu proqramlaşmış şəkildə cavab verməli
və bununla da orqanizm öz yaşam tərzini davam etdirməlidir.
Stres ətraf mühit amillərinə daxil olub mikroorqanizmlərdə genetik potensialın ekspresiyasına təsir
edir, normal proseslərin getməsini ləngidir.
Hazırda mühit stres siqnallarının genoma ötürülməsi və genomun bu siqnallara reaksiyası nəticəsində
Magistrantların XVIII Respublika Elmi konfransı, 17-18 may 2018-ci il
153
hansı fizioloji və biokimyəvi dəyişikliklərin baş verməsini öyrənmək imkanı verən müasir metodlar işlənib
hazırlanmışdır. Hər hansı orqanizm hüceyrələrinin xarici mühit siqnallarına cavab verməsi üçün onların bu
siqnalları qəbul etməsi və uyğun bir cavaba çevirə bilməsi lazımdır. Bunun üçün də bu hüceyrələrdə qəbul
etmə və duyma mexanizmi olmalıdır. Bu siqnalların əksəriyyəti, bəlkə də hamısı hüceyrə səthində olan
plazma membran reseptorları tərəfindən qəbul edilir. Mikroorqanizmlər xarici mühit amillərinin
dəyişilməsinə həmin mühit şəraitinə adaptasiyanın yaranmasını təmin edən xüsusi genlər qrupunun
ekspressiyasının dəyişilməsi ilə cavab verir. Gen ekspressiyasının transkripsiya səviyəsində baş verməsi
onun ən mühüm cəhətlərindən biridir və eukariot hüceyrələrdə bu proses xromatinin struktur vəziyyətindən
asılı olur. Yəni, transkripsiya prosesi xromatinin funksional cəhətdən fəal hissəsi olan dekompaktlaşmış
euxromatin sahəsində yerləşən labil xromatin DNT-si üzərində baş verir. Genetik aparatın fizioloji
labilliyinin və funksional fəallığının yüksəlməsi daha çox protein sintezinə səbəb olur və nəticədə hüceyrənin
stres amillərə qarşı müqaviməti artır. Həssas nümunələrdə isə əksinə, stresin təsirindən DNT və RNT-nin
deqradasiyası baş verir. Mikroorqanizmlər stres amillərə müqavimət göstərmək üçün müxtəlif müdafiə
mexanizmlərinə malikdirlər..
TÜND ALKOQOLLU ĠÇKĠLƏRIN ALINMASININ TEXNOLOJĠ PROSSESLƏRĠ
Mirzəyeva X.Ş.
Azərbaycan Dövlət İqtisad Universiteti
Bütün alkoqollu içkilər tərkibində olan etil spirtinin miqdarından asılı olaraq qruplara, qruplar isə öz
növbəsində istifadə olunan xammal və texnologiyadan asılı olaraq yarımqruplara bölünürlər. Yarımqruplar
növlərə, yarımnövlərə və ayrı-ayrı adlara bölünür. Təsnifləşdirici əlamət kimi istifadə olunan yardımçı
xammal (məsələn, ədviyyat toplusu və balzam üçün ətirli bitkilər), yaxud spesifik texnoloji üsullar (konyak,
rom və viskinin palıd çəlləklərdə yetişdirilməsi) götürülə bilər.
Alkoqollu içkilər tündlüyündən asılı olaraq zəif, orta, tünd və yüksək alkoqollu olmaqla qruplaşdırılır.
Tündlüyü 80%-ə çatan içkilərdir. Onlara aşağıdakılar aiddir:
Araq - yeyinti spirtinə su və digər inqredientlər qatmaqla hazırlanır;
Konyak - üzüm şərabının qovulması və alınan spirtin yetişdirilməsi ilə hazırlanır;
Rom, yaxud qamış arağı - şəkər qamışı istehsalı qalıqlarından – qamış şərbətindən hazırlanır;
Sambuka – həmçinin araq olub, yalnız anis və xüsusi məxfi otlar qarışığı əlavə olunmaqla hazırlanır;
Tekila – meksika mavi aqavasının qıcqırmış şirəsinin qovulmasından alınır;
Cin – ardıc giləmeyvəsinə malik olan buğda spirtindən alınan məhsuldur;
Viski – kifayət qədər mürəkkəb qıcqırma prosesi, səməni qoyma və dənli bitkilərin qovulmasından
alınır;
Brendi – üzüm yaxud alma şərabının qovulma məhsuludur.
Likor - müxtəlif şirələr əsasında hazırlanan alkoqollu içkidir;
Absent – yovşandan istifadə edilməklə hazırlanır. Ən tünd spirtli içkilərdən olub, tündlüyü bəzən
70%-ə qədər olur.
Nastoyka – müxtəlif giləmeyvə və ədviyyatların spirtdə saxlanması yolu ilə alınır.
Likor araq məmulatları – tündlüyü 12-60% olan içkilər olub, yarımfabrikatların rektifikasiya spirti ilə
qarışdırılması ilə hazırlanır. Likor-araq istehsalında yarımfabrikatlar spirtləşdirilmiş şirələr, cövhərlər,
morslar, ətirli spirtlər, efir yağları, qida rəngləyicilərinin su və spirt məhlullarıdır. İçkiləri almaq üçün
həmçinin şəkər şərbəti, qida turşuları və digər komponentlərdən istifadə olunur.
Tündlüyündən, ümumi ekstraktın və şəkərin kütlə qatılığından asılı olaraq likor-araq məmulatları
standarta uyğun olaraq on dörd qrupa bölünür: tünd likorlar, desert likorlar, emulsiya likorları, nalivkalar,
punşlar, şirin cövhərlər, kəmşirin nastoykalar, acı nastoykalar, zəif tündlüklü acı nastoykalar, desert içkilər,
aperetivlər, balzamlar, kokteyllər. Likor-araq məmulatları hazırlanmasının əsas texnoloji mərhələləri
aşağıdakılardır: spirtləşdirilmiş şirələr, morslar, cövhərlər, ətirli spirtlərin hazırlanması; şəkər şərbətinin və
kolerin hazırlanması; inqredientlərin reseptə uyğun hazırlanması; kupajın hazırlanması və nizamlanması;
kupajın süzülməsi; likorların yetişdirilməsi; məmulatın doldurulması və tərtibatı.
Araq tünd alkoqollu içki olub, rektifikasiya olunmuş etil spirti ilə yumşaldılmış suyun qarışdırılması,
40-45 h.% tündlükdə alınan su-spirt məhlulunun fəal kömürlə işlənməsi və müxtəlif inqredientlər əlavə
olunaraq sonrakı süzülməsi ilə hazırlanır. Hazırda ölkəmizdə çoxlu çeşiddə araqlar hazırlanır ki, bu məqsədlə