Ma’lumotlar. Rеjа

O’rindoshlik o’lchash usuli – bu usul o’lchanayotgan kattalikning o’lchov orqali yaratilgan ma’lum qiymatli kattalik bilan o’rin almashishiga asoslangan.
Masalan, qarshiliklar magazini yordamida tekshirilayotgan resistor R_x ning qarshiligini topish. Bunda kalit “K” ni ikkala holatda (1 va 2) qo’yganda α₁= α₂ shart bajarilishi kerak.


I₁=U/R₀ α₁ ;
I₂=U/R_x α₂ ,
bu yerda α₁ va α₂ lar ampermetr
ko‘rsatkichining og‘ish burchagi.


Mos kelish usuli – bu o’lchanayotgan kattalik bilan o’lchov orqali yaratilgan kattalikning ayirmasini shkaladagi belgilar yoki davriy signallarni mos keltirish orqali o’tkaziladigan o’lchash. Masalan, kalibr yordamida val diametrini o’lchash, yoki uzunlikni shtangensirkul bilan o’lchash. Bundan tashqari o’lchanadigan kattalikning vaqt bo’yicha o’zgarish jarayoniga qarab o’lchash quyidagicha turlanadi. O’lchash jarayonida vaqt bo’yicha o’zgaradigan kattalikni o’lchash – statik (bunga, kattalikning turg’un, ta’sir etuvchi, amplituda qiymatlarini o’lchash misol bo’ladi), vaqt bo’yicha o’zgaradigan qiymatlarni o’lchash esa – dinamik o’lchash deyiladi (masalan, tok yoki kuchlanishlarni oniy qiymatlarini o’lchash).
Dinamik o’lchshlarda agar o’lchash vositasi o’lchanadigan kattalikning uzluksiz o’zgarishini qayd qila olsa, bunda uni uzluksiz o’lchash deyiladi.
Diskret o’lchash usuli. Diskret o’lchash usuli – shundayki, bunda vaqt bo’yicha o’zgaruvchi kattalikning (0?t gacha) hamma qiymati emas, balki ba’zi momentlarga tegishli qiymatigina ma’lum bo’ladi.
Boshqacha aytganda diskret o’lchash usulida vaqt bo’yicha uzluksiz o’zgaradigan kattalik vaqt bo’yicha diskretlanadi, miqdor bo’yicha esa kvantlanadi. Grafikdagi X(t) – vaqt bo’yicha uzluksiz o’zgaradigan kattalikning o’zgarish grafigi; X_k – kvant miqdorlari ya’ni o’lchanadigan kattalikning t₁,t₂,...,t_n – momentlariga tegishli uzuq qiymatlari. Diskretlash bu muayyan diskret (juda qisqa) vaqt oralig’ida qaydnomalarni olishdir. t_1, t_2,...,t_n – diskretlash momentlari
deyiladi va t₁? t₂ gacha oraliq diskretlash qadami deyiladi. Kvantlash esa, X(t) kattalikning uzluksiz qiymatlarini X_k diskret qiymatlarining to’plami (nabori) bilan almashtirishdir.
O’lchanadigan kattalikning uzluksiz qiymatlari muayyan tartiblar asosida kvantlash darajalarining qiymatlari bilan almashtiriladi. Kodlashtirish esa muayyan ketma – ketlikda ifodalangan sonli qiymatlarni tavsiya etishdan iborat.
Uzluksiz o’zgaruvchan kattalikning diskret usuli asosida uzuq diskret qiymatlariga, kodlarga o’zgartirilishi asosan uch xil usulda amalga oshiriladi (3.1 – rasm a,b,v):
a)ketma-ket hisob usuli; b)taqqoslash (solishtirish) usuli; v)sanoq usuli.

3.1 - rasm