Mavzu: Obraz poetikasi

Shoir ko‘z oldimizga konkret ayolni gavdalantiradi, uning fojeali taqdiri, yolg‘izlikda kechayotgan mashaqqat va iztirobga to‘liq turmush tarzini bir nechtagina yorqin detal yordamida tasvirlash orqali umuman urush haqida, uning oqibatlari – xalqimiz boshiga keltirgan kulfatlar haqida, og‘ir damlarda sinaluvchi insoniy hislar haqida mushohada yuritadi.

Bu she’r xususida tarixchi, yo demograf olim quyidagicha fikr yuritadi: “Ikkinchi jahon urushining dastlabki kunlaridanoq... - ... yillarda tug‘ilgan yigitlar frontga safarbar etildi. Sho‘ro hukumati urush harakatlarida insonni tejash yo‘lini tutmagani tufayli janggohlarda ... nafar yigitlarimiz halok bo‘ladi. Buning natijasida urush davri va undan keyingi yillarda jamiyatdagi erkak-ayollar nisbatida nomutanosiblik yuzaga keldi: demografik vaziyat tanglashdi. Ko‘plab ayollar yolg‘iz umrguzaronlik qilishga mahkum bo‘ldi. Jamiyatda “yolg‘iz ayol” toifasi yuzaga keldi”.