Mektepke shekemgi bilimlendiriw shólkemlerinde bolajaq tárbiyashí pedagoglardíŃ KÁsiplik motivaciyasín asíRÍw texnologiyalarí

“MEKTEPKE SHEKEMGI BILIMLENDIRIW SHÓLKEMLERINDE BOLAJAQ TÁRBIYASHÍ PEDAGOGLARDÍŃ KÁSIPLIK MOTIVACIYASÍN ASÍRÍW TEXNOLOGIYALARÍ” temasındaǵı magistrlıq dissertaciya
ANNOTACIYASÍ
Magistrlıq dissertaciya jumısınıń obyekti - pedagogikalıq joqarı tálim shólkemleri mektepke shekemgi tálim baǵdarı studentleriniń kásiplik motivaciyasın jetilistiriw procesi.
Magistrlıq dissertaciya jumısınıń maqseti: bolajaq mektepke shekemgi tálim shólkemleri tárbiyashı-pedagoglar kásiplik motivaciyasın qáliplestiriw texnologiyaların jetilistiriwden ibarat.
Magistrlıq dissertaciya jumısınıń metodı:
Teoriyalıq (retrospektiv analiz, analitikalıq-statistikalıq,) diagnostikalıq (sáwbet, baqlaw, sorawnama, test, klassifikaciyalaw ), prognostikalıq (ózbetinshe bahalardı ulıwmalastırıw, ekspert bahalaw ), matematikalıq hám pedagogikalıq eksperiment (maǵlıwmatlardı matematikalıq-statistikalıq analiz qılıw, nátiyjelerdi grafik súwretlew) metodları tiykarında qayta islew.
Magistrlıq dissertaciya jumısınıń ilimiy jańalıǵı:
- Bolajaq tárbiyashı-pedagoglar kásiplik motivaciyasın qáliplestiriwdiń pedagogikalıq zárúrligı hám qásiyetleri kásiplik kompetentlikke ayrıqsha áhmiyet beriw, tálim texnologiyaların mektepke shekemgi tálim oqıw procesi mazmunına sistemalı engiziw tiykarında anıqlastırıladı;
- Mektepke shekemgi tálim baǵdarı studentleri kásiplik motivaciyasın qáliplestiriwde balaǵa jóneltirilgen tálim texnologiyaların qollawdıń didaktikalıq múmkinshilikleri shınıǵıwlar integraciyasın algoritmik proektlestiriw hám tálimge differencial jantasıwdıń individual, frontal hám jámáátlik formalarınan transcendental (shegaradan tısqarına shıǵıs yamasa tabatuǵın zattı belgileytuǵın yaǵnıy ayrıqsha áhmiyetinen asıp ketiw) paydalanıw tiykarında ashıp beriledi;
- Bolajaq tárbiyashı-pedagoglar kásiplik motivaciyasın qáliplestiriw texnologiyasınıń programmalıq hám didaktikalıq támiynatı variativlikke tiykarlanǵan oqıw procesin kompleks proektlestiriw hám tárbiyashı-pedagog kognitiv iskerligine salıstırǵanda tálim standartları, ilimiy tájriybe talaplarınan ibarat social buyırtpanı inabatqa alǵan halda rawajlandırıladı.