MahirəNərimanqızı
Yüklə 2,96 Kb. Pdf görüntüsü
|
www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 74 şeylərin baş verməsindən şübhələnsiniz. Mütləq bizimlə əlaqə saxlayın. - Yoldaş müstəntiq, özüm həm çolaq, həm də ki, yetim. Məni öldürmək kimə lazımdı ki,? - Yenə də siz ehtiyatı əldən verməyin. Daha sonra Tərlan Süleymanı prokurorluğun çıxışına kimi ötürdü. Bu zaman Süleymanın maşını Tərlanın yaman diqqətini çəkdi. Çünki Tərlan bir müddət öncə onunla Novxanıda qarşılaşarkən, Süleymanın həyətində ağ rəngdə “TOYOTA - PRADO” var idi. Amma indi Süleyman bölmənin qarşısındakı başqa maşına qara rəngli “RANG ROVER”-ə tərəf addımlayırdı. Prokurorluğa qayıtmaq istəyən Tərlan ayaq saxlayaraq geriyə döndü. Pilləkənlərin üstündən Süleymanı səsləyərək, onun ayaq saxlamasına işarə etdi. Süleyman maşının qapısı önündə dayanaraq, Tərlanın ona yaxınlaşmasını gözlədi. Pilləkənlərdən enərək Süleymana yaxınlaşan Tərlan onunla söhbətini yenidən davam etdirdi. - Deyəsən maşınınızı dəyişmisiniz ? - Maşını... Yox, dəyişməmişəm. O da durub öz yerində. Siz Novxanıya gəldiyinizdən bir neçə gün sonra bunu da əlavə olaraq aldım. O, biri maşın təzə deyildi. Başqasından işlənmiş vəziyyətdə almışdım. Çoxdandı istəyirdim ki, 0-dan maşınım olsun. Bu ərəfələrə qismət imiş. - Mübarəkdi, sağlıqla istifadə eliyəsiz. - Çox sağ olun. - Sizə yaxşı yol, yolunuzdan qalmayın. Səhəri günü (11 iyul 2012-ci ildə) Nəsimi rayon prokurorluğunda müstəntiqlər Tərlan və Ramin, həmçinin Səbael və Nəsimi rayon prokurorlarının iştirakı ilə istintaqla bağlı növbəti toplantı keçirildi. Həmin toplantıda qərara alındı ki, mərhumları qətlə yetirən qatili keçmiş sinif yoldaşları arasında və ya uzun müddət öncə mərhumların məktəb oxuduğu vaxtlarda baş vermiş hər hansı bir hadisədə axtarmaq səhv addım olmuşdu. Qatil də artıq keçmiş sinif yoldaşlarından kimisə narahat etmirdi. Məhz buna görə də www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 75 cinayətkarı çox da uzaq keçmişdə olmayan hər hansı bir hadisədən axtarıb çıxarmaq lazım idi. Bu da ondan irəli gəlirdi ki, 2 il öncəyə qədər bu şəxslər yaxın ərazidə yaşayıblar və dost olublar. Eyni zamanda Rəvan ünvanını dəyişsə də yenə də Bahadurla əlaqəsini nəinki kəsib. Hətta imkan düşdükcə tez-tez görüşüblər də. Məhz elə yaxın ərəfələrdə onlar heç kimin xəbəri olmadan kimisə incidiblər, xətər yetiriblər və ola bilsin birlikdə cinayət aktı da törədiblər. Amma düşünməyiblər ki, onları buna görə kimsə cəzalandıra bilər. Qatil də onların bu arxayınlığından yetərincə istifadə edib. Eyni zamanda başqa bir versiya da nəzərdən keçirildi. Ola bilsin bu qatil işini peşəkarcasına görən adi manyakdı. Onun törətdiyi cinayətlərin qurbanları da, təsadüfdən bir vaxtlar bir ərazidə yaşamış, bir sinifdə oxumuş və dost olmuş şəxslər olub. Məhz qarşıdakı vaxtlarda istintaq üçün bu istiqamətdə də məlumatlar toplamaq lazım idi. Xüsusi xidmət orqanları ilə əldə olunmuş razılıq əsasında övladları qətlə yetirilmiş ailələrin, onların yaxınlarının, ümumiyyətlə, qətlə yetirilən şəxsləri tanıya biləcək hər kəsin telefon danışıqları ayrı-ayrılıqda dinlənilməyə və hərəkətləri izlənilməyə başlandı. 2012-ci il il iyul ayının sonlarından başlanan bu cür təhqiqat işləri həmin ilin dekabr ayının sonuna kimi davam etdirildi. Amma istintaq üçün yenə də, heç bir gərəkli faktlar tapılmadı. Beləcə cinayət aktlarının üstünün açılması uzanmağa başladı. İstintaq işinin bu yöndə davam etdiyi bir zamanda baş verən növbəti cinayət aktı hadisələrin inkişafını tamamilə yenidən dəyişdi. www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 76 III F Ə S İ L Çinlilərin bambuk ağacını necə yetişdirdiyini bilirsinizmi ? Əvvəlcə ağacın toxumları torpağa əkilir, sonra sulanır və gübrə verilir. Birinci il toxumda heç bir dəyişiklik olmaz. Toxum yenidən sulanıb gübrələnir. İkinci il də toxumda heç bir dəyişiklik müşahidə olunmaz. Üçüncü və dördüncü illərdə www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 77 də çinlilər eyni işləri yenidən təkrarlayırlar. Lakin “inadkar” toxumda əsla cücərmə görünməz. Çinlilər böyük bir səbrlə bambuk ağacına su və gübrə verməyə davam edərlər. Nəhayət, beşinci ilin sonlarına doğru toxum cücərməyə başlayar və altı həftə kimi qısa müddət ərzində 27 metrlik hündürlüyə qədər yüksələr... Axıllı və oyanıq olun: sizi ümidsizliyə aparan hadisələr, səadətə də apara bilər... Səbael Rayon prokurorluğunda, kabinetində əyləşərək qarşısına tökdüyü istintaq materiallarını incələyən Tərlanın (24 dekabr 2012-ci il, səhər saatları) xidməti telefonuna zəng gəlir. Zəng vuran prokuror ona kabinetinə gəlməsini bildirir. Tərlan prokurorun kabinetinə daxil olarkən orada prokurordan başqa mülkü geyimdə tanımadığı biri də var idi. Ortayaşlı biri idi və səliqəli geyinmişdi. Tərlan diqqətlə həmin şəxsin simasına nəzər yetirdikdə onun qəmgin olduğunu hiss etdi. Yüklə 2,96 Kb. Dostları ilə paylaş:
|