100
Холодная война. 1945-1963 гг. Историческая ретроспектива. Москва, 2003.
Черчилль У. Вторая мировая война. В 3-х книгах. Москва, 1991.
Шацилло К.Ф. От Портсмутского мира к первой мировой войне. Генералы и
политика. Москва, 2000.
Эмир-Ильясова Э.И. Азербайджан в системе международных отношений. Баку,
2000.
Якобсон Г.А., Тейлор А. Вторая мировая: два взгляда (пер. с немецкого). Москва,
1975.
İngilis dilində
After the Soviet Union. From Empire Nations. N.Y.- L., 1992.
Durch William J. (ed). Peacekeeping, American Politics and Uncivil Wars of the 1999 s.,
N.Y., 1996.
Kazemzadeh F. The Struggle for TransCaucasus (1817-1921). N.Y., 1951.
New States, New Politics: Building the Post-Soviet Nations. Cambridge. 1997.
Swietochowski T. Russian Azerbaijan/ 1905-1920. Cambridge, 1985.
Wolf, Stuart (ed). Nationalism in Europe 1815 to the Present London: Routledqe, 1996.
İnternet resursları
http//:www grid/let/rug/hi/ahc
http//:www. chagala.com/usrolez.pdt
http//:www.cis.by
http//:www.csf.colorado.edu/case net/index.html
http//:www.d-n-i.net
http//:www.etown.edu/v1/
http//:www.lib.byu.edu/rdh/wwi/
http//:www.lib.muohio-edu/inter/subj/history/wwii/index.html
http//:www.ukans.edu/histoty/vl
Beynəlxalq jurnallar
Дипломатический вестник. Москва, 1992-2005.
МЭИМО. Москва, 1992-2005.
США. Экономика, политика, идеология. Москва, 1998-2005-08-23.
101
III FƏSİL
MÜASİR BEYNƏLXALQ MÜNASİBƏTLƏR SİSTEMİNİN
YARANMASI: XARAKTERİSTİKASI, TENDENSİYALARI VƏ ƏSAS
AKTORLARI
Mövzular:
1. Müasir beynəlxalq münasibətlər sisteminin yaranması və əsas
xarakterik xüsusiyyətləri
2. Yeni dünya nizamı və onun mahiyyəti
3. Qloballaşma və dünya siyasətinin transmilliləşməsi
4. Beynəlxalq inteqrasiya və onun müasir dünya siyasətinə təsiri
5. Dünyanın demokratikləşməsi tendensiyası və milli dövlətlər
6. Müasir dünya siyasəti və beynəlxalq təşkilatlar
1. MÜASİR BEYNƏLXALQ MÜNASİBƏTLƏR SİSTEMİNİN YARANMASI VƏ
ƏSAS XARAKTERİK XÜSUSİYYƏTLƏRİ
ATƏT-in ideoloji və sinfi qarşıdurma dövründə keçirilmiş son zirvə görüşü 1990-cı
ildə Parisdə toplandı. Bu sammitdə müasir beynəlxalq münasibətlər sisteminin əsas
prinsiplərini və beynəlxalq hüququn bəzi yeni normalarını müəyyən edən “Paris
Xartiyası” adlı mühüm bir sənəd qəbul olundu.
Sammit ərəfəsində artıq SSRİ və onun sosialist bloku ciddi böhran içərisində idi
və günü-gündən öz müqavimət gücünü itirirdi.
Ümumiyyətlə, 1990-cı illərdə beynəlxalq münasibətlər sistemində çox ciddi
dəyişikliklər müşahidə olunmaqda idi. O vaxta qədər sistemin daxili strukturunda və
xarakterində mühüm təsir gücünə malik olan ABŞ və onun Qərb müttəfiqlərinin
güclənməsi fonunda SSRİ və onun sosialist bloku çox gərgin böhranla üzləşmişdi.
İqtisadi, siyasi, sosial həyat həm SSRİ, həm də onun müttəfiqlərinin inkişaf potensialını
tükətmiş və Qərb ölkələri ilə yarışmada tam məğlub vəziyyətə salmışdı. Dövlət
idarəçiliyi, daxili siyasət, dövlət-vətəndaş münasibətləri iflasa uğrayırdı. Ölkə
102
vətəndaşları, milli, dini, ictimai və siyasi təşkilatları kütləvi hərəkatlara başlamışdılar ki,
bu da Qərb ölkələri tərəfindən özlərinin antisovet fəaliyyətində məharətlə istifadə
olunurdu.
ABŞ və onun Qərb müttəfiqləri SSRİ-nin zəifləməsindən istifadə edərək tədricən
onun təsir dairəsində olan ölkələrə və bölgələrə daxil olmağa başlayırlar.
1990-91-ci illərdə ABŞ sosializmin ərəb dünyasında əsas müttəfiqlərindən biri
olan İraqı darmadağın edir, Suriyadan, Əlcəzairdən, Misirdən, Tunis və Liviyadan isə
SSRİ-ni tədricən sıxışdırır.
1986-1989-cu illərdə ABŞ güclü diplomatik və siyasi təzyiqlərlə sovet
qoşunlarının Əfqanıstandan çıxarılmasına, bu ölkədə yaradılmış sosialist yönlü dövlət
quruluşunun ləğv edilməsinə nail olur və beləliklə də, bütün islam dünyasında SSRİ-nin
nüfuzuna çox ciddi zərbə vurulur.
Elə həmin dövrdə ABŞ və Qərb dövlətləri SSRİ-nin ənənəvi təsir dairəsi hesab
olunan Xəzər regionuna daxil olmağa, bu hövzənin əhəmiyyətli geostrateji nöqtələrini
və zəngin karbohidrogen sərvətlərini tədqiq etməyə başlayırlar.
Bunun ardınca, Baltikyanı ölkələrdə, Şərqi Avropada SSRİ-yə, sosializm
quruluşuna qarşı kütləvi çıxışlar başlanır və dərhal Qərbin dəstəyini qazanır. Qısa
zaman çərçivəsində SSRİ-nin Şərqi Avropada əsas müttəfiqləri hesab olunan Polşa,
Macarıstan, Çexoslovakiya, ADR, Rumıniya və başqa sosialist dövlətləri Qərbə və
demokratik dövlət quruculuğuna istiqamət götürürlər. Bunun ardınca, ADR və AFR-in
tarixi birləşməsi baş verir və sovet qoşunlarının Avropadan çıxarılması prosesi başlanır.
Bütün bu proseslərə ABŞ və onun NATO üzrə müttəfiqləri rəhbərlik edirdi. 90-cı
illərin əvvəlində qarşıdurmanın kəskinləşdiyi və kim-kimi məsələsinin həll olunduğu bir
zamanda, üçüncü qütb ölkələri də beynəlxalq münasibətlər sistemində öz varlığını
nümayiş etdirməyə başlayırlar. Məsələ burasındadır ki, bəzi tədqiqatçılar və siyasi
mərkəzlər «bitərəflər bloku»nu SSRİ-ABŞ qarşıdurmasının məhsulu hesab edərək, 90-
cı illərdə yeni birqütblü dünya siyasətinin formalaşması ilə bu qütbün də aradan
çıxacağını proqnozlaşdırırdı. Lakin "bitərəflər» yaşadı və sübut etdi ki, «soyuq
müharibə»nin məhsulu olaraq yaransalar da, onlar dünya siyasətində və beynəlxalq
münasibətlər sistemində möhkəm yer tutublar, öz mövqelərini heç kimə təhvil vermək
fikrində deyillər.
«Bitərəflər» bloku bütün fəaliyyəti dövründə hər iki qarşıduran blokdan müəyyən
qədər məsafə saxladığı kimi, 90-cı illərdə ABŞ-ın tam birqütblü dünya siyasəti
formalaşdırmaq cəhdinə də layiqli müqavimət göstərməyi bacardı. SSRİ-nin süqutundan