MahirəNərimanqızı
Yüklə 2,96 Kb. Pdf görüntüsü
|
www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 78 Yaxınlaşaraq həm prokurorla və həm də içəridəki digər şəxslə görüşdü və prokurorun işarəsindən sonra həmin şəxslə qarşı- qarşıya əyləşdi. Masada əyləşdikdə nəzərlərini bir balaca da həmin şəxsə doğru yönəldəndə Tərlan hətta onun bir qədər öncə ağladığını da hiss etdi. Söhbətə prokuror başladı. - Allahverdiyev, bu şəxsi tanıyırsınız ? - Xeyr. Bu zaman içəridəki naməlum şəxs danışmağa başladı. - Yoldaş prokuror, telefonla danışmışıq, amma bir-birimizi şəxsən görməmişik. Mən də yoldaş müstəntiqi birinci dəfədir ki, görürəm. Mən Rasiməm, Rusiyada yaşayan İbrahimin atası Rasim. Bir neçə ay öncə mənə zəng etmişdiniz. Mənə oğlum İbrahimin sinif yoldaşlarının başına gələn faciələrdən danışmışdınız. Həmin oğlanlar haqqında məndən bəzi şeylər soruşurdunuz. Hətta bildirdiniz ki, bu faciələrdən, qətl hadisələrindən mənim ailəmdə də baş verə bilər. Sizin bu sözünüzdən sonra əsəbiləşdirdiyimə görə hətta telefonunu da sizin üzünüzə söndürdüm. Siz məni və oğlumu Azərbaycana dəvət edəndə isə hər ikimiz buna ehtiyacın olmadığını bildirdik. - Yoxsa, belə bir hadisə sizin də ailənizdə də, baş verib? – deyə Tərlan səbirsizcəsinə dilləndi. - Sizin təxminləriniz düzgün çıxdı. Həmin o alçaq və şərəfsiz qatil oğlum İbrahimi də vəhşicəsinə qətlə yetirdi. Bu zaman prokuror Rasimdən xahiş etdi ki, baş vermiş hadisəni əvvəldən axıra qədər bütün təfsilatı ilə izah etsin. Rasim oğlunun necə öldürüldüyünü nəql etməyə başladı. -Siz zəng edib mənə deyəndə ki, oğlumun sinif yoldaşlarının ailələrində bədbəxt hadisələr baş verib və ola bilsin sizin də ailənizi belə bir bədbəxt hadisə gözləyir. Həmin vaxt nə mən, nə də ki, oğlum sizin bu sözlərinizi, ümumiyyətlə, ciddiyətə almadıq. Düzünü desəm nə mən, nə də ki, oğlum baş verən hadisələrlə maraqlanmadıq. Nömrələrini öyrənərək həmin oğlanların ailəsinə baş sağlığı da verə bilərdik. Amma bunu da etmədik. Nə isə bunları www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 79 qoyaq bir qırağa. Bir müddət bundan öncə dekabr ayın 6-da mənim ailəmdə də həmin bədbəxt hadisədən baş verdi. Oğlum İbrahimi hansısa əclaf, bəlkə də, elə oğlumun sinif yoldaşlarını qətlə yetirən həmin o qatil vəhşicəsinə qətlə yetirdi. Ayın 6-sında qarlı, şaxtalı bir gecədə həmin qatil maşınla oğlumu divara çırparaq qətlə yetirdi. Aradan iki həftədən də artıq vaxt keçib, amma hələ də bu hadisəylə bağlı heç nə əldə olunmayıb. Qatil işi əvvəlcədən elə planlaşdırıb ki, onu ələ verəcək heç bir səhv buraxmayıb. Bu zaman Tərlan Rasimin sözünü yarımçıq qoyaraq ona bir sual verir. - Bağışlayın ki, sözünüzü kəsdim. Amma deyə bilməzsiniz siz və oğlunuz İbrahim Rusiyada nə ilə məşğul olurdunuz? - Mən Rusiyada olduğum ilk illərdə əksər azərbaycanlılar kimi əsasən bazarda meyvə-tərəvəz ticarəti ilə məşğul olurdum. 90-cı illərin əvvəllərində burda vəziyyət pisləşdiyinə görə mən də qazanc əldə etmək üçün Rusiya Federasiyasına getmişdim. Sonradan işlərim pis getmədiyinə görə meyvə-tərəvəz ticarətindən əl çəkərək avtomobil biznesinə başladım. Mən və oğlum İbrahim Moskavada avtomobil satışı ilə məşğul olurduq. Əsasən, Avropa ölkələrindən və Yaponiyadan gətirilən ikinci əl maşınların satışını təşkil edirdik. Moskva ətrafında bir avtomobil salonum da var. Ayın 6-sı gecə saatları qarlı və şaxtalı bir hava idi. Ailəmlə birlikdə televizora baxırdıq. Hiss etdim ki, maşınımın siqnalizasiyası işə düşdü. Eyvana çıxaraq pultla siqnalizasiyanı söndürdüm. Elə zənn etdim ki, qar çovğunu səbəbindən siqnalizasiya işə düşüb. Mən mənzilə girəndən bir neçə dəqiqə sonra yenidən siqnalizasiya işə düşdü. Mən yenə də eyvana çıxaraq, onu söndürdüm. Mən mənzilə girəndən bir neçə dəqiqə sonra artıq üçüncü dəfə siqnalizasiya işə düşdü. Bu dəfə oğlum İbrahim ayağa qalxaraq bildirdi ki, yəqin kimsə bizimlə zarafat edir. Ona görə də həyətə düşərək məsələnin nə yerdə olduğunu öyrənəcək. www.kitabxana.net – Milli Virtual-Elektron Kitabxananın e-nəşri Vasif Şıxıyev Gecikmiş qisas 80 Oğlum həyətə düşəndə mən də balkona çıxaraq aşağıda nə baş verəcəyinə tamaşa etməyə başladım. Oğlum binanın blokundan çıxaraq maşına yaxınlaşanda, birdən maşınım işə düşdü. Rul arxasında oturan naməlum şəxs oğlumu maşının qarşısına alaraq binanın divarına çırpdı. Ardınca daha bir neçə dəfə oğlumun üstündən maşınla o yan bu yana keçərək vəhşicəsinə oğlumu qətlə yetirdi. Maşının rulundakı və yanlardakı hava yastıqları açıldığına görə qəza zamanı cinayətkara heç nə olmadı. Həmin vaxt mənim hansı vəziyyətə düşdüyümü təsəvvür edə bilməzsiniz. Atanın gözü qarşısında oğlunu qətlə yetirirlər, amma ata heç nə edə bilmir. Hadisənin şokundan özümə gələn kimi mən dərhal həyətə doğru qaçmağa başladım. Amma mən 5-ci mərtəbədən düşərək həyətə çatana kimi cinayətkar çoxdan maşından düşərək ərazini tərk etmişdi. Beləcə mən həyətə çatdıqda ancaq oğlumun maşınla parça- parça edilmiş cəsədi ilə rastlaşdım. Havanın qaranlıq olması da qatilə tez aradan çıxmağa imkan yaratdı. Kənardan onu görməyə müvəffəq olan bir-iki şəxs şahid qismindəki ifadələrində qatilin maska geyindiyini bildirmişdilər. Əlində isə əlcəyin olması rul üzərində onun barmaq izinin düşməsinə imkan verməyib. Ümumiyyətlə, qatil işini elə planlaşdırıb ki, cinayəti törətdikdən sonra ortalıqda onu ələ verəcək kiçik çöp qırıntısı belə buraxmayıb. Ancaq bir şeyə qəti əminəm ki, o, hər şeyi əvvəlcədən planlaşdırıbmış. - Siz nəyə görə belə dəqiqliklə əminsiniz ki, cinayətkar hər şeyi əvvəlcədən planlaşdırıb ? – deyə Tərlan növbəti dəfə Rasimə sual verdi. - Qatil əvvəlcə avtomobilimin yan şüşələrindən birini sındırır. Mən bunu bilmədiyimə görə işə düşən siqnalizasiyanı sadəcə eyvana çıxmaqla söndürdüm. Amma mən yuxarıdan siqnalizasiyanı söndürürdüm, o, isə yenidən onu işə salırdı. Ən sonda isə qatil oğlumun yuxarıdan gəldiyini hiss edərək rul arxasına keçir və açarın yanındakı naqilləri açaraq, onları bir-birinə toxundurmaqla maşını işə salır. Beləcə Yüklə 2,96 Kb. Dostları ilə paylaş:
|