Mehrjon bayrami

BTS
02.20 TALABASI ESHQUVATOVA RIMMANING
TABIIY FANDAN BOSHLANG`ICH SINFLAR UCHUN “MEHRJON BAYRAMI” TADBIRI SSENARIYSI
MAVZUSIDAGI

Boshlang`ich sinflar uchun “Mehrjon bayrami” tadbiri ssenariysi

Tadbir o`tkaziladigan joy turli hil mevalar, ko`rgazmalar va shiorlar bilan bezatilgan. Sahnaga jarchi kirib keladi.
Jarchi: Ho-ho-ho, odamlaru odamlar!
Eshitmadim demanglar.
Hosil bayrami bugun,
Yuzlar shodlikdan gulgun.
Ko`rgan do`star darmonda,
Ko`rmaganlar armonda.
1-o`quvchi: Qani do`stim, bayramni boshlaymizmi?
2-o`quvchi: Albatta boshlaymiz, eng oldin mehmonlar bilan salomlashib olaylik.
1-o`quvchi: Assalom davramizning,
Siz aziz mehmonlari.
Assalom ilm-fanning,
Sohibu davronlari!
2-o`quvchi: Hush kelibsiz onajonlar,
Otaxonlar assalom.
Hur Vatan chechaklari,
Bolajonlar assalom!
1-o`quvchi: Endi navbatni kimga bersak ekan?
2-o`quvchi: O`rtoqjon, ko`rib turibsanki, bugun hamma xursand. Chunki dehqonlar ham, bog`bonlar ham hosilni rejadan ortig`i bilan yig`ib-terib olishgan. Do`stim, bog`bon boboni chaqiraylikda, ularning dil so`zlariga quloq tutaylik.
1-o`quvchi: Mayli.
Bog`bon bobo, bog`bon bobo,
Davramizga marhabo.
Bog`bon bobo: Labbay aziz bolalarim, gulgun chehra donolarim. Hosil bayramingiz muborak bo`lsin! Men bog`imdan sizlar uchun shirin-shakar mevalardan olib keldim.
Bolalar: Rahmat bog`bon bobo, sizning ham bayramingiz muborak bo`lsin!
Navshati: Meni derlar navshati,
Mevalarim sharbatli.
Olma: Yuzlarim taram-taram,
Yesangiz maza biram.
Vitaminning koniman,
Asli darmondoriman.
Anor: Anorman, qizil yuzim,
Yumaloqman, men o`zim.
Ohista ochib po`stim,
Maza qilib ye do`stim.