|
Maktabgacha yoshdagi bolalarni atrof olam bilan tanishtirishda milliy va xorijiy tajribalar1523-Текст статьи-4730-1-10-20221113Таълим ва инновацион тадқиқотлар (2022 йил №7)
ISSN 2181-1709 (P)
250
Education and innovative research 2022 y. №7
Buyum va narsalarni umumlashtirish ko‘nikmasini bola dastlab harakat orqali
o‘zlashtiradi, keyin esa so‘z bilan mustahkamlaydi. Bola buyumlar va ularning
vazifalarini o‘zlashtirib olgach, turli vaziyatlarda ulardan foydalanishni ham bilib
oladi. Bola buyumlar va faoliyatning o‘zaro bog‘liqligini anglay boshlaydi. Ya’ni
harakat bilan buyumlarni o‘zgarishini tushunadi. Bunday manipulyativ harakatlar
har qanday o‘yinchoq va buyumlar bilan bolaning o‘ynay olishini ta’minlaydi.
Rossiyalik olima A.P.Usova bolalarda bilimlar ikki kategoriyada shakllanishini
asoslaydi “Birinchi kategoriyada bolalar oilaviy sharoit, kattalar bilan kundalik
muloqotda, o‘yin va kuzatish jarayonida bilimlarni o‘zlashtiradilar; ikkinchi
kategoriyada bilim va tajribalar ta’lim jarayonida mashg‘ulot va ta’limiy faoliyatda
o‘zlashtiriladi“[13].
M.Davletshin “asosan maktabgacha davrdan boshlab, bolaning mustaqil
faoliyati kuchaya boshlaydi. Bog‘cha yoshidagi bolalarga beriladigan tarbiya
ularning murakkab harakatlarni o‘zlashtirish, elementar gigiena, madaniy va
mehnat malakalarini shakllantirish, nutqni rivojlantirish hamda ijtimoiy axloq va
estetik didning dastlabki kurtaklarini hosil qilish davridir” deb maktabgacha yosh
eng qulay senzitiv davr ekanini asoslaydi [4; 38-b].
Bolalarning psixik xususiyatlarini e’tiborga olgan holda o‘quv jarayonini tashkil
etish maktabgacha ta’lim metodikasining muhim tamoyili hisoblanadi. Ushbu
tamoyilni amaliyotga joriy etishda har bir yosh guruhida kollaborativ hamkorlikni
tashkil etish, tarbiyalanuvchilarni har tomonlama tarbiyalashda birgalikdagi harakat
muhitini yaratish kabi yondashuvlardan samarali foydalanish muhim metodik
talablar sanaladi.
Portugaliyalik M.E.Ferreira “Bolalarga atrof-muhitga do‘stona munosabat
asosida ekologik ta’lim berish” mavzusidagi ilmiy ishida amaliy mashqlar orqali
ekologik tarbiya berish, atrof-muhit ta’limini singdirish muhimligini asoslab bergan
[14]. Insonning ta’lim olishi, mehnat qilishi, ma’naviy shakllanishida tabiatning
o‘rni va roli muhim. Mehnat faoliyati tabiat qo‘ynida, ish qurolidan foydalanish
orqali tashkil etiladi. Bunda inson o‘z ehtiyojlarini qondirish yo‘lida faollik qiladi
va bajargan ishlaridan ma’naviy ozuqa oladi. Shu va boshqa ehtiyojlar bolalarda
ham mavjud bo‘lib, ularni turli faoliyat asosida qondirishga harakat qiladi.mazkur
jarayonda integratsion yondashuvni amalga oshirish zarurligini asoslab bergan.
Bolalarni atrof olam bilan tanishtirishda davlat talablarining barcha rivojlanish
sohalarini uyg‘unlikda amalga oshirishda ntegratsion yondashuv muhim sanaladi.
AQShlik olim R.A.Fisher (The University of Tennessee at Chattanooga)
“Maktabgacha ta’lim yoshdagi tarbiyalanuvchilarning so‘zlarni anglashi va
ijodkorligiga atrof-muhit ta’limining ta’siri” mavzusidagi doktorlik ishida bolalar
so‘z boyligi va nutqining rivojlanishiga atrof-muhitning ta’siri tahlil etilgan [15].
Ma’lumki bizni o‘rab turgan atrof olam butun borliq bu tabiat in’omi hisoblanadi.
Ilk yoshlikdan bolalarni tabiatni asrashga o‘rgatib borish maqsadga muvofiq.
Maqolada maktabgacha yoshdagi bolalarni atrof olam bilan tanishtirishga oid
mamlakatimiz va xorijiy olimlarning metodik va pedagogik g‘oyalaridan atrofdagi
olam bilan tanishtirish mashg‘ulotlarida foydalanish bo‘yicha bir qator tavsiyalarni
ishlab chiqish va joriy eish muhim ahamiyat kasb etadi. Mazkur jarayonda atrof
olam bilan tanishtirish mashg‘ulotlarini kuzatish, suhbat, mashg‘ulot loyihasi kabi
usullar qo`llanilishi maqsadga muvofiq.
Natija va mulohazalar. O‘rganilgan adabiyotlar va kuzatuvlarimizning
ko‘rsatishicha bolaning maktab ta’limiga mukammal tayyorligiga to‘sqinlik
qiladigan tashqi va ichki omillarning ta’siri nafaqat jismoniy va ruhiy rivojlanishiga
ta’sir qiladi, balki u har qanday salbiy ta’sir xoh u jismoniy, xoh ruhiy bo‘lsin,
avvalo uning umumiy rivojlanishiga ta’sir ko‘rsatadi.Pedagogik jarayonni tashkil
etishda tarbiyachi turli faoliyat yo‘nalishlarida o‘zini namoyon qiladi. Tarbiyachi
qaysi yo‘nalishda faoliyat olib bormasin, uning markazida bola shaxsi, uning
|
|
|