Mavzu: Xonadonni kichik ta’mirlash (bo‘yash) ishlari texnologiyasi. Sodda elektromontaj ishlarini bajarish. Reja

Mavzu: Xonadonni kichik ta’mirlash (bo‘yash) ishlari texnologiyasi. Sodda elektromontaj ishlarini bajarish. Reja

MAVZU: Xonadonni kichik ta’mirlash (bo‘yash) ishlari texnologiyasi. Sodda elektromontaj ishlarini bajarish.
REJA:

1. Uy va xonadonlarni ta’mirlash ishlarining asosiy turlari.

   
   

2. Ta’mirlashda qo’llaniladigan zamonaviy qurilish materiallari.

   
   

3. Uy va xonadonlarni ta’mirlashda qo’llaniladigan asosiy ish asboblari.

   
   

Tayanch tushunchalar: polimer, eksreziya, puflab, shtamplash, presslash, payvandlash, rezina, to’ldirgichlar, plastifikatorlar, plastmassa, teflon, fenoplastlar, aminoplastlar, poliamidlar, efiroplastlar.
Polimerlar bir necha mingdan tortib, to bir necha milliongacha atomdan iborat birikmalardir. Polimerlar tabiiy va sun’iy bo‘ladi. Tabiiy polimerlarga selluloza, jun, ipak, tabiiy kauchuk va boshqalar, sun’iylariga esa organik shisha, polietilen, viskoza, kapron, neylon, sintetik kauchuk va boshqalar kiradi.
Yuqori molekular organik birikmalar yoki ularning guruhlari, ko‘pincha, smolalar deb ataladi.
Plastiklik barcha polimerlarga ham xos bo‘lavermaydi. Polimer materiallardan istalgan shakldagi xilma-xil buyumlar, shuningdek, ip, plyonka, list, truba va hokazo mahsulotlar tayyorlanadi. Polimerlarning o‘ziga xos fizikaviy va texnologik xususiyatlari ularni buyumlarga va yarimfabrikatlarga aylantirishda maxsus usullardan foydalanishni talab etadi. Polimerlarni buyumlarga aylantirishning asosiy usullari ekstruziyalash, odatdagi usulda quyish, bosim ostida quyish, presslash, quyma presslash, ko‘pirtirish, payvandlash, qizdirib purkash, randalash, shuningdek,dastgohlarda qirindi kesib olish yo‘li bilan ishlash mumkin.
Yuqori molekular birikmalar, sun’iy ravishda tayyorlangan va muayyan temperatura va bosimda plastiklik xossalariga ega bo‘lgan materiallar plastik massalar (plastmassalar) deyiladi. Hozirgi vaqtga kelib, o‘z xossalari jihatidan xilma-xil plastmassalar, rezina buyumlar, shu jumladan, juda puxta konstruksion plastmassalar, Yarim o‘tkazgichlar, o‘tkazgichlar va boshqa plastmassalar turmushda foydalaniladi.
Bu materiallar, ko‘pgina hollarda qimmat turadigan metallar o‘rnida ishlatilmoqda. Bundan tashqari, texnika taraqqiyoti sanoatga plastmassalarning joriy qilinishiga ko‘p darajada bog‘liqdir. Ko‘pincha, plastmassalar bir necha xil moddadan iborat bo‘ladi. Masalan, ular tarkibiga bog‘lovchi va to‘ldiruvchi moddalar, plastifikatorlar, bo‘yoq moddalar va boshqalar kiradi. Ba’zi plastmassalar, masalan, organik shisha, poliamid, polietilen faqat polimerlarning o‘zidangina iborat bo‘ladi.
Murakkab tarkibli plastmassalarda bog‘lovchi moddalar vazifasini polimerlar o‘taydi.
Polimerlash yo‘li bilan polistirol, polivinilxlorid, poliakrilat (organik shisha) va boshqa polimerlar olinadi. Ikkita har xil monomerni birgalikda polimerlash yo‘li bilan ham yangi polimer olish mumkin. Bu holda olingan yuqori molekular moddalar sopolimerlar deb ataladi. Sopolimerda ikkala monomerning xossalari mujassamlangan
bo‘ladi. Plastmassani ishlab chiqarishning quyidagi usullari bor: ishlov berishda bosim ostida quyish, ekstruziya, puflab yoki vakuumli shakllantirish, issiq siqish, shtamplash va boshqalar. Termoplastlarga ishlov berishning nisbatan rivojlangan usuli. Kukun sifatidagi materialni issiq silindr ichiga solib, suyuq holatga keltirib, bosim ostida sovuq qolipga quyiladi va sovitilib, tayyor mahsulot olinadi. Bosim ostida quyilgan buyumlar o‘zining yaltirashi va qolipning tozaligi bilan ajralib turadi. Shu usulda polistrol, polietilen va boshqalardan buyum yasaladi. Eksruziya – bu bosim ostida quyishning bir turi. To‘xtovsiz bosim berish natijasida truba, tola, plyonka olish mumkin. Puflab yoki vakuumli shakllantirish – atmosfera yoki havoni, biror-bir gazni purkab yumshoq termoplastdan shakl hosil qilish. Puflab yasalgan buyumlarda biriktirilgan joylarning belgisi qoladi. Shtamplash – termoplast listlarni matritsa ostida puansonga bosib shakllantiradi. Bu usulda attorlik buyumlari yasaladi. Plastmassa buyumlarining bezagida quyidagi usullar qo‘llaniladi: bo‘yash, qisish, shtamplash, metallash va boshqalar.