40
Dərs 2/Mövzu:
METALLARIN MÜQAVİMƏTİNİN
TEMPERATURDAN ASILILIĞI
Maraqoyatma yaratmaq məqsədilə şagirdlərə qabaqcadan hazırlanmış didaktik vərəqlər
paylanıla bilər. Şagirdlər vərəqdəki suallara düşündükləri cavabı yazır. Suallar aşağıdakı
məzmunda ola bilər:
Naqilin müqaviməti onun uzunluğundan necə asılıdır?
Naqilin müqaviməti onun en kəsiyi sahəsindən necə asılıdır?
Naqilin müqaviməti naqilin materialından necə asılıdır?
Naqilin müqaviməti onun temperaturundan necə asılıdır?
Naqilin müqavimətinin BS-də ölçü vahidi nədir?
S.s
Naqilin müqaviməti asılıdır: Necə asılıdır? Asılılığın qrafik təsviri
1
naqilin uzunluğundan
2
naqilin en kəsiyinin sahəsindən
3
naqilin materialından
4
temperaturdan
Şagirdlərin cavabları dinlənilir, maraq doğuran və təkrarlanmayan fərziyyələr lövhədə qeyd
olunur. Tədricən tədqiqat sualı formalaşdırılır:
Tədqiqat sualı:
“
Naqilin elektrik müqavimətini və onun temperaturundan asılılığını
klassik elektron nəzəriyyəsinə əsasən necə izah etmək olar?”
“Müqavimətin naqilin temperaturundan asılılığının yoxlanması” araşdırması şagirdlərdə çox
fərziyyələrin yaranmasına səbəb ola bilər. Şagirdlər cərəyanlı metal spiralı qızdırdıqda və
soyutduqda dövrədə cərəyan şiddətinin necə dəyişdiyini ampermetrin
göstəricisinə əsasən
müşahidə edirlər.
Tövsiyə. 1. Ampermetri (yaxud qalvanometri) təcrübəyə qabaqcadan hazırlamaq lazımdır.
Bunun üçün cihazın arxasındakı vint vasitəsilə əqrəbin sıfır vəziyyəti sol kənar nöqtəyə tən-
zimlənir.
2. Ampermetr (yaxud qalvanometri) olmayan siniflərdə onun əvəzinə cib fənərinin lam-
pasından istifadə etmək olar. Spiralı qızdırdıqda şagirdlər lampanın parlaqlığını necə itirdi-
yini aydın müşahidə edəcəklər.
Nəticənin müzakirəsi dərslikdə verilən suallar əsasında aparıla bilər. Bu
zaman lövhədə
aşağıdakı cədvəlin çəkilib doldurulması həyata keçirilə bilər:
S.s Araşdırma
Cərəyan şiddətinin
qiyməti
Müzakirənin
nəticəsi
1
Cərəyanlı metal spiralı qızdırdıqda
2
Cərəyanlı metal spiralı soyutduqda
Alt
STANDARTLAR
2.1.3. Maddəni quruluşuna və xassələrinə görə təsnif edir.
3.1.1. Elektromaqnit (maqnit və işıq), atom və nüvə hadisələrinə uyğun
cihazlardan istifadə edir.
3.1.2. Elektromaqnit (maqnit və işıq), atom və nüvə hadisələrinə uyğun
fiziki kəmiyyətlər arasındakı asılılığı müəyyən edir.
Təlim
NƏTİCƏLƏRİ
Metal naqili qızdırdıqda onun temperaturunun artmasını elektron nəzə-
riyyəsinə əsasən izah edir.
Metal naqillərin müqavimətinin temperaturdan asılılığını sadə təcrübələrlə
yoxlayır.
41
Şagirdlər tamamlanmış cədvəli iş vərəqinə köçürür.
Sonrakı mərhələdə şagirdlər 5-6 nəfərlik qruplara ayrılır. Onlara dərsliyin
C blokunda
verilən nəzəri məlumatla tanış olub aşağıdakı suallar əsasında təqdimat hazırlamaq tapşırıla
bilər:
1. Metal naqili qızdırdıqda onun müqaviməti necə dəyişir?
2. Metallar və ərintilərin müqavimətinin temperaturdan asılılığı hansı kəmiyyətlə xarakterizə
olunur?
3. Metallar və ərintilərin müqavimətinin temperatur əmsallarının cədvəl qiymətlərinin
müqayisəsindən hansı nəticəyə gəlmək olar?
4. İfratkeçiricilik nədir?
Təqdimatın hazırlanmasına ayrılan vaxt sinfin ümumi təlim nəticələrinin səviyyəsindən asılı
olaraq müxtəlif siniflərdə müxtəlif ola bilər – vaxtı müəllim müəyyənləşdirir.
Qrup liderlərinin təqdimatlarının müzakirəsindən sonra müəllim şagirdlərin bu mövzu üçün
xarakterik olan bir neçə məqama diqqət yetirmələrinə nail olmalıdır:
Metalların istilikkeçirməsi ilə elektrikkeçirməsi arasında əlaqə yaradıla bilər. Şagirdlərə
məlumdur ki, metallar həm yaxşı elektrikkeçirmə qabiliyyətinə, həm də yüksək isti-
likkeçiricilik xassəsinə malikdir. Klassik
elektron nəzəriyyəsinə görə, metalda elektronlar
hərəkət edərək özləri ilə yalnız elektrik yükünü yox, həm də istilik hərəkəti enerjisini – kine-
tik enerjini daşıyır. Metallarda elektronların konsentrasiyası çox böyük olduğundan bütün
istilik, demək olar, elektronlar tərəfindən daşınır, ion qəfəsi isə bu prosesdə az iştirak edir.
Buna görə də elektrik cərəyanını yaxşı keçirən metallar həm də yaxşı istilikkeçirənlərdir.
Metallar və ərintilərin müqavimətinin temperaturdan asılılığını xarakterizə etmək üçün
müqavimətin temperatur əmsalı adlanan fiziki kəmiyyətdən istifadə olunur:
∆
.
Bu zaman təmiz metalların və ərintilərin müqavimətinin temperatur əmsalının
qiymətlərini əks etdirən cədvəl nümayiş olunur:
Metal
Müqavimətin
temperatur
əmsalı,
Ərinti
Müqavimətin temperatur
əmsalı,
Gümüş
0,0037
Latun
0,0015
Alüminium
0,0038
Nixrom
0,0001
Sink
0,0037
Nikelin
0,0001
Mis
0,0043
Manqanin
0,00003
Qurğuşun
0,0042
Konstantan
0,00002
Sonra cədvəl təhlil edilir və belə bir nəticə çıxarılır: təmiz metalların müqavimətlərinin tem-
peratur əmsalları bir-birindən çox az fərqlənir – bu fərq
0,004 -dir. Ərintilərin müqavi-
mətlərinin temperatur əmsalları təmiz metallarla müqayisədə kifayət
dərəcədə kiçikdir və
onların qiymətləri bir-birindən kəskin fərqlənir. Bu o deməkdir ki, ərintilərin
müqaviməti
temperaturun artması ilə çox az dəyişir. Elə ərintilər vardır ki, məsələn, konstantan və man-
qanin qızdırıldıqda müqavimətləri heç dəyişmir.
Klassik elektron nəzəriyyəsinə görə, temperatur aşağı düşdükcə metalların müqaviməti
– onların xüsusi müqaviməti tədricən azalır. Müqavimətin temperaturdan bu cür asılılığı yük-
sək temperaturlar ilə müqayisədə təcrübədə müşahidə olunur. Lakin temperatur kifayət qədər
aşağı (bir neçə Kelvin) salınarsa, bu asılılıq tamam başqa cür olur. İlk növbədə elə görünür
ki, xüsusi müqavimət artıq temperaturdan asılı deyil və müəyyən sərhəd qiymətini alır.
Temperatur bir qədər də aşağı salınarsa, bəzi metallarda ifratkeçiricilik müşahidə olunur.