Mavzu: Futbolni o’rgatishda qo’llaniladigan usullar va tamoyillar Reja

9-rasm. Oyoq kaftining ichki tomoni bilan to‘p to‘xtatish

Dumalab kelayotgan to‘pni to‘xtatish uchun dastlabki holat to‘p tomonga qarab turish. Gavdani og‘irligi sal bukilgan tayanch oyoqda. To‘xtatuvchi oyoq olg‘a tomon (to‘p qarshisiga) uzatiladi. Oyoq kafti tashqariga 90^o buriladi. Oyoq uchi sal ko‘tarilgan bo‘ladi.
To‘p bilan oyoq kafti to‘qnashgan paytda to‘xtatuvchi oyoq tayanch oyoq darajasiga qadar orqaga olinadi. To‘xtatuvchi yuza oyoq kafti ichki yuzasining o‘rtasiga to‘g‘ri keladi.
Pastlab, yani tizza baravar uchib kelayotgan to‘pni to‘xtatishdagi harakatlar dumalab kelayotgan to‘plarin to‘xtatishdagi harakatlardan unchalik farq qilmaydi. Biroq, past uchib kelayotgan to‘pni to‘xtatdigan oyoq tayyorlov fazasida bukilib, to‘p balandligiga qadar bukiladi.
Balandlab uchib kelayotgan to‘plar sakrab to‘xtatiladi. ‘ir yoki ikki oyoqda depsinib, yuqoriga sakraladi. To‘xtatuvchi oyoqning tos-son va tizza bo‘g‘imlari qattiq bukiladi. Oyoq kafti tashqari tomonga buriladi. To‘p to‘xtatilgandan keyin bir oyoqda erga tushiladi.
Tagcharm bilan to‘p to‘xtatish dumalab kelayotgan va pastga tushayotgan to‘plarni to‘xtatishda qo‘llaniladi. (10-rasm). Dumalab kelayotgan to‘pni to‘xtatishdagi dastlabki holat-to‘p tomonga qarab turish, gavdani og‘irligi tayanch oyoqda. To‘p yaqinlashib qolganda to‘xtatuvchi oyoq sal tizzadan bukilib to‘p tomonga uzatiladi. Kaftining uchi 30-40^o yoziq (yuqori ko‘tarilgan) bo‘ladi. Tovon er yuzasidan 5-10sm yuqoriroqda turadi.