Microsoft Word Azf-279258. doc
Kompyuter operatoru Xanlarova Nigar
Yüklə 2,8 Kb. Pdf görüntüsü
|
- Bu səhifədəki naviqasiya:
- Kompyuter operatoru Xanlarova Nigar
- Allah rəhmət eləsin, qəbri nurla dolsun, yeri əbədi behişt olsun
- Qayıtmaz oldu
117 Kompyuter operatoru Xanlarova Nigar Kəmalə xanım haqqında yazmaq mənim üçün çox çətin və ağırdır. Çünki hələ də onun yoxluğuna inana bilmirəm. Çox kövrəlirəm, bu sətirləri yazmaq çox çətindir. Kəmalə xanım kollektivin gülərüz, mehriban, hamının dadına çatan, gözəl məsləhətçi, savadlı həkim idi. Kəmalə xanım müsbət auralı bir insan idi. Adam onunla danışanda ondan yalnız müsbət enerji alırdı. Onunla həm söhbət olanda hər dəfə maraqlı lətifələr, tələbəlik illərindən maraqlı hadisələr, gözəl məsləhətlər verərdi. Həyat dolu, yaşamaq eşqilə aşıb-daşan bir insan idi. Amma ömür vəfa etmədi. Heyf... çox heyif... Biz onu heç vaxt unutmayacağıq. Çünki Kəmalə xanım unutulacaq bir insan deyil. Allah onun iki balasına can sağlığı versin. İnşallah analarına layiq övladlar olarlar. O zaman Kəmalə xanımın da ruhu göylərdə şad olar. 118 Tibb qeydiyyatçısı Əmirova Sevinc Əzizimiz Kəmalənin xatirəsinə. Kəmalə haq- qında yazmaq çox çətindir. O, çox mehriban, gülərüz, səmimi, əsasən də səbirli insan idi. O, nə qədər gülərüz olsaydı da gözləri hər zaman kədərli idi. Hər bir insan kimi onun dsa qəlbinin dərinliyində dərdi, kədəri və saysız arzuları var idi. Əfsus o bu arzularını sona qədər həyata keçirə bilmədi. Allah onu bu dünyadan vaxtsız apardı. Allah onun iki balasını qorusun. Deyirlər övlad atasız yox, anasız yetim qalır. Arzu edirəm onlar analarının arzularını yaşadıb, onun ruhunu sevindir- sinlər. Ailəsinə dərin hüznlə başsağlığı verirəm. Nə qədər ağır olsa da axır qəmləri olsun. Allah rəhmət eləsin, qəbri nurla dolsun, yeri əbədi behişt olsun 119 V BÖLÜM Kövrək duyğular Fərqi nə Əzrayıla can almaq hökm olubsa, Ya qocadır, ya da cavan fərqi nə. Bir çiçək ki, saralıbsa, solubsa, Yazdı, yaydı, yada xəzan fərqi nə. Az deyildir göz yaşımı silənlər, Çətin gündə daldalarda gülənlər, Nadan üçün qapısına gələnlər, Ya qanmazdır, ya da qanan fərqi nə. Allah kəlamıyla başı dolmayan, Salam verib, salamını almayan, Dar günümdə arxa, dayaq olamayan, Ya yanmazdır, ya da, yanan fərqi nə. Ara vurub ucuz şöhrətə çatan, Tülkü kimi, Şir kölgəsində yatan, Şirin şərbətinə zəhəri qatan, Ya ifritdir, ya da şeytan fərqi nə. Firudin inanmaz hər cür yalana, Lənət gəlsin qarışıqlıq salana, Tanrı nemətindən məhrum olana Ya yağlıdır, ya da yavan fərqi nə. 120 Qayıtmaz oldu Gün kimi parlayıb, ulduz tək söndü Görən balam niyə qayıtmaz oldu. İyirmi üç dekabrda çırağı söndü, Görən balam niyə qayıtmaz oldu. Otuz səkkizində torpağa getdi, Bu ahıl vaxtımda mənə zülm etdi, Yəqin ki, gül olub cənnətdə bitdi, Görən balam niyə qayıtmaz oldu. Bu gün qara geyib, qara bağladım, Həsrətindən gecə-gündüz ağladım, Ah-naləmlə sinələri dağladım, Görən balam niyə qayıtmaz oldu. Görmədim üzünü, qara gözünü, Dinləyə bilmədim axır sözünü. Orxanına qurban verdi özünü, Görən balam niyə qayıtmaz oldu. Taleyi necədə yarıtmaz oldu, Nəcəfinin rəngi saraldı, soldu. Emilya üstündə saçını yoldu, Görən balam niyə qayıtmaz oldu. 121 Hər gün soruşuram, qızım hardadı, Binəva atası intizardadı, Deyirlər ki, Rəbbin pişvazındadı, Görən balam niyə qayıtmaz oldu. Firudin illərin əzabkeşidi, Dünyanın tükənməz qəmini yedi, Üz tutub göylərə bunları dedi: Görən balam niyə qayıtmaz oldu. 122 Ay mənim nakam balam Dişinlə, dırnağınla yurd-yuva düzəltmişdin, Çox hədyanlar, hədələr, iftira eşitmişdin, Arzular qucağında qaynayıb, bərkimişdin, Mənim Kəmalə qızım, ay mənim nakam balam. Saçlarını hörməmiş, yaxşı nədi bilməmiş, Əkib məhəbbət gülü, macal tapıb dərməmiş, Danışmamış, gülməmiş, heç kimə sir verməmiş, Mənim Kəmalə qızım, ay mənim nakam balam. Mələklərin çiynində tərk etdin bu dünyanı, Atan yandı-yaxıldı, dedi ki, balam hanı, Olsaydı ixtiyari, qurban verərdi canı, Mənim Kəmalə qızım, ay mənim nakam balam. İşıqsız bəbəklərə nur çiləmək istədin, İnsanların gözünü açmaq idi məqsədin, Balanın balasını atıb-tutmaq istədin. Mənim Kəmalə qızım, ay mənim nakam balam. Otuz səkkiz yaş nədi, nə yaşadın nə gördün? Vaxtsız heykələ dönüb, ürəklərdə yaşadın, Hurilər, Pərilər, Mələklərlə qoşadın, Mənim Kəmalə qızım, ay mənim nakam balam. Gözlərinin nurunu payladın insanlara, Bu yaşında əzizim ölüm hara, sən hara, Yüklə 2,8 Kb. Dostları ilə paylaş:
|