Antik dövrdə maşınqayırma
53
Şəkil 1.23. Qədimdə yüklərin diyircəklərlə daşınması.
güman edilir [1.41].
Bu vintin işləmə prinsipi çox sadədir. Arximed vinti, indi bizə
məlum olan sonsuz vintdən başqa bir şey deyildir. Sonsuz vint bir
ucundan aşağıda yerləşən su çənində hərəkətli yerləşdirilir, o biri ucu isə
müəyyən hündürlükdə yerləşən çəndə hərəkətli bərkidilir (şəkil 1.24).
Vintə fırlanma hərəkəti verildikdə vintlər arasında qalan su kütləsi hər
dəfə yeni götürülən suyun hesabına yuxarıya sıxılaraq hərəkət etdirilir.
Vintin ixtirasından sonra o, qaldırıcı maşında, presdə və böyük qüvvə
tələb olunan başqa maşında da bu günə kimi geniş tətbiq edilir. Bu
günkü maşınqayırmanın inkişafını vintlərsiz təsəvvür etmək çətin olardı.
Yüklərin maili müstəvidə yivli boltun köməyi ilə yuxarıya daşınması
Arximedin dövründə böyük texniki inqilab idi. Belə bir fərziyyə də
mövcuddur ki, Arximed vintli hərəkəti maili müstəvi üzərindəki
hərəkətdən almışdır. Başqa bir fərziyyəyə görə, vinti Arximed Misirə
səfəri zamanı Nil çayından əkin sahələrini suvarmaq üçün, suyu
yuxarıda yerləşən sahələrə qaldırmaq üçün ixtira edib. Bu, bir fərziyə
olsa da, tarixi tapıntılar vintin Orta Asiyada tətbiq olunmasını sübut edir.
Antik dövrdə maşınqayırma
54
Vitruvi b.e.ə. 16-13-cü illərdə yazdığı “Memarlıq haqqında on kitab”
əsərində o dövrdə ilbis adlandırılan, su qaldıran vint haqqında
yazmışdır. O, bu əsərdə vintin hazırlanma texnologiyasını ətraflı təsvir
etmişdir [1.42].
Şəkil 1.24. Arximed vintinin sxematik təsviri və “METALL ATELIER“
firmasının (AFR) hazırladığı modeli.
Texnikada Arximedin əsas işlərindən biri də hidrostatika elminin
təməlini qoyması ilə bağlıdır. Hidrostatikada Arximed qanunu ilə o,
pioner olaraq ilk dəfə materialların xüsusi çəkisi haqqında anlayışı
vermişdir. Arximedə görə, suya batırılan yükün çəkisi qabdan sıxışdırıb
çıxardığı suyun həcmi ilə mütənasibdir. Bu qanunu o
ΙΙ
Heronun verdiyi
tapşırıq üzərində düşünən zaman kəşf etmişdir. Vitruvinin yazdığına
görə şah üçün qızıldan hazırlanmış tacın saflığını yoxlamaq üçün
Arximed uzun müddət fikirləşəndən sonra, hamamda suya girən zaman
tənəkədən tökülən suyun onun çəkisinə bərabər olduğunu aşkar edir.
Bununla o, məsələnin həllini tapmış olur və hamamdan çıxaraq
“Heureka, heureka! “(yəni, tapdım) deyə-deyə qışqıraraq qaçır. Bu
kəşfdən sonra Arximed şahın tacının çəkisinə uyğun qızılı suya salır və
sıxışdırılıb çıxarılan suyun həcmini ölçür. Sonra tacı suya salır və axan
suyun həcmini təyin edir. Bu yolla Arximed tacın qızıldan olmadığını
təyin edir.
Bundan əlavə, qədim salnaməçilərdən Çeç və Polibi də öz əsərlərin-
Antik dövrdə maşınqayırma
55
də Arximedin ballist və başqa döyüş maşınlarını romalılarla döyüş
zamanı tətbiq etməsindən bəhs edirlər [1.38, 1.39, 1.43].
Arximed mühəndis kimi II Pun müharibəsində Sirakusi şəhərinin
müdafiəsində iştirakından sonra daha da məşhurlaşır. Düzəltdiyi hərbi
maşınlarının köməyi ilə Sirakusi şəhərini alınmaz qalaya çevirən
Arximed romalı sərkərdə Marçellinin (ingl. Marcelli) əzəmətli ordusunu
iki il şəhər qalasına yaxın buraxmamışdir.
Leontin şəhərini asanlıqla alan Roma ordusu bütün gücünü
toplayaraq Sirakusiyaya hücuma keçmişdir. Sərkərdə Marçellinin
planına görə şəhər asanlıqla bir neçə günün ərzində ələ keçirilməli idi.
Ordunu quruda və suda şəhərə
yaxınlaşdıran
Marçelli
çoxsaylı
əsgərlərin hesabına şəhəri 5 günün
içərisində tam mühasirəyə alır.
Ancaq Roma ordusu Arximedin
rəhbərliyi altında şəhərin daxilində
gedən hazırlıqdan xəbərsiz idi.
Romalılar
şəhərə öncə sudan
hücuma keçməyə cəhd göstərirlər.
Marçelli 60-a yaxın beş yelkənli
gəmilərin köməyi ilə şəhər qalasına
sudan hücuma keçir. Tam silahlanmış əsgərlərlə dolu gəmilər hücum
üçün traplarla təchiz olunmuşdular. Bu hücumun qarşısına Arximedin
düzəltdiyi mərmi atan maşınlar çıxarılır. Göydən yağdırılan mərmilərin
altinda Roma gəmiləri köməksiz qalaraq heç nə edə bilmirlər.
Mərmilərin uzağa düşdüyünü görən Arximed yaxın məsafəyə daş atan
maşınları işə salır. Romalıların qurudan hücumu zamanı divarlara
dırmaşan əsgərlərin qarşısını almaq üçün qalada gizlənmiş maşınlar
çıxarılır. Onlardan bir hissəsi çəkisi 250 kq olan daşlar, digərləri böyük
qurğuşun parçalar gətirirdi. Gəmilərdən divara uzadılmış ağac
nərdivanlar kranlarla tutularaq yuxarıya qaldırılır, sağa-sola hərəkət
etdirilərək aşağıya buraxılırdı. Bunun dalınca atılan daş aşağıda, gəmidə
Şəkil 1.25. Gəmilərin müharibədə
kranlarla tutulması.